Rajamouli: రాజమౌళి వాడుకోవాలని ఫిక్సైన నెట్ ప్లిక్స్, చర్చలు?
ఓ కొత్త ప్రాజెక్టు రిపోర్ట్ ని రెడీ చేసి రాజమౌళిని సంప్రదించబోతున్నట్లు సమాచారం. దాంతో ఈ సారి నటీనటులతో పాటు సాంకేతిక నిపుణుల్లోనూ ఎవరెవరు కొనసాగుతారో, ఎవరు మారతారో తెలియని పరిస్థితి నెలకొంది.
Followమేగ్నమ్ ఓపస్ మూవీ ‘బాహుబలి’ ఫ్రాంచైజ్ కింద వెబ్ సీరిస్ కూడా తీయాలని నెట్ ప్లిక్స్ చాలాకాలంగా ట్రై చేస్తున్న సంగతి తెలిసిందే. గతంలోనే ఆర్కా మీడియా, ఎస్.ఎస్. రాజమౌళి కలిసి ఈ ప్రాజెక్టుని పూర్తి చేయాలని భావించారు. అందులో భాగంగానే నెట్ ఫ్లిక్స్ తో కలిసి దేవా కట్టా, ప్రవీణ్‌ సత్తారుతో ‘బాహుబలి: బిఫోర్ ది బిగినింగ్’ పేరుతో వెబ్ సీరిస్ తీశారు. అయితే… కారణాలు ఏవైనా… నెట్ ఫ్లిక్స్ సంస్థ ఇంతవరకూ చిత్రీకరించిన ఎపిసోడ్స్ పై అసంతృప్తి వ్యక్తం చేసారు. ప్రాజెక్టు పూర్తవకుండానే అటకెక్కింది. ఈ ఇద్దరు తెలుగు దర్శకులు సైతం తమ కొత్త ప్రాజెక్ట్స్ తో బిజీ అయిపోయారు. అయితే నెట్ ప్లిక్స్ కు మాత్రం ఈ వెబ్ సీరిస్ పై మోజు పోలేదు. దాంతో ఎలాగైనా ఈ ప్రాజెక్టుని పూర్తి చేయాలని చూస్తోంది. అందుకోసం డైరక్ట్ గా రాజమౌళిని సీన్ లోకి రావాలని ట్రై చేస్తోందని సమాచారం.
రాజమౌళిని షో రన్నర్ గా పెట్టి బాహుబలిని ముందుకు తీసుకెళ్లాలని ప్లాన్ చేస్తున్నట్లు ఫిల్మ్ నగర్ వర్గాల సమాచారం. ఈ మేరకు ఓ కొత్త ప్రాజెక్టు రిపోర్ట్ ని రెడీ చేసి రాజమౌళిని సంప్రదించబోతున్నట్లు సమాచారం. దాంతో ఈ సారి నటీనటులతో పాటు సాంకేతిక నిపుణుల్లోనూ ఎవరెవరు కొనసాగుతారో, ఎవరు మారతారో తెలియని పరిస్థితి నెలకొంది. అలాగే ఆల్రెడీ తీసిన వాటికి రిపేర్లు చేస్తారా ..మొత్తం కొత్తగా రెడీ చేస్తారా అనేది ఓ ఆసక్తికరమైన అంశంగా మారింది.
ఈ నేపథ్యంలో ఇప్పుడీ వెబ్ సీరిస్ ప్రయాణం మళ్లీ మొదలుకాబోతోంది. మాహిష్మతి సామ్రాజ్యాన్ని శివగామి ఎలా చేజిక్కించుకుందనే అంశం ప్రధానంగా తెరకెక్కుతున్న ఎనిమిది ఎపిసోడ్స్ వెబ్ సీరిస్ లో రమ్యకృష్ణ పాత్రను మృణాల్ ఠాకూర్ పోషించింది. అయితే ఇప్పుడు రీషూట్స్ కు, ప్యాచ్ వర్క్ పూర్తి చేయడానికి ఆమె ససేమిరా అంటోందని తెలుస్తోంది. తెలుగులో వైజయంతి మూవీస్ సంస్థ దుల్కర్ సల్మాన్ తో నిర్మిస్తున్న చిత్రంలో మృణాల్ హీరోయిన్ గా నటిస్తోంది.
హను రాఘవపూడి దర్శకత్వం వహిస్తున్న ఈ సినిమా షూటింగ్ పూర్తై రిలీజ్ కు రెడీ అయ్యింది. అలానే హిందీ ‘జర్సీ’లోనూ మృణాలే హీరోయిన్ గా నటించింది. షాహిద్ కపూర్ హీరోగా నటించిన ఈ సినిమా రిలీజైంది. భాక్సాఫీస్ దగ్గర వర్కవుట్ కాలేదు. మరికొన్ని ఇతర చిత్రాలకూ కమిట్ అయిన మృణాల్ అవసరం అయితే… ‘బాహుబలి: బిఫోర్ ది బిగినింగ్’ వెబ్ సీరీస్ నుండి తప్పుకుంటాననీ చెబుతోందట. మరి రాజమౌళి ఎంట్రీ ఇస్తే .. ఈ సమస్యలన్నీ పరిష్కృతమై ఈ వెబ్ సీరిస్ ఎప్పటికి నెట్ ఫ్లిక్స్ లో దర్శనమిస్తుందని అభిమానులు ఎదురుచూస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
