డైనోసార్ ని ఎదుర్కోవటం కోసం షారూఖ్ కు సపోర్ట్ గా దిల్ రాజు ?
సలార్ కు ఒక రోజు ముందే.. ‘డంకీ’ని విడుదల చేస్తున్నారు డిసెంబరు 21న ‘డంకీ’ విడుదల కానుంది. ఈమేరకు డిస్టిబ్యూటర్లకు చిత్రబృందం స్పష్టమైన సమాచారం అందించి పోస్టర్ వదిలారు.
 )
Follow
‘పఠాన్‌’, ‘జవాన్‌’అంటూ షారుఖ్‌ఖాన్‌ ఇప్పుడు సూపర్‌ ఫామ్‌లో ఉన్నాడు. ఈ క్రమంలో అందరి దృష్టీ ‘డంకీ’పై పడింది. షారుఖ్‌ - రాజ్‌ కుమార్‌ హిరాణీ కాంబోలో రూపుదిద్దుకొంటున్న చిత్రం కావటంలో క్రేజ్ మామూలుగా లేదు. ఇండియన్ బాక్సాఫీస్‌ ఈ సినిమా కోసం ఆసక్తిగా ఎదురు చూస్తోంది. అయితే ఈ సినిమాకు పోటీగా సలార్ ఉంది. దాన్ని ఎదుర్కొవటానికి షారూఖ్ టీమ్ రంగం సిద్దం చేస్తోంది. అందులో భాగంగా రిలీజ్ డేట్ ఓ రోజు ముందుకు జరిపారు. డిసెంబరు 22న ప్రభాస్ నటించిన ‘సలార్’ విడుదల కానుంది. ‘సలార్’ వల్ల ‘డంకీ’ విడుదల వాయిదా పడుతుందని అంతా ఊహించారు. అయితే చిత్ర టీమ్ మాత్రం వెనక్కి తగ్గేది లేదని స్పష్టం చేసింది. ఒక రోజు ముందే.. ‘డంకీ’ని విడుదల చేస్తున్నారు డిసెంబరు 21న ‘డంకీ’ విడుదల కానుంది. ఈమేరకు డిస్టిబ్యూటర్లకు చిత్రబృందం స్పష్టమైన సమాచారం అందించి పోస్టర్ వదిలారు.
ఒకే రోజు రెండు సినిమాలొస్తే.. థియేటర్ల పంపకం కష్టం అవుతుంది. ఒకరోజు గ్యాప్‌ తీసుకొన్నా... ఆ ఇబ్బందిని అధిగమించవచ్చు. అందుకే ‘డంకీ’ ఒకరోజు ముందే విడుదలకు సిద్ధమైంది. అయినా సరే తెలుగు మార్కెట్లో థియేటర్స్ ఇబ్బంది రాకుండా ఉండేందుకు ఇక్కడ దిల్ రాజు సాయం తీసుకుంటున్నట్లు సమాచారం. ట్రేడ్ వర్గాల నుంచి అందుతున్న సమాచారం మేరకు డుంకీ నైజామ్ హక్కులను దిల్ రాజు సొంతం చేసుకోబోతున్నట్లు తెలుస్తోంది. షారూఖ్ ఖాన్ స్వయంగా పర్యవేక్షిస్తున్నారట.
ఈ క్రమంలో దిల్ రాజు తో షారూఖ్ టీమ్ మాట్లాడిందని సమాచారం. మరో ప్రక్క సలార్ ని మైత్రి పంపిణి చేస్తోంది. థియేటర్ల పరంగా సలార్ తో తలపడాలంటే దిల్ రాజు వంటి పెద్ద డిస్ట్రిబ్యూటర్ అయితేనే బెస్ట్ అని టీమ్ భావించారని సమాచారం. అయితే రైట్స్ అమ్ముతున్నారా లేక కేవలం త్రూ రిలీజ్ పద్దతిలో రిలీజ్ చేస్తున్నారా అనేది తెలియరాలేదు. ఈ వార్తే నిజమే అయితే సలార్, డుంకీల స్క్రీన్ల పంపకాలు రచ్చ మామూలుగా ఉండదంటున్నారు. డైనోసార్ ని ఎదుర్కోవాలంటే ఆ మాత్రం జాగ్రత్తలు తీసుకోవాలి తప్పదంటున్నారు.
సలార్ విషయానికి వస్తే.... 'కెజియఫ్', 'కెజియఫ్ 2' చిత్రాల తర్వాత ప్రశాంత్ నీల్ (Prashanth Neel) డైరెక్ట్ చేస్తున్న సినిమా 'సలార్'. దీనినీ 'కెజియఫ్' తరహాలో రెండు భాగాలుగా విడుదల చేయనున్నారు. ప్రశాంత్ నీల్ దర్శకత్వంలో 'కెజియఫ్' ఫ్రాంచైజీ నిర్మించిన హోంబలే ఫిలిమ్స్ ఈ 'సలార్'ను కూడా నిర్మిస్తోంది. విజయ్ కిరగందూర్ నిర్మాత. ఇందులో ప్రభాస్ జోడీగా కమల్ హాసన్ కుమారై, ప్రముఖ కథానాయిక శృతి హాసన్ నటిస్తున్నారు. జర్నలిస్ట్ ఆద్య పాత్రను ఆమె పోషిస్తున్నారు. ప్రభాస్, శృతి హాసన్ జంటగా నటిస్తున్న మొదటి చిత్రమిది. ఈ సినిమాలో ప్రభాస్ తల్లిగా ఈశ్వరీ రావు నటిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
