#Liger:'లైగర్' హిందీ లేటు రిలీజ్ స్ట్రాటజీ అదేనా?
ఈ మూవీ హిందీ వెర్షన్ ఓ రోజు ఆలస్యంగా రిలీజ్ అవుతున్నట్టుగా తెలిసింది. వరల్డ్ వైడ్ గా అన్ని భాషల్లో 'లైగర్' మూవీ గురువారం ఉదయం ఆటతో మొదలైతే హిందీలో మాత్రం అలా రిలీజ్ కావడం లేదు. గురువారం రాత్రి నుంచి మాత్రమే ఈ మూవీ హిందీ వెర్షన్ షోలు పడబోతున్నాయి.
Follow
రౌడీ స్టార్ విజయ్ దేవరకొండ నటించిన మిక్స్డ్ మార్షల్ ఆర్ట్స్ మూవీ 'లైగర్'. ప్రముఖ దర్శకుడు పూరి జగన్నాథ్ అత్యంత ప్రతిష్టాత్మకంగా ఈ మూవీని తెరకెక్కించారు. పూరి కనెక్ట్స్ ధర్మా ప్రొడక్షన్స్ బ్యానర్ లపై పూరి చార్మి కరణ్ జోహార్ అపూర్వ మొహతా సంయుక్తంగా నిర్మించిన ఈ మూవీ రేపు రిలీజ్ కాబోతోంది. అనన్య పాండే హీరోయిన్ గా నటించగా వరల్డ్ ఫేమస్ బాక్సర్ మైక్ టైసన్ కీలక పాత్రలో నటించారు. భారీ అంచనాలు నెలకొన్న ఈ మూవీ ఆగస్టు 25న మరి కొన్ని గంటల్లో థియేటర్లలో ప్రపంచ వ్యాప్తంగా సందడి చేయబోతోంది.
అయితే ఈ మూవీ హిందీ వెర్షన్ ఓ రోజు ఆలస్యంగా రిలీజ్ అవుతున్నట్టుగా తెలిసింది. వరల్డ్ వైడ్ గా అన్ని భాషల్లో 'లైగర్' మూవీ గురువారం ఉదయం ఆటతో మొదలైతే హిందీలో మాత్రం అలా రిలీజ్ కావడం లేదు. గురువారం రాత్రి నుంచి మాత్రమే ఈ మూవీ హిందీ వెర్షన్ షోలు పడబోతున్నాయి. ఇది 'లైగర్' టీమ్ అనుసరిస్తున్న కొత్త స్ట్రాటజీగా తెలుస్తోంది. ఇలా ఎందుకు చేస్తున్నారన్నది మాత్రం ప్రస్తుతానికి సస్పెన్స్ అనే తెలుస్తోంది.అందుకు కారణం ఏమిటి అనేది అంతటా హాట్ టాపిక్ గా మారింది.
అయితే ఫిల్మ్ సర్కిల్స్ నుంచి అందుతున్న సమాచారం మేరకు 'లైగర్' హిందీ వెర్షన్ లేటు రిలీజ్ కు కారణం....అక్కడ ఓపినింగ్స్ కోసం అని తెలుస్తోంది. అక్కడ ఆల్రెడీ బోయ్ కాట్ లైగర్ అని నడుస్తోంది. ఒక రోజు లేటు చేస్తే ఇక్కడ నుంచి రివ్యూలు సూపర్ హిట్ అని వెళ్తాయి. దాంతో హిందీలో కూడా అదిరిపోయే ఓపినింగ్స్ వస్తాయి. అప్పుడు బోయ్ కాట్ ట్రెండ్ ని ఎవరూ పట్టించుకోరు. అయితే ఇందులో ఓ రిస్క్ ఉంది. అదేమిటంటే సినిమా తేడా టాక్ వస్తే మాత్రం అసలు ఓపినింగ్స్ అనేవే ఉండవు. కానీ తమ సినిమాపై బీబత్సమైన నమ్మకంతో కరుణ్ జోహార్, పూరి కలిసి ఈ నిర్ణయం తీసుకున్నట్లు సమాచారం.
ఇక కరీంనగర్ నుంచి ముంబై వెళ్లిన తల్లీ కొడుకుల కథగా ఈ మూవీని దర్శకుడు పూరి జగన్నాథ్ అత్యంత భారీ స్థాయిలో తెరకెక్కించారు. ముంబై స్లమ్ ఏరియాలో వుంటూ ఛాయ్ వాలా ఎలా ఇండర్నేషనల్ ఫైటర్ గా ఎదిగాడనే ఆసక్తికరమైన కథ కథనాలతో తెరకెక్కిన మూవీ ఇది. గత కొన్ని రోజులుగా బాయ్ కాట్ వివాదంతో వార్తల్లో నిలుస్తున్న ఈ మూవీకి కావాల్సిన దానికి మించి బాయ్ కాట్ లైగర్ వివాదంతో పబ్లిసిటీ భారీ స్థాయిలో లభించింది.
దీంతో ఈ మూవీకి వరల్డ్ వైడ్ గా అడ్వాన్స్ బుకింగ్స్ రికార్డు స్థాయిలో వున్నాయి. మరి కొన్ని గంటల్లో ఈ మూవీ పాన్ ఇండియా వైడ్ గా భారీ స్థాయిలో రిలీజ్ కాబోతోంది. ఈ మూవీకున్న బజ్ ని బట్టి ప్రపంచ వ్యాప్తంగా భారీ ఓపెనింగ్స్ లభించే అవకాశం వుందని తెలుస్తోంది. . ఈ మూవీని నైజాంలో వరంగల్ శ్రీను విడుదల చేస్తున్న విషయం తెలిసిందే. వైజాగ్ తో పాటు మరో ఏరియాలో దిల్ రాజు విడుదల చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
