Jio Hotstar: ఈ ఒక్క ప్లాన్ తో 3 నెలలు జియో హాట్స్టార్ ఫ్రీ!
జియో ఇటీవల కొత్తగా జియో హాట్స్టార్ ఓటీటీ సేవలను ప్రారంభించింది. జియో హాట్స్టార్ సేవలను ఉచితంగా పొందడానికి వీలుగా రిలయన్స్ జియో కొత్త ప్లాన్ కూడా అందిస్తోంది. ఇంతకీ ఆ ప్లాన్ ఏంటీ? ఎన్ని రోజులు వ్యాలిడిటీ ఉంటుంది ఇతర విషయాలు ఇక్కడ చూద్దాం.
జియో హాట్స్టార్ ఉచిత ఆఫర్
రిలయన్స్ జియో ఇటీవల జియో హాట్స్టార్ కొత్త స్ట్రీమింగ్ ప్లాట్ఫామ్ను ప్రారంభించింది. ఇప్పుడు జియో సినిమా, డిస్నీ+ హాట్స్టార్ రెండింటినీ కలిపి ఈ ఒక్క ప్లాట్ఫామ్ను రూపొందించారు. దీనిలో రెండింటి కంటెంట్నూ చూడవచ్చు. దీని సబ్స్క్రిప్షన్ పూర్తిగా ఉచితంగా పొందడానికి జియో ఒక రీఛార్జ్ ప్లాన్ అందిస్తోంది.
జియో హాట్స్టార్
ఈ ప్లాన్ 84 రోజుల వ్యాలిడిటీతో అన్లిమిటెడ్ 5G డేటా లభిస్తుంది. దీంతోపాటు అన్లిమిటెడ్ కాల్స్, రోజువారీ SMSలు కూడా ఉంటాయి. కొత్త OTT సర్వీస్ను ఆస్వాదించాలనుకుంటే, దానికోసం విడిగా ఖర్చు చేయకుండా ఈ ప్లాన్లో రీఛార్జ్ చేసుకుంటే చాలు.
3 నెలల ఉచిత సబ్స్క్రిప్షన్
జియో అందిస్తున్న రీఛార్జ్ ప్లాన్స్లో జియో హాట్స్టార్ యాక్సెస్ ఇచ్చేది ఈ ఒక్క ప్లానే. దీని ధర రూ.949. ఈ ప్లాన్ 84 రోజుల వ్యాలిడిటీతో వస్తుంది. అన్లిమిటెడ్ ఉచిత వాయిస్ కాల్స్తో పాటు రోజుకు 2GB డేటాను అందిస్తుంది. రోజుకు 100 SMSలు పంపవచ్చు.
హాట్స్టార్ సబ్స్క్రిప్షన్
ఈ ప్లాన్ను ఎంచుకుంటే జియో హాట్స్టార్ మొబైల్ సబ్స్క్రిప్షన్ మూడు నెలల పాటు ఉచితంగా లభిస్తుంది. జియోటీవీ, జియోక్లౌడ్ లాంటి యాప్స్ యాక్సెస్ కూడా లభిస్తుంది. ఈ ప్లాన్లో రీఛార్జ్ చేసుకునే అర్హత కలిగిన వారికి రిలయన్స్ జియో అన్లిమిటెడ్ 5G డేటాను కూడా అందిస్తుంది.