సింగపూర్‌ను ఆశ్చర్యపర్చిన భారత్‌.. చంద్రయాన్-3 సక్సెస్ పై అభినందనలు తెలిపిన మంత్రి !

చంద్రుడిపై కాలు మోపిన నాలుగో దేశంగా, చంద్రుడి దక్షిణ ధ్రువంపై  స్పెస్  క్రాఫ్ట్ ల్యాండ్ చేసి అన్వేషించిన తొలి దేశంగా కూడా భారత్ ఘనత సాధించింది. 

ప్రస్తుతం భారత శాస్త్రవేత్తలను  రష్యా అధ్యక్షుడు పుతిన్ తో సహా పలు దేశాల నేతలు అభినందనలు తెలుపుతూ సంతోషాన్ని వ్యక్తం చేస్తున్నారు.  దక్షిణాఫ్రికాలో జరుగుతున్న బ్రిక్స్ సదస్సుకు హాజరైన ప్రధాని మోదీ రేపు గ్రీస్ వెళ్లనున్నారు. 
 

అక్కడి నుంచి ఆగస్టు 26న గ్రీస్ నుంచి నేరుగా బెంగళూరుకు వెళ్లి అక్కడ శాస్త్రవేత్తలను కలుసుకుని శుభాకాంక్షలు తెలియజేస్తారు. ఈ గొప్ప వైజ్ఞానిక విజయాన్ని ప్రపంచం మెచ్చుకుంటున్న వేళ, టెక్నాలజీలో ఎన్నో మైలురాళ్లను దాటిన సింగపూర్ ప్రభుత్వం కూడా భారత్‌కు మనస్ఫూర్తిగా అభినందనలు తెలిపింది. 
 

ఈ విషయమై సింగపూర్ ప్రభుత్వ విదేశాంగ మంత్రి  జార్జ్ అయో పోస్ట్ చేసిన ఫేస్‌బుక్ పోస్ట్‌లో అతను ఇస్రో శాస్త్రవేత్తలందరికీ అభినందనలు తెలిపారు. చంద్రయాన్ 3 చంద్రుడిపై ల్యాండ్ అయింది, భారతదేశానికి అభినందనలు అని ఆయన తన పోస్ట్‌లో పేర్కొన్నారు.