LSG Analysis పంత్ జట్టుకి కప్ గెలిచే సత్తా ఉందా? ఎల్ఎస్జీ బలాలు, బలహీనతలు..
ఐపీఎల్ 2025: రిషబ్ పంత్ నాయకత్వంలో ఈసారి ఎలాగైనా కప్ గెలిచి తీరాలన్న సంకల్పంతో సమాయత్తం అవుతోంది లక్నో సూపర్ జెయింట్స్ (ఎల్ఎస్జీ). హేమాహేమీ క్రికెటర్లు ఉన్న ఇతర జట్లను ఓడించి టైటిల్ నెగ్గడం సాధ్యమవుతుందా? ఆ జట్టు బలాలేంటి? బలహీనతలేంటి? ఓసారి లుక్ వేద్దాం.
లక్నో సూపర్ జెయింట్స్
లక్నో సూపర్ జెయింట్స్ మార్చి 23న విశాఖపట్నంలోని ఆంధ్ర క్రికెట్ అసోసియేషన్ (ఏసీఏ) స్టేడియంలో ఐపీఎల్ 2025 సీజన్ను ఢిల్లీ క్యాపిటల్స్తో పోరు ప్రారంభిస్తుంది.
ఐపీఎల్లో, ఎల్ఎస్జీ 2022లో అరంగేట్రం చేసినప్పటి నుండి మొదటిసారిగా ప్లేఆఫ్కు అర్హత సాధించడంలో విఫలమైంది. పాయింట్ల పట్టికలో ఏడవ స్థానంలో నిలిచింది. ఐపీఎల్ 2025కు ముందు, లక్నో ఫ్రాంచైజీ గత సీజన్ నుండి తమ ప్రధాన ఆటగాళ్లను నిలుపుకుంది. నవంబర్లో జరిగిన వేలంలో మరికొంతమంది ఆటగాళ్లను జట్టులోకి తీసుకుంది. రిషబ్ పంత్ను 27 కోట్లకు కొనుగోలు చేశారు. అతడు లక్నో సూపర్ జెయింట్స్కు నాయకత్వం వహిస్తాడు.
ఐపీఎల్ 2025 కోసం ప్రధాన ఆటగాళ్లు, కొత్త జట్టుతో లక్నో సూపర్ జెయింట్స్ రిషబ్ పంత్ కెప్టెన్సీలో మొదటి ఐపీఎల్ టైటిల్ను గెలుస్తుందా? మొదటి టైటిల్ గెలవడానికి వారి బలాలు, బలహీనతలు, అవకాశాలు చూద్దాం.
బలాలు
లక్నో సూపర్ జెయింట్స్ బ్యాటింగ్ లైనప్ చాలా బలంగా ఉంది. డేవిడ్ మిల్లర్, ఐడెన్ మార్క్రామ్, నికోలస్ పూరన్, మిచెల్ మార్ష్ వంటి ఉత్తమ టీ20 ఆటగాళ్లు ఉన్నారు. కెప్టెన్ రిషబ్ పంత్, అర్షిన్ కులకర్ణి, ఆయుష్ బదోని వంటి ప్రతిభావంతులైన భారతీయ బ్యాటర్లు కూడా ఎల్ఎస్జీకి ఉన్నారు. మిల్లర్, మార్క్రామ్, మార్ష్, పూరన్ మిడిల్ ఆర్డర్లో వేగంగా పరుగులు చేయగలరు. పంత్ ఐపీఎల్ 2025లో ఎల్ఎస్జీకి ఇన్నింగ్స్ ప్రారంభించి స్థిరత్వం ఇవ్వగలడు. ఎల్ఎస్జీ బలమైన బ్యాటింగ్ లైనప్ భారీ స్కోర్లు చేయడానికి లేదా ఛేదించడానికి వీలు కల్పిస్తుంది.
ఎల్ఎస్జీకి మరో బలం వారి పేస్ బౌలింగ్. ఆవేశ్ ఖాన్, షమార్ జోసెఫ్, మోసిన్ ఖాన్ వేగంగా బౌలింగ్ చేయగలరు. మయాంక్ యాదవ్ సీజన్ మొదటి భాగంలో అందుబాటులో ఉండడు. అతని స్థానంలో శార్దూల్ ఠాకూర్ వచ్చే అవకాశం ఉంది. మోసిన్ బంతిని రెండు వైపులా స్వింగ్ చేయగలడు. షమార్ అదనపు బౌన్స్తో ప్రత్యర్థులను ఇబ్బంది పెట్టగలడు. ఆవేశ్ డెత్ ఓవర్లలో విభిన్న వేరియేషన్లతో స్థిరత్వాన్ని అందిస్తాడు.
బలహీనతలు
లక్నో సూపర్ జెయింట్స్ బలహీనతల్లో నాణ్యమైన స్పెషలిస్ట్ స్పిన్నర్లు లేకపోవడం ఒకటి. రవి బిష్ణోయ్ మాత్రమే జట్టులో నమ్మదగిన స్పిన్ బౌలర్. అతనికి ఐపీఎల్లో, భారత జట్టుకు ఆడిన అనుభవం ఉంది. స్పిన్నర్లు కీలక పాత్ర పోషించే స్పిన్-ఫ్రెండ్లీ ట్రాక్లపై ఇది ఆందోళన కలిగిస్తుంది. షాబాజ్ అహ్మద్ గత సంవత్సరం సయ్యద్ ముస్తాక్ అలీ ట్రోఫీలో బ్యాట్తో అద్భుతంగా రాణించాడు. కానీ అతని బౌలింగ్ అంతగా ఆకట్టుకోలేదు. అతను ఏడు వికెట్లు మాత్రమే తీశాడు.
ఎల్ఎస్జీకి మరో బలహీనత మిడిల్ ఆర్డర్లో విదేశీ హిట్టర్లపై ఆధారపడటం. నికోలస్ పూరన్, ఐడెన్ మార్క్రామ్, డేవిడ్ మిల్లర్ భారీ హిట్టింగ్ చేయగలరు. కానీ వారు విఫలమైతే జట్టు క్లిష్ట పరిస్థితుల్లో చిక్కుకుంటుంది. మిచెల్ మార్ష్ ఐపీఎల్ రాబోయే సీజన్లో బౌలింగ్ చేయడు. షాబాజ్ అహ్మద్ మాత్రమే బ్యాట్, బంతితో రాణించగలడు.
అవకాశాలు
లక్నో సూపర్ జెయింట్స్తో రిషబ్ పంత్ తన మొదటి ఐపీఎల్ టైటిల్ను గెలుచుకోవడానికి రాబోయే ఐపీఎల్ సీజన్ ఒక గొప్ప అవకాశం. పంత్ ఐపీఎల్ 2025కు ముందు ఢిల్లీ క్యాపిటల్స్ అతన్ని విడుదల చేయడంతో తన 3 సంవత్సరాల కెప్టెన్సీలో జట్టును ఫైనల్కు నడిపించలేకపోయాడు. లక్నో సూపర్ జెయింట్స్కు నాయకత్వం వహించడం ద్వారా తన కెప్టెన్సీ నైపుణ్యాలను నిరూపించుకోవడానికి, జట్టును వారి మొదటి ఐపీఎల్ టైటిల్కు నడిపించడానికి ఒక అవకాశం లభిస్తుంది. ఐపీఎల్ 2025లో తన నాయకత్వ నైపుణ్యాలను ప్రదర్శించడం ద్వారా భారత టీ20 జట్టుకు భవిష్యత్తు కెప్టెన్గా నిరూపించుకోవచ్చు. ఎల్ఎస్జీతో విజయవంతమైన సీజన్ 2026 టీ20 ప్రపంచ కప్ ముందు అతనికి పెద్ద బాధ్యతను అప్పగించేలా చేస్తుంది.
ఎల్ఎస్జీకి మరో అవకాశం ప్రతిభావంతులైన ఆటగాళ్లను గుర్తించడం. పంత్, రవి బిష్ణోయ్ యువ ఆటగాళ్లు. మాథ్యూ బ్రెట్జ్కే, అర్షిన్ కులకర్ణి, ఆయుష్ కులకర్ణి, రాజవర్ధన్ హంగర్గేకర్, యువరాజ్ చౌదరి, అబ్దుల్ సమద్ మ్యాచ్ విన్నర్లుగా మారగలరు. సరైన అవకాశం, ప్రోత్సాహం లభిస్తే ఎల్ఎస్జీ విజయానికి దోహదం చేస్తారు.
సమస్యలు
లక్నో సూపర్ జెయింట్స్కు అతి పెద్ద ముప్పు గాయాల సమస్యలు. మిచెల్ మార్ష్ వెన్ను సమస్య కారణంగా ఆల్ రౌండర్గా ప్రదర్శన చేస్తాడో, లేదో అనే కలవరం మొదలైంది. మయాంక్ యాదవ్ టోర్నమెంట్ ప్రారంభ మ్యాచ్లకు అందుబాటులో ఉండడం లేదు. ఆవేశ్ ఖాన్ ఐపీఎల్ 2025కు అందుబాటులో ఉంటాడో లేదో చూడాలి. దాంతో శార్దూల్ ఠాకూర్, రాజవర్ధన్ హంగర్గేకర్ లపై అత్యధిక భారం పడనుంది.
మరో సమస్య స్లో పిచ్లపై మిడిల్ ఆర్డర్లో ఇన్నింగ్స్ను నిలబెట్టే ఆటగాడు లేకపోవడం. నికోలస్ పూరన్, డేవిడ్ మిల్లర్ స్పిన్కు వ్యతిరేకంగా బాగా ఆడగలరు. ఒకవేళ వారు విఫలమైతే ఎల్ఎస్జీ ఇబ్బంది పడుతుంది. ఎల్ఎస్జీకి ఒకే స్పిన్నర్ ఉండటం కూడా ప్రత్యర్థులకు కలిసి వచ్చే అంశం.