CSK ధోనీ మ్యాజిక్ ఫలిస్తుందా? సీఎస్కే విజయాల బాట పడుతుందా??

ఈ ఐపీఎల్ సీజన్లో అత్యంత నిరాశాజనకమైన ఆటతీరు కనబరుస్తున్న జట్టు చెన్నై సూపర్ కింగ్స్. ఆడిన ఆరు మ్యాచ్ లలో ఐదు పరాజయాలతో పాయింట్ల పట్టికలో అట్టడుగు స్థానంలో ఉంది. సీఎస్కే ప్లే ఆఫ్స్ కి చేరడం కష్టమైన పనే.. కానీ అసాధ్యం మాత్రం కాదు. కొన్ని మ్యాచ్ ల తర్వాత ఐపీఎల్ 2025లో సీఎస్‌కే కెప్టెన్‌గా ఎంఎస్ ధోనీ తిరిగి రావడం ఆ జట్టుకు పెద్ద బలం. ధోనీ కెప్టెన్ గా మొదటి టీ20లో పరాజయం పాలైనా మిగతా మ్యాచ్లలో తిరిగి విజయాలవైపు నడిపిస్తాడని అభిమానులు ఆశగా ఎదురుచూస్తున్నారు. మిస్టర్ కూల్ గా పేరున్న ధోనీ తన అనుభవం, ప్రశాంత నాయకత్వం, వ్యూహాత్మక నైపుణ్యంతో తన వైపునకు తిప్పుకుంటాడని ఆశిస్తున్నారు.

ధోనీపైనే భారం

ఐదు మ్యాచ్ ల తర్వాత ధోనీ తిరిగి చెన్నై సూపర్ కింగ్స్ జట్టు నాయకుడు అయ్యాడు. అయినా మొదటి మ్యాచ్ లో జట్టు ఓటమి పాలైంది. అయినా తర్వాత మ్యాచ్లలో తను జట్టుని విజయం వైపు నడిపిస్తాడని అంతా అంటున్నారు.. అదెలాగంటే..

1. ధోనీ ఫ్యాక్టర్: మిస్టర్ కూల్

ఎంఎస్ ధోనీ కేవలం క్రికెటర్ మాత్రమే కాదు; అతను మిస్టర్ కూల్. ఎన్నో క్లిష్ట సమయాల్లో ఒత్తిడిని తట్టుకుంటూ జట్టుకి నమ్మశక్యం కాని విజయాలు అందించాడు. జట్టు సామర్థ్యాన్ని పదే పదే చూపించాడు, తన దళాలను సమర్థంగా ఉపయోగించుకుంటూ గెలుపు ఆశలు లేని సమయంలోనూ తనకు అనుకూలంగా మలచుకున్నాడు. ఇప్పడూ అదే మ్యాజిక్ చూపిస్తే చెన్నై పోటీలోకి రావడం అంత కష్టమేం కాదు. 

2. పుంజుకోవడంలో రికార్డ్

చెన్నైకి ఎదురుదెబ్బలు కొత్తేమీ కాదు. నెమ్మదిగా ప్రారంభమైనా, గాయాలైనా, ఫ్రాంచైజీ ఎప్పుడూ బలంగా పుంజుకోవడంలో ముందుంటుంది. గతంలో పాయింట్ల పట్టికలో వెనక ఉన్నప్పుడు సైతం వరుస విజయాలతో కప్పు ఎగరేసుకుపోయింది. కీలక సమయాల్లో ఆటగాళ్లు ఫామ్ అందుకున్న సందర్భాలున్నాయి. ఇప్పుడూ అదే జరుగుతుందని అంతా ఆశిస్తున్నారు. 

3. హోమ్ అడ్వాంటేజ్

కేకేఆర్‌తో జరిగిన మ్యాచ్‌లో తడబడినప్పటికీ, చెపాక్ ఇప్పటికీ సీఎస్‌కేకు కంచుకోట. పిచ్ ఈసారి విఫలమై ఉండవచ్చు. తర్వాత మ్యాచ్లలో కూడా జట్టు ఇక్కడే ఆడాల్సి ఉండటం పెద్ద ప్లస్ పాయింట్ అవుతుంది. 

4. డగౌట్‌లో వ్యూహాత్మక మేధావి

ధోనీలా మ్యాచ్‌లను, పరిస్థితులను, గేమ్ దృశ్యాలను కొద్దిమంది కెప్టెన్లు మాత్రమే అర్థం చేసుకుంటారు. ఉన్న వనరులను సమర్థంగా వినియోగించుకోవడం అతడికే సాధ్యం అవుతుంది. ముఖ్యంగా బౌలర్లను కచ్చితత్వంతో ఎలా వాడుకోవాలో అతడికి బాగా తెలుసు. కొత్త కుర్రాళ్లకు అవకాశాలిస్తుంటాడు. బ్యాటింగ్లో టాప్ ఆర్డర్ కి వెళ్లమని ప్రమోషన్ ఇస్తుంటాడు. అలాంటి ఆశ్చర్యకరమైన నిర్ణయాలు జట్టును గెలిపిస్తాయనడంలో సందేహం లేదు.