శ్రావణమాసంలో ఉపవాసం.. ఈ జాగ్రత్తలు తప్పనిసరి..!

పవిత్రమైన శ్రావణ మాసం రేపటి నుండి ప్రారంభం కానుంది. ఈ మాసంలో చాలా మంది భక్తులు ఉపవాసం ఉంటారు. మరికొందరు మాంసాన్ని వదులుకుంటారు. ఐతే శ్రావణ మాసంలో ఏం తినాలి, ఏం తినకూడదు అనే సమాచారం ఇప్పుడు తెలుసుకుందాం...

శ్రావణ మాసంలో సోమవారం, శుక్రవారం ఎక్కువ మంది ఉపవాసం ఉంటారు. ఆ సమయంలో  మరికొందరు మాంసాహారం, మద్యపానానికి దూరంగా నెలరోజుల పాటు శాఖాహారం పాటిస్తున్నారు. మరికొందరు భోజనాన్ని రోజుకు ఒక భోజనానికి పరిమితం చేస్తారు. ఇలా హిందువులు ఏదో ఒక రూపంలో ఆహార నియంత్రణలను పాటిస్తారు. కాబట్టి ఈ మాసంలో భక్తి తో పాటు, ఆరోగ్యానికి కూడా ప్రాధాన్యత ఇవ్వాలి. మరి అలాంటి సమయంలో ఎలాంటి ఆహారాలు తీసుకోవాలో ఓసారి చూద్దాం...

మద్యం, మాంసం తినవద్దు...

శ్రావణ మాసంలో మద్యం, మాంసాహారం తీసుకోకూడదు. ఈ నెలలో మద్యపానానికి పూర్తిగా దూరంగా ఉండండి. అదేవిధంగా శ్రావణమాసంలో గుడ్లు, చేపలు, ఎలాంటి మాంసం తినకూడదు.
 

శ్రావణమాసంలో వంకాయ తినకూడదు...

శ్రావణ మాసంలో వంకాయ తినకూడదు. ఇది పూర్తిగా అపవిత్రమైనది. చాలా మంది శ్రావణంలో దీనికి దూరంగా ఉంటారు.

పాలు, ఆకుపచ్చ కూరగాయలు 

ఉపవాసం ఉండే వారు పాలకు దూరంగా ఉండాలి. ఆయుర్వేదం ప్రకారం, వర్షాకాలంలో పాలు,  పాల ఉత్పత్తులు అన్ని రకాల దోషాలను అసమతుల్యతను కలిగిస్తాయి. ఇక శ్రావణ మాసంలో పచ్చి కూరగాయలు, ఆకుకూరలు తినకూడదు.  ఎక్కువగా వేయించిన మసాలాలకు దూరంగా ఉండండి.

శ్రావణ వ్రతంలో ఏమి తినాలి?

శ్రావణ మాసంలో రోజుకు కనీసం 8-10 గ్లాసుల నీరు త్రాగాలి. ఉదయం నిద్ర లేవగానే రెండు గ్లాసుల గోరువెచ్చని నీటిలో కాస్త నిమ్మరసం, తేనె కలుపుకుని తాగాలి. ఉపవాసం ఉన్నప్పుడు చిరుతిండికి బదులుగా ఒక గ్లాసు అరటి మిల్క్ షేక్ తాగవచ్చు.

బాదం వంటి గింజలు తీసుకోవాలి. 1 గిన్నె సలాడ్ లేదా సాబుదానా కిచ్డీని భోజనం కోసం తీసుకోవచ్చు.
లంచ్ సమయంలో 2 చపాతీలు, 1 గిన్నె పప్పు, 1 గిన్నె సూప్, 1 గిన్నె పెరుగు తీసుకుంటే మంచిది. నిద్రవేళలో 1 అరటిపండు తినండి.