raksha bandhan 2023: మణికట్టుకు రాఖీ కట్టడం వెనకున్న ఆధ్యాత్మిక, శాస్త్రీయ కారణాలు ఇవే..!

raksha bandhan 2023: సనాతన ధర్మంలో ఆరాధన సమయంలో అనేక సంప్రదాయాలను పాటిస్తారు. మణికట్టుకు రాఖీని కట్టే సంప్రదాయం వీటిలో ఒకటి. పురాతన కాలం నుంచి ఈ సంప్రదాయం కొనసాగుతోంది. మత విశ్వాసాల ప్రకారం.. రక్షాసూత్రానికి ఇలాంటి అనేక శక్తులు ఉన్నాయి. దీని వల్ల ఒక వ్యక్తి వివిధ రకాల వ్యాధులు, లోపాలు, సమస్యలకు దూరంగా ఉంటాడు. రక్షా సూత్రం , కంకణం కట్టడం వెనుక ఆధ్యాత్మిక కారణం మాత్రమే కాదు.. శాస్త్రీయ కారణం కూడా ఉంది. చాలా చోట్ల రాక్షససూత్రాన్ని మౌళి అని కూడా పిలుస్తారు. రక్షాసూత్రం కట్టే ప్రాముఖ్యత, దాని వెనుక దాగి ఉన్న శాస్త్రీయ కారణాలేంటో ఇప్పుడు తెలుసుకుందాం..
 

రక్షాసూత్రం కట్టడం వెనకున్న ఆధ్యాత్మిక ప్రాముఖ్యత

పూజ సమయంలో చేతికి రక్షా సూత్రం లేదా కంకణం కట్టడం వల్ల త్రిమూర్తుల అనుగ్రహం లభిస్తుందని శాస్త్రాల్లో ఉంది. ముగ్గురు దేవుళ్లు అయిన బ్రహ్మ, విష్ణు, మహేశ్వరులు కాగా మహాలక్ష్మి, మాతా సరస్వతి, కాళీమాత. పూజ సమయంలో కంకణం కట్టడం వల్ల ఒక వ్యక్తికి బలం, తెలివితేటలు, జ్ఞానం, సంపద లభిస్తుందని నమ్ముతారు. అలాగే దేవుళ్ల అనుగ్రహం ఆ వ్యక్తిపై ఉంటుందట. మణికట్టుకు రక్షాసూత్రం కట్టే ఆచారం పురాతన కాలం నుంచి వస్తోంది. 

రక్షాసూత్రం ఆయుర్వేద ప్రాముఖ్యత

శాస్త్రం దృష్టితో చూస్తే.. రాక్షా సూత్రం కట్టడం వల్ల శరీరానికి అనేక రకాల వ్యాధుల నుంచి ఉపశమనం లభిస్తుంది. ఎందుకంటే శరీరంలోని అనేక ప్రధాన అవయవాలకు చేరే నరాలు మణికట్టు గుండా వెళతాయని ఆయుర్వేద శాస్త్రంలో చెప్పబడింది. ఇలాంటి పరిస్థితిలో ఈ ప్రదేశంలో రాక్షససూత్రం కట్టడం ద్వారా త్రిదోషానికి సంబంధించిన సమస్య అంటే వాత, పిత్త, కఫం దూరమై రక్తపోటు, గుండెజబ్బులు, మధుమేహం వంటి తీవ్రమైన వ్యాధులకు చాలా వరకు దూరంగా ఉంటారు.
 

రక్షాసూత్రం కట్టే నియమాలు

పురుషులు, అవివాహిత స్త్రీలు కుడిచేతికి రక్షాసూత్రం కట్టుకోవాలని శాస్త్రాల్లో చెప్పబడింది. అఅలాగే వివాహిత స్త్రీలు ఎడమ చేతికి కంకణం కట్టుకోవాలి. కంకణం కట్టేటప్పుడు ఒక చేతిని తలపై ఉంచాలి. ఇలా చేయడం వల్ల మనసు ప్రశాంతంగా ఉంటుందని, ఆత్మబలం పెరుగుతుందని నమ్ముతారు. అలాగే ఇది మనస్సుకు ప్రతికూల ఆలోచనలు రావు. 

జ్యోతిష్యశాస్త్రం ప్రకారం.. మణికట్టుకు ఎరుపు లేదా కుంకుమ రంగు రాఖీని కట్టడం మంచిది. ఎందుకంటే ఈ రంగును బలం, ధైర్యసాహసాలు, అదృష్టానికి చిహ్నంగా భావిస్తారు. దీనితో పాటుగా మణికట్టుపై ఎరుపు రంగు కంకణాన్ని ధరించడం వల్ల జాతకంలో కుజుడు బలమైన స్థితిలో ఉంటాడు. దీని వల్ల ఒక వ్యక్తి జీవితంలో ఆనందం, శ్రేయస్సును పొందుతాడు. అలాగే కొంతమంది మణికట్టుపై నల్ల దారాన్ని కూడా ధరిస్తారు. ఇది శని గ్రహానికి చిహ్నంగా పరిగణించబడుతుంది. ఈ రంగు కంకణాన్ని లేదా రాఖీని ధరించడం ద్వారా న్యాయదేవుడైన శని బలమైన స్థానంలో ఉంటాడు.