నవరాత్రులలో ఉపవాసం ఉంటున్నారా.. అయితే ఇవి తప్పక తెలుసుకోండి

ఈరోజు నుంచి దసరా నవరాత్రి ఉత్సవాలు ప్రారంభమయ్యాయి.ఈ నవరాత్రులలో భక్తులందరూ అమ్మవారి పూజలతో లీనమవుతారు.తొమ్మిది రోజులు నిష్టగా ఉంటారు. కొందరు భక్తులు అమ్మవారి మాలను ధరించి అమ్మవారిని కొలుస్తారు.

ఈ తొమ్మిది రోజులు ఉపవాసాలతో ఉండి పూజలు చేస్తారు. ఇక ఈ ఉపవాసాలు చేసే భక్తులు కాస్త నీరసంగా కనిపిస్తారు. కాబట్టి ఈ సమయంలో కొన్ని మంచి పదార్థాలు తినడం వల్ల ఆరోగ్యంగా ఉండవచ్చు. అవి ఏంటంటే..

అరటిపండు వాల్ నట్స్: అరటి పండ్లు, పెరుగు, వాల్ నట్స్, తేనే ను మిక్సీలో పట్టించాలి. ఇక అందులో వాల్ నట్ సర్వ్ చేసుకొని తీసుకోవడం వల్ల ఒకే సారి కడుపు నిండిపోయినట్లు అనిపిస్తోంది. ఆరోగ్యంగా కూడా ఉంటారు.

హనీ కోకోనట్ బాల్స్: ఇది తయారు చేసుకోవడానికి పీనట్ బట్టర్, తేనె, కొబ్బరి తురుము అవసరపడుతుంది. తేనే, పీనట్ బట్టర్ ని కలిపి కొబ్బరి వేసి మిక్స్ చేయాలి. వీటిని ఉండల్లా చేసుకొని ఫ్రిజ్ లో పెట్టుకొని తర్వాతకు తినాలి.

ఓట్స్ కీర్: ఓట్స్, పాలు, డ్రై ఫ్రూట్స్ తీసుకోవాలి. ముందుగా నెయ్యిని వేడిచేసి అందులో ఓట్స్ వేసి కలపాలి. తర్వాత పాలు పోసి వాటిని మెత్తగా చేయాలి. తరువాత డ్రైఫ్రూట్స్ వేసి గట్టిగా అయ్యే వరకు ఉంచి ఆ తర్వాత తీసుకోవాలి.

రోస్టడ్: పచ్చి రోస్టడ్ బయట మార్కెట్లో దొరుకుతుంది. ముందుగా ఒక పాన్ లో నెయ్యి వేసి అందులో ఉప్పు, బ్లాక్ పేపర్ వెయ్యాలి. తర్వాత మసాలా కూడా వేసి రోస్ట్ చేసుకొని తినడం వల్ల నీరసం అనేది ఉండదు.

డ్రై ఫ్రూట్స్: ఈ సమయంలో ఎక్కువగా గింజలు, డ్రై ఫ్రూట్స్ తీసుకుంటే చాలా మంచిది. ఇందులో ఉండే ఫైబర్, ప్రోటీన్స్ మంచి శక్తిని అందిస్తాయి. కాబట్టి ఉపవాస సమయంలో డ్రై ఫ్రూట్స్ తీసుకోవడం వల్ల నీరసం అనేది పోతుంది. 

గ్రీన్ టీ: గ్రీన్ టీ తీసుకోవడం వల్ల కాస్త శక్తి వస్తుంది. ఇందులో విటమిన్ సి ఎక్కువగా ఉంటుంది. ఇందులో కొవ్వును కరిగించే గుణాలు ఉన్నాయి. ఇది తీసుకోవడం వల్ల ఫ్రెష్ గా అనిపిస్తుంది. ఉపవాసం సమయంలో చాలా ఉపయోగపడుతుంది.

యోగర్ట్: యోగర్ట్ తీసుకోవడం వల్ల శరీరానికి బాగా సహాయపడుతుంది. ఇందులో ఉండే కేలరీలు మంచి శక్తిని ఇస్తాయి. కాబట్టి ఉపవాస సమయంలో ఇది తీసుకోవడం వల్ల శరీరానికి మంచి శక్తి ఉంటుంది. అందుకు ఈ సమయంలో ప్రతి ఒక్కరూ వీటిని తినడానికి ఇష్టపడాలి.