వైవాహిక జీవితంలో పురుషులు చేసే తప్పులు ఇవే.. వీటివల్లే ఎన్నో సమస్యలు

వైవాహిక జీవితంలో భార్యాభర్తలిద్దరూ తప్పులు చేస్తారు. భార్యల సంగతి పక్కన పెడితే.. భర్తలు చేసే కొన్ని సాధారణ తప్పులేంటి? వాటివల్ల ఎలాంటి సమస్యలను ఎదుర్కొంటారో ఇప్పుడు తెలుసుకుందాం పదండి. 

వైవాహిక జీవితాన్ని సాఫీగా, సంతోషంగా నడిపించడం అంత సులువైన పనేం కాదు. వైవాహిక జీవితాన్ని ముందుకు సాగించడం కాస్త కష్టమే. ముఖ్యంగా అనుకోకుండా తమ భాగస్వామితో సంబంధాన్ని బలహీనపరిచే పురుషులకు. భార్యాభర్త మధ్య సక్యతను, ప్రేమను, నమ్మకాన్ని పెంచేందుకు భర్తులు కొన్ని విషయాలను గుర్తుంచుకోవాలి. మరి వైవాహిక బంధంలో పురుషులు చేసే ప్రధాన తప్పిదాలు, రిలేషన్ షిప్ లో ఎదురయ్యే ప్రమాదాల గురించి ఇప్పడు తెలుసుకుందాం.. 

భార్యతో సమయాన్ని గడపకపోవడం

పురుషులు చేసే అత్యంత సాధారణ తప్పులలో  భాగస్వామితో నాణ్యమైన సమయాన్ని గడపకపోవడం ఒకటి.  దైనందిన జీవితంలోని అవసరాలు, పని, ఇతర బాధ్యతలను కారణాలుగా చూపుతూ చాలా మంది పురుషులు తమ భాగస్వామితో సరిగ్గా గడపరు. ఏదేమైనా.. భార్యతో రోజులో కొద్దిసేపైనా ఏకాంతంగా గడపకపోవడం వల్ల ఇద్దరి మధ్య దూరం పెరుగుతుంది. ప్రేమ, కనెక్షన్ తగ్గుతాయి. అందుకే ఎన్ని పనులు ఉన్నా.. సమయాన్ని కుదుర్చుకుని మీర మీ భార్యతో గడపండి. మీ పనుల గురించి చర్చించండి. వాళ్ల మాటలు వినండి. వారితో జోలి పెట్టండి. దీనివల్ల మీ ఇద్దరి మధ్య ఎలాంటి గొడవలు రావు. అలాగే కమ్యూనికేషన్ బాగుంటుంది. మీ బంధం బలోపేతం అవుతుంది. 

నిర్ణయాలు

భార్యాభర్తలు ఎప్పుడైనా సరే సాధ్యమైనంత వరకు కలిసే నిర్ణయాలను తీసుకోవాలి. కానీ కొంతమంది పురుషులు తమ భాగస్వామిని అడగకుండానే తమ జీవితానికి సంబంధించిన ఎన్నో నిర్ణయాలను తీసుకుంటారు. దీనివల్ల సమస్యలను ఫేస్ చేయొచ్చు. ఇంతకంటే ముందు మీ భాగస్వామిని సంప్రదించకుండా ఇలా నిర్ణయాలు తీసుకోవడం ఆమె ఇంపార్టెన్స్ లేకపోవడాన్ని చూపిస్తుంది. అంటే మీరు ఆమెకు ఇంపార్టెన్స్ ఇవ్వడం లేదని ఇది సూచిస్తుంది. దీనివల్ల భార్యాభర్తల మధ్య ఎన్నో గొడవలు, కొట్లాటలు జరగొచ్చు. ఇది సంబంధంలోని భాగస్వామ్య భావాన్ని కూడా బలహీనపరుస్తుంది. కీలక నిర్ణయాల్లో భాగస్వామిని సంప్రదించడం, నిమగ్నం చేయడం గౌరవం చూపడమే కాకుండా పరస్పర విశ్వాసం, అవగాహన ద్వారా బంధాన్ని బలోపేతం చేసుకోండి. 

భాగస్వామిని గుర్తించకపోవడం

భాగస్వామిని లైట్ తీసుకోవడం కూడా ఎన్నో సమస్యలకు దారితీస్తుంది. ముఖ్యంగా ఇది మీ బంధాన్ని నాశనం చేస్తుంది. భాగస్వామి చేసే చిన్న చిన్న పనులను గుర్తించడంలో లేదా కృతజ్ఞత చూపించడంలో విఫలం అయితే.. మీపై అసహ్యం, నిరాశ వంటి భావాలు మీ భార్యలో కలుగుతాయి. ఎంత చేసినా ఉట్టిదేనా అని వారికి అనిపిస్తుంది. ఇది మీరు విడిపోయే దాకా వెళ్లొచ్చు. అలాగే మీపై ప్రేమను కూడా  తగ్గిస్తుంది. మీ బంధం బలంగా ఉండాలంటే మాత్రం మీ భాగస్వామిని అభినందించండి. మీకోసం ఏదైనా చేసినప్పుడు థ్యాంక్స్ చెప్పండి. ఇవే మీ బంధాన్ని నిలబెడతాయి.