విజయ్ పార్టీకి పోలీసులు సంధించిన 21 ప్రశ్నలు ఇవే: 23న మహాసభ జరుగుతుందా? తమిళనాట హాట్ టాపిక్ ఇదే

విజయ్ తమ సభకు తిరుచ్చి, సేలం, తంజావూర్, విక్రవాండి వంటి ప్రదేశాలు పరిశీలించారు. తమిళగ వెట్రి కళగం నాయకత్వం, సాధారణ ప్రజలు ఎక్కువగా గుమికూడేందుకు అనుకూలమైన ప్రదేశం కావాలి, ఆ ప్రదేశం మిళనాడులోని కేంద్ర ప్రాంతంలో ఉండాలి అనే దృఢ నిశ్చయంతో విక్రవాండిలో సభ నిర్వహించేందుకు సన్నాహాలు మొదలు పెట్టారు. 

ఈ నేపథ్యంలో, విజయ్ మక్కల్ మన్ర ప్రధాన కార్యదర్శి బుస్సి స్సి ఆనంద్ జిల్లా నాయకులు, విల్లుపురం జిల్లా కలెక్టరును కలిసి విక్రవాండి ప్రాంతంలో 23వ తేదీన సభ నిర్వహించేందుకు అనుమతి పొందేందుకు లేఖ సమర్పించారు. దాన్ని కలెక్టర్ ఎస్పీకి పంపగా.. ఆయన దానిని డీఎస్పీ సురేశ్ కి పంపారు. మొత్తానికి పోలీసులు ఈ మహా సభకు సంబంధించి 21 ప్రశ్నలను సంధించారు.  ఆ ప్రశ్నలకు ఇప్పుడు చూద్దాం.

1. మీరు సమర్పించిన 28.08.2024 తేదీతో ఉన్న పిటిషన్‌లో సభ సమయం నిర్దేశించలేదు. దయచేసి సభ ఏ సమయానికి ప్రారంభమై ఏ సమయానికి ముగియాలని వివరించగలరా?

2. సభ కార్యక్రమపు వివరాలు ఏంటి?

3. మీరు 23.09.2024 న నిర్వహించాలనుకుంటున్న ప్రాంతానికి యజమాని నుండి అనుమతి తీసుకున్నారా? ఎవరు? వారి నుండి సరైన అనుమతి తీసుకున్నారా?

4. సభలో పాల్గొనబోయే ముఖ్య వ్యక్తుల జాబితా.

5. సభ మైదానం యొక్క పరిమాణం ఎంత? మైదానంలో ఎన్ని కుర్చీలు ఏర్పాటు చేయబోతున్నారు? మైదానంలో ప్రసంగించబోయే వ్యక్తుల వివరాలు.

6. సభలో పాల్గొనబోయే వ్యక్తులకు ఎన్ని కుర్చీలు ఏర్పాటు చేయబోతున్నారు?

7. సభలో ఏర్పాటు చేయబోయే బ్యానర్లు సంఖ్య? మరియు అలంకరణల వివరాలు.

8. సభ నిర్వహణకు బాధ్యులు, పందిళ్లు, సౌండ్ సిస్టమ్స్ మరియు ఇతర కాంట్రాక్టర్ల వివరాలు.

9. సభలో ఎన్ని మంది పాల్గొనబోతున్నారు? అందులో పురుషులు, మహిళలు, వృద్ధులు మరియు పిల్లల వివరాలు.

10. సభలో పాల్గొనబోయే వ్యక్తులు ఏ ఏ జిల్లాల నుండి వస్తారు? ఎవరి నాయకత్వంలో వస్తారు? అందులో పురుషులు, మహిళలు, వృద్ధులు మరియు పిల్లల వివరాలు మరియు వారు ప్రయాణించే వాహనాల రకం మరియు సంఖ్య? (బైక్‌లు, కార్లు, వాన్‌లు మరియు బస్సుల వివరాలు)

11. సభకు వచ్చే వాహనాలు నిలిపే ఏర్పాట్లు ఏమైనా ఉన్నాయి? ఆ ప్రదేశం యజమాని ఎవరు? ఆయన అనుమతి తీసుకున్నారా?

12. సభలో వాహనాలు నిలిపే ప్రదేశాల్లో భద్రతా విధులు నిర్వహించేందుకు ప్రైవేటు గార్డులు లేదా స్వచ్ఛంద కార్యకర్తలు నియమించబోతున్నారా? వారి పేర్లు మరియు యూనిఫాం వివరాలు?

13. సభలో పాల్గొనే మహిళలు, పిల్లలు మరియు వృద్ధుల భద్రతా ఏర్పాట్ల వివరాలు.

14. సభలో పాల్గొనే వ్యక్తులకు అవసరమైన కనీస వసతుల వివరాలు మరియు అందించబోయే త్రాగునీరు, బాటిల్ ద్వారా అందించబడుతుందా? లేదా నీటి ట్యాంక్ ద్వారా? (త్రాగునీరు, టాయిలెట్లు... ఇతర.)

15. సభకు వచ్చిన వ్యక్తులకు భోజనం ప్యాకెట్లు ద్వారా పంపిణీ చేయబడుతుందా? లేదా సభ ప్రదేశం సమీపంలో వంటగది ద్వారా వండించి పంపిణీ చేయబోతున్నారు?

16. సభలో అగ్ని ప్రమాదాల నివారణకు భద్రతా ఏర్పాట్ల వివరాలు.

17. సభలో పాల్గొనే వ్యక్తులకు వైద్య సహాయం అందించడానికి ఏర్పాట్లు ఉన్నాయా? అవి ఉంటే, వైద్య బృందం మరియు అంబులెన్స్ వివరాలు.

18. సభలో పాల్గొనేవారు లోపల, వెలుపల వెళ్లే మార్గాల సంఖ్య ఎంత?

19. పార్టీ నాయకుడు మరియు ముఖ్య వ్యక్తులు సభ మైదానానికి వెళ్లే మార్గం వివరాలు.

20. సభకు వచ్చే వాహనాలు నిలిపే ప్రదేశాల్లో లోపల, వెలుపల వెళ్లే మార్గాల సంఖ్య ఎంత?

21. సభలో ఉపయోగించే విద్యుత్ ఎక్కడ నుండి అందుబాటులోకి వస్తుంది? దానికి సంబంధించిన అనుమతి వివరాలు.

ఈ సమాధానాలు అన్నింటికీ విజయ్ నేతృత్వంలో సమాధానాలు సిద్ధం చేస్తున్నట్లు సమాాచారం. మరోవైపు పోలీసులు విజయ్ సభకు అంత ఈజీగా అనుమతి ఇచ్చే అవకాశాలు కనిపించడడం లేదు.