ఇండియాలోనే చౌకైన ఏసీ రైలు ఇదే! టికెట్ ధర ఎంతో తెలుసా?
సాధారణ రైలు టికెట్ ధరలే ఈ రైలులో వుంటాయి...కానీ ఏసి సదుపాయం వుంటుంది. ఇలా భారతదేశంలో అత్యంత చౌకైన ఏసీ రైలు ఏదో తెలుసా?
Indian Railway
వందే భారత్, నమో భారత్, రాజధాని, శతాబ్ది వంటి రైళ్లు చాలా ప్రజాదరణ పొందాయి. సంవత్సరం పొడవునా ఈ రైళ్ల టిక్కెట్లకు గిరాకీ ఉంటుంది. ఈ రైళ్ల టిక్కెట్ ధరలు కొన్నిసార్లు విమాన టిక్కెట్లతో పోటీపడతాయి.
కానీ ఇప్పుడు మనం మాట్లాడుకుంటున్న ఈ రైలు దేశంలోనే అత్యంత చౌకైనది. కానీ స్పీడ్ విషయంలో ఇది వందే భారత్ రాజధాని ఎక్స్ప్రెస్ కంటే వేగంగా ఉంటుంది.
గరీబ్ రథ్ ఎక్స్ప్రెస్ భారతదేశంలో అత్యంత చౌకైన రైలు... అలాగే పూర్తిగా ఎయిర్ కండిషన్డ్ (ఏసీ) రైలుగా ఇది ఖ్యాతి గడించింది. ఏసీ ఎక్స్ప్రెస్ రైళ్లలో అతి తక్కువ టిక్కెట్ ధరను ఇందులోనే చూస్తాం. ఈ రైలు, రాజధాని, శతాబ్ది, వందే భారత్ వంటి ప్రీమియం రైళ్లతో పోలిస్తే చాలా తక్కువ టికెట్ రేట్లను కలిగివుంటుంది.
గరీబ్ రథ్ ఎక్స్ప్రెస్
గరీబ్ రథ్ రైలు టిక్కెట్ ధర కిలోమీటరుకు 68 పైసలు మాత్రమే. ఇది బడ్జెట్కు ప్రాధాన్యత ఇచ్చే ప్రయాణికులకు అనువైన ఎంపిక. కుటుంబసమేతంగా ఈ రైలులో ప్రయాణించినా చాలా తక్కువ ఖర్చు అవుతుంది. అందువల్లే ఇది పేదవాడి రైలుగా గుర్తింపు పొందింది.
ఆర్థికంగా వెనుకబడిన వర్గాలకు చౌకైన ఏసీ ప్రయాణాన్ని అందించాలనే ఉద్దేశ్యంతో 2006లో ప్రారంభించబడిన ఈ రైలు తొలి ప్రయాణం బీహార్లోని సహర్సా,. అమృత్సర్ మధ్య జరిగింది. నేడు గరీబ్ రథ్ ఎక్స్ప్రెస్ దేశవ్యాప్తంగా 26 మార్గాల్లో నడుస్తోంది. ఇది చాలా డిమాండ్ను కలిగి ఉంది. ప్రయాణికులు దీని టిక్కెట్లను పొందడానికి పోటీపడుతుంటారు..
చౌకైన రైలు
వేగానికి వస్తే గరీబ్ రథ్ ఎక్స్ప్రెస్ ఇతర ఎక్స్ప్రెస్ రైళ్లతో పోటీపడుతుంది. గరీబ్ రథ్తో సహా భారతీయ రైళ్ల సరాసరి వేగం గంటకు 66–96 కి.మీ మాత్రమే. గరీబ్ రథ్ నిరంతరం గంటకు సగటున 70–75 కి.మీ వేగంతో నడుస్తుంది, ఇది సౌకర్యవంతమైంది... సకాలంలో ప్రయాణికులను గమ్య స్థానాలకు చేరుస్తుంది.
చెన్నై- హజ్రత్ నిజాముద్దీన్ మధ్య నడిచే గరీబ్ రథ్ ఎక్స్ప్రెస్ భారతదేశంలో అత్యంత దూరం దూరం నడిచే రైలుగా రికార్డు సృష్టించింది. చెన్నై మరియు ఢిల్లీ మధ్య 2,075 కి.మీ దూరాన్ని ఈ రైలు 28 గంటల 30 నిమిషాల్లో పూర్తి చేస్తుంది. ఈ మార్గం టిక్కెట్ ధర ₹1,500.
రాజధాని ఎక్స్ప్రెస్ అదే దూరాన్ని 28 గంటల 15 నిమిషాల్లో పూర్తి చేస్తుంది, కానీ ఇందులో థర్డ్ ఏసీ టిక్కెట్ ధర ₹4,210. ఇది గరీబ్ రథ్ ధర కంటే దాదాపు మూడు రెట్లు ఎక్కువ.
కిలోమీటరుకు 68 పైసల వరకు తక్కువ ధరతో, సౌకర్యం, సౌఖ్యంలో రాజీ పడకుండా చౌకైన ఏసీ ప్రయాణాన్ని కోరుకునే వారికి గరీబ్ రథ్ ఒక అనువైన ఎంపిక.