Train Tickets Charges: పెరిగిన ట్రైన్ టికెట్ల ఛార్జీలు...ఏసీ,నాన్‌ ఏసీ ఎంతెంత పెరిగాయంటే

రైలు టిక్కెట్ల ధరలు జులై 1 నుంచి పెరిగాయి. ఏసీ, స్లీపర్, జనరల్ టిక్కెట్లపై నూతన ఛార్జీలు అమల్లోకి వచ్చాయి.

Image Credit : Getty

ఐదేళ్ల తరువాత

భారతీయ రైల్వేలు ఐదేళ్ల తరువాత టిక్కెట్ల ధరలు పెంచాయి. దేశవ్యాప్తంగా అనేక ప్రయాణికులు ఆశ్చర్యానికి గురయ్యేలా ఈ మార్పు జూలై 1 నుంచి అమల్లోకి వచ్చింది. టిక్కెట్ల ధరల్లో మార్పు ముఖ్యంగా ఎయిర్ కండిషన్డ్ (ఏసీ), స్లీపర్ , రెండవ తరగతికి వర్తిస్తుంది. అయితే, సబర్బన్ రైళ్ల ఛార్జీలు మినహాయింపులోనే ఉన్నాయి.

Image Credit : stockPhoto

కిలోమీటరుకు పైస

రైల్వే మంత్రిత్వ శాఖ జూన్ 30న విడుదల చేసిన అధికారిక సమాచారం ప్రకారం, మెయిల్,  ఎక్స్‌ప్రెస్ రైళ్లలో ఏసీ తరగతులకు కిలోమీటరుకు 2 పైసల చొప్పున ధరలు పెరిగాయి. ఇందులో ఫస్ట్ క్లాస్, సెకండ్ టైర్, త్రీ టైర్, చైర్ కార్ లాంటి అన్ని విభాగాలూ ఉన్నాయి. అలాగే, నాన్-ఏసీ తరగతులకు — అంటే స్లీపర్,  జనరల్ క్లాస్ టిక్కెట్లకు — కిలోమీటరుకు 1 పైస చొప్పున ఛార్జీలు పెంచారు.

Image Credit : Getty

భారీ సబ్సిడీలు

ఉదాహరణకు ఒక ప్రయాణికుడు ఏసీ క్లాస్‌లో 1000 కిలోమీటర్లు ప్రయాణిస్తే అదనంగా రూ.20 చెల్లించాల్సి ఉంటుంది. అదే దూరం స్లీపర్ లేదా జనరల్ క్లాస్‌లో ప్రయాణిస్తే అదనంగా రూ.10 చెల్లించాలి.ఈ ధరల పెంపు వెనుక ఉన్న కారణాలపై అధికారిక సమాచారం ప్రకారం, రైల్వేలు ఇప్పటికీ ప్రయాణికులకు భారీ సబ్సిడీలు ఇస్తున్నాయి. నాన్-ఏసీ విభాగంలో రైల్వేలు మొత్తం ఖర్చులలో 39 శాతం మాత్రమే తిరిగి పొందుతున్నాయి. అలాగే, సబర్బన్ సేవలు కేవలం 30 శాతం ఖర్చు మాత్రమే వసూలు చేస్తున్నాయి. ఇది రైల్వేలకు ఆర్థికంగా భారంగా మారుతోంది.

Image Credit : Google

ఛార్జీల పెంపు

నూతన టిక్కెట్ ధరలు జులై 1 నుంచి వర్తించనున్నప్పటికీ, ఇప్పటికే బుక్ చేసిన టిక్కెట్లపై పాత ఛార్జీలే వర్తిస్తాయి. అంటే జులై 1 తర్వాత టికెట్ కొనుగోలు చేసినవారికి మాత్రమే కొత్త ధరలు వర్తించనున్నాయి. టిక్కెట్ బుకింగ్ ఫీజు, సూపర్‌ఫాస్ట్ సర్‌ఛార్జ్ వంటి ఇతర అదనపు ఛార్జీలలో ఎలాంటి మార్పులు లేవు.సాధారణ రైళ్లలో 500 కిలోమీటర్ల వరకు ద్వితీయ తరగతి లేదా జనరల్ టిక్కెట్ల ధర పెరగలేదు. కానీ 501 నుండి 1,500 కి.మీ దూరం వరకు రూ.5 పెంపు, 1,501 నుండి 2,500 కి.మీ దూరం వరకు రూ.10 పెంపు, 2,501 నుండి 3,000 కి.మీ దూరాలకు రూ.15 వరకూ ఛార్జీల పెంపు అమలవుతుంది.

Image Credit : social media

అదనపు ఆదాయం

రైల్వేలు ఆశిస్తున్న అదనపు ఆదాయం ఈ నిర్ణయంతో భారీగా పెరిగే అవకాశముంది. ప్రస్తుత ఆర్థిక సంవత్సరానికి అంటే 2025-26లో, టిక్కెట్ల ధరల పెంపుతో రూ.1,100 కోట్లకు పైగా అదనపు ఆదాయం రావచ్చని అంచనా. మొత్తం సంవత్సరానికి ఈ ఆదాయం సుమారు రూ.1,450 కోట్లు ఉంటుందని గణన.ప్రయాణికుల విభాగం రైల్వే ఆదాయంలో సుమారు 30 శాతం వాటాను కలిగి ఉంది. మిగతా భాగం అంటే దాదాపు 65 శాతం సరుకు రవాణా ద్వారా వస్తుంది. 2025లో మొత్తం 736 కోట్ల మంది రైళ్ల ద్వారా ప్రయాణించారు. అప్పుడు వచ్చిన మొత్తం ప్రయాణికుల ఆదాయం రూ.75,215 కోట్లు. 2026లో ఇది రూ.92,800 కోట్లు చేరే అవకాశం ఉందని అంచనాలు ఉన్నాయి.

Image Credit : Social Media

భారంగా మారుతుందనే

గతంలో, జనవరి 2020లో చివరిసారిగా టిక్కెట్ల ధరలు సవరించారు. ఆ సమయంలో మెయిల్/ఎక్స్‌ప్రెస్ రైళ్లలో నాన్-ఏసీ తరగతులకు కిలోమీటరుకు 2 పైసలు, ఏసీ తరగతులకు 4 పైసలు పెరిగాయి. జనరల్ క్లాస్‌లో ఒక పైస పెంచారు. ఈసారి మాత్రం తక్కువ పెంపుతో వినియోగదారులపై భారం తగ్గించేందుకు ప్రయత్నించారు.ఈ తాజా నిర్ణయం ప్రయాణికులలోనే కాకుండా, రాజకీయ రంగాలలో కూడా చర్చనీయాంశంగా మారింది. కొన్ని పార్టీల ప్రతినిధులు ఈ ధరల పెంపును వెనక్కి తీసుకోవాలని డిమాండ్ చేస్తున్నారు. ముఖ్యంగా సాధారణ ప్రజలకు ఇది భారంగా మారుతుందనే అభిప్రాయాలు వ్యక్తమవుతున్నాయి.