డయాబెటీస్ పేషెంట్లు డ్రాగన్ ఫ్రూట్ ను తినొచ్చా?

15

dragon fruit

డ్రాగన్ ఫ్రూట్ గురించి తెలియని వారుండరు. ఈ పండును ప్రపంచంలోని అనేక ప్రాంతాలలో కాక్టస్ ఫ్రూట్, స్ట్రాబెర్రీ పియర్ అని కూడా పిలుస్తారు. ఈ పండు తీయగా, టేస్టీగా ఉంటుంది. ఈ డ్రాగన్ ఫ్రూట్ కాక్టస్ మసాలాకు చెందింది. దీనిని పిటాయా అని కూడా పిలుస్తారు. ఈ పండులో యాంటీఆక్సిడెంట్లు, ఫైటోన్యూట్రియెంట్స్, విటమిన్లు, ఖనిజాలు పుష్కలంగా ఉంటాయి. ఇవన్నీ మనల్ని ఆరోగ్యంగా ఉంచుతాయి.  ఇందులో ఫైబర్ కంటెంట్ కూడా ఉంటుంది. ఇది మీ రక్తంలో చక్కెర స్థాయిలను నియంత్రించడానికి సహాయపడుతుంది. నిజానికి డ్రాగన్ ఫ్రూట్ లో గ్లైసెమిక్ ఇండెక్స్ తక్కువగా ఉంటుంది. ఇది 48-52 మధ్య తక్కువ జిఐని కలిగి ఉంటుంది. అందుకే ఈ పండును మితంగా తీసుకుంటే రక్తంలో చక్కెర స్థాయిలు నియంత్రణలో ఉంటాయని నిపుణులు చెబుతున్నారు. 

25

డ్రాగన్ ఫ్రూట్ లో ఫ్లేవనాయిడ్లు, యాంటీ ఆక్సిడెంట్లు ఎక్కువ మొత్తంలో ఉంటాయి. ఇవి ఆక్సీకరణ ఒత్తిడిని, ప్యాంక్రియాస్ కు నష్టాన్ని నివారిస్తాయి. ఈ పండు తొక్కలో ఉండే బీటాసైనిన్లు ఇన్సులిన్ నిరోధకతను మెరుగుపరుస్తాయని ఎన్నో అధ్యయనాలు నిరూపించాయి. రక్తంలో చక్కెర స్థాయిలను నియంత్రించడానికి, మీ డయాబెటిస్ ను అదుపులో ఉంచడానికి డ్రాగన్ ఫ్రూట్ సహాయపడుతుందని పిఎల్ఓఎస్ వన్ జర్నల్ లో ప్రచురించారు. 

35

మధుమేహ వ్యాధిగ్రస్తులు డ్రాగన్ ఫ్రూట్ ఎంత తీసుకోవాలి?

100 గ్రాముల డ్రాగన్ ఫ్రూట్ ను తింటే 60 కేలరీల శక్తి అందుతుంది. డయాబెటిస్ ఉన్న వ్యక్తి ప్రతిరోజూ 100 గ్రాముల కంటే ఎక్కువ డ్రాగన్ ఫ్రూట్ తినకూడదు అన్న మాట. దీనికంటే ఎక్కువ తింటే రక్తంలో చక్కెర స్థాయిలు బాగా పెరిగిపోతాయి. పరిమితిలో ఈ పండును తింటే రక్తంలో చక్కెర పెరిగే అవకాశాలు తగ్గుతాయి. అలాగే ఆరోగ్యంగా బరువు తగ్గుతారు. అయితే వీటిని ఇతర పండ్లతో కలిపి తీసుకుంటే సుమారు 50 గ్రాముల వరకు తీసుకోవచ్చని నిపుణులు చెబుతున్నారు. 

45

మధుమేహ వ్యాధిగ్రస్తులకు డ్రాగన్ ఫ్రూట్ వల్ల ఏమైనా సైడ్ ఎఫెక్ట్స్ ఉన్నాయా?

సాధారణ అధ్యయనాలు డ్రాగన్ ఫ్రూట్ తినే వ్యక్తులలో ఎటువంటి దుష్ప్రభావాలను చూపించలేదు. అయినప్పటికీ ఎవరైనా పండ్ల వల్ల అలెర్జీ వచ్చే వారు వీటిని తింటే నాలుక వాపు, చికాకు లేదా నాలుక దురద వంటి సమస్యలు వస్తాయని నిపుణులు చెబుతున్నారు. 

55

గట్ ఆరోగ్యాన్ని మెరుగుపరచడానికి డ్రాగన్ ఫ్రూట్ గ్రేట్ గా సహాయపడుతుంది. ఈ పండులో ఒమేగా -3 కొవ్వు ఆమ్లాలు కూడా పుష్కలంగా ఉంటాయి. ఇది గుండె-ఆరోగ్యాన్ని మెరుగుపరుస్తుంది. ఈ పండులో ఒమేగా -3 ఫ్యాటీ ఆమ్లాలతో పాటుగా ఇతర పోషకాలు ఎక్కువగా ఉన్నందున.. ఇది మీ శరీరంలో  కొలెస్ట్రాల్ స్థాయిని అదుపులో ఉంచడానికి సహాయపడుతుంది. అలాగే కొవ్వు కాలేయ వ్యాధిని తగ్గిస్తుంది.