High cholesterol: ఇవి కొలెస్ట్రాల్ పెరిగిందనడానికి సంకేతాలు.. విస్మరించారో గుండెపోటు వస్తుంది జాగ్రత్త..
High cholesterol symptoms: ఒంట్లో కొలెస్ట్రాల్ పెరిగినప్పుడు ఎన్నో మీ శరీరంలో ఎన్నో సంకేతాలు కనిపిస్తాయి. వీటిని ముందే గుర్తిస్తే.. గుండెపోటు రాకుండా జాగ్రత్త పడొచ్చు.
High Cholesterol
high cholesterol symptoms: కొలెస్ట్రాల్ (cholesterol) లెవెల్స్ పెరిగినప్పుడు శరీరంలో ఎన్నో రకాల మార్పులు కనిపిస్తాయి. కానీ కొలెస్ట్రాల్ లెవెల్స్ పెరిగితే మాత్రం గుండెపోటు వచ్చే అవకాశం ఎక్కువగా ఉంటుంది. అంతేకాదు మరెన్నో జబ్బుల బారిన పడొచ్చు. అందుకే దీన్ని సకాలంలో గుర్తించి తగిన జాగ్రత్తలు తీసుకోవాలి. అయితే మీ ఒంట్లో కొలెస్ట్రాల్ పెరిగిందనడానికి సాధారణంగా మీలో ఈ మార్పులు కనిపిస్తాయి.
దవడ నొప్పి.. మీరు దవడ నొప్పితో బాధపడుతున్నారా? అయితే జాగ్రత్తగా ఉండాలంటున్నారు వైద్యులు, ఆరోగ్య నిపుణులు. ఎందుకంటే దవడలో నొప్పి అధిక కొలెస్ట్రాల్ కు సంకేతం కాబట్టి. అందుకే ఇలాంటి నొప్పి కలిగినప్పుడు కేర్ లెస్ గా ఉండకండి.
చేతుల్లో నొప్పి.. చేతుల్లో నొప్పిగా ఉంటే కూడా మీరు ప్రమాదంలో ఉన్నట్టే. ఎందుకంటే చాలా సార్లు ఒంట్లో కొలెస్ట్రాల్ లెవెల్స్ పేరుకుపోయినప్పుడు ఇలా జరుగుతుంది. ఇది అధిక కొలెస్ట్రాల్ ను సూచించే లక్షణం. ఇలాంటి నొప్పి కలిగినప్పుడు జాగ్రత్తగా ఉండాలి.
చెమట ఎక్కువగా పట్టడం.. వేసవిలో చెమట విపరీతంగా పట్టడం సర్వ సాధారణ విషయం. కానీ కాలాలతో సంబంధం లేకుండా మీకు చెమట పడుతున్నట్టైతే కాస్త జాగ్రత్తగా ఉండాలి. ఎందుకంటే విపరీతమైన చెమట మీలో కొలెస్ట్రాల్ పెరుగుతుందనడానికి సంకేతం. దీన్ని ఎట్టి పరిస్థితిలో విస్మరించకూడదు.
శ్వాస తీసుకోవడంలో ఇబ్బంది.. శ్వాస తీసుకోవడంలో ఇబ్బంది పడే వారు సకాలంలో వైద్యుడిని సంప్రదించడం మంచిదని ఆరోగ్య నిపుణులు సూచిస్తున్నారు. ఇది అధిక కొలెస్ట్రాల్ లక్షణం. ఇలాంటి పరిస్థితిలో మీరు మరింత జాగ్రత్తగా ఉండాలి. ఎందుకంటే ఇది మీకు గుండెపోటుకు దారితీస్తుంది.
ఛాతి నొప్పి.. మీ ఛాతిలో తరచుగా నొప్పి వస్తోందా? అయితే ఇది అధిక కొలెస్ట్రాల్ కు సంకేతం కావొచ్చు. ఇలా జరిగినప్పుడు లైట్ తీసుకోకుండా సకాలంలో వైద్యుడిని సంప్రదిస్తే మంచిది. లేదంటే కొలెస్ట్రాల్ మరింత పెరిగే అవకాశం ఉంది.
బాగా అలసిపోతారు.. బిజీ లైఫ్, పని ఒత్తిడి వల్ల బాగా అలసిపోతారని అందరికీ తెలుసు. కానీ అన్ని సార్లూ ఇలా జరగదు. ఏ పనిచేయకపోయినా మీరు అలసిపోతుంటే దాన్ని తేలిగ్గా తీసిపారేయకండి. అలాగే ఎప్పుడూ మీరు అలసిపోతుంటే అది అధిక కొలెస్ట్రాల్ సమస్యకు సంకేతం కావొచ్చు. ఇలాంటప్పుడు తప్పకుండా వైద్యుడిని సంప్రదించాలి.
చేతులు, పాదాల తిమ్మిరి.. ఎక్కువ సేపు కూర్చోవడం వల్ల చేతులు, కాళ్లు మొద్దుబారుతుంటాయి. కొంతమంది ఈ సమస్యను తేలిగ్గా తీసిపారేస్తుంటారు. కానీ ఇది మీ ఒంట్లో కొలెస్ట్రాల్ పెరిగిందనడానికి సంకేతం కావొచ్చంటున్నారు ఆరోగ్య నిపుణులు. అందుకే ఇలాంటి సమస్య ఎదురైనప్పుడు వెంటనే వైద్యుడిని సంప్రదించండి.