చలికాలమని నీళ్లను తక్కువగా తాగుతున్నారా? ఇదెంత డేంజరో తెలుసా?

చలికాలంలో నీటిని పుష్కలంగా తాగడం వల్ల ఈ కాలంలో శరీరం వెచ్చగా ఉంటుందన్న ముచ్చట మీకు తెలుసా? అవును నీరు మన శరీర ఉష్ణోగ్రతను నిర్వహించడానికి బాగా సహాయపడుతుంది. ఈ విషయం తెలియక చాలా మంది చలికాలంలో నీళ్లను చాలా తక్కువగా తాగుతుంటారు. 

మన శరీరం 70 శాతం నీటితో తయారైందన్న సంగతి మీకు తెలుసా? అందుకే మన శరీరానికి నీరు చాలా చాలా అవసరం. శరీరాన్ని హైడ్రేట్ గా, ఆరోగ్యంగా ఉంచడానికి మనకు సంవత్సరం పొడవునా నీరు అవసరం. కొన్ని రోజుల పాటు ఆహారం లేకుండానైనా ఉండొచ్చు. కానీ నీరు లేకుండా మాత్రం బతకడం కష్టమే. అయితే కొంతమంది కాలంతో సంబంధం లేకుండా నీటిని పుష్కలంగా తాగితే.. మరికొంతమంది మాత్రం చల్లగా ఉండే కాలాల్లో మాత్రం నీటిని దాహం వేసినప్పుడో  లేకపోతే తింటున్నప్పుడో తాగుతుంటారు. దీనివల్ల మన బాడీలో వాటర్ కంటెంట్ తగ్గుతుంది. ఇది ఎన్నో అనారోగ్య సమస్యలకు దారితీస్తుంది. నిజానికి చలికాలంలో నీటిని తక్కువగా తాగడం వల్ల అజీర్ణం, నిర్విషీకరణ వంటి సమస్యలు వస్తాయి. నీళ్లను తాగితే చలిపెడుతుందని చాలా మంది అనుకుంటారు. నిజమేంటంటే.. తగినంత నీటిని తాగడం వల్ల శరీర ఉష్ణోగ్రత నియంత్రణలో ఉంటుంది. అలాగే అంటువ్యాధులకు దూరంగా ఉంటాయి. ఎముకల ఆరోగ్యం బాగుంటుంది. మొత్తంగా నీరు మనల్ని అన్ని విధాలా ఆరోగ్యంగా ఉంచేందుకు ఎంతగానో సహాయపడుతుందని ఎన్నో అధ్యయనాలు చెబుతున్నాయి. అందుకే నీటిని పుష్కలంగా తాగడానికి అస్సలు వెనకాడకండి. అసలు చలికాలంలో నీటిని సరిపడా తాగకపోతే ఏమౌతుందో  ఇప్పుడు తెలుసుకుందాం..

శీతాకాలంలో తగినంత నీటిని తాగకపోతే ఏం జరుగుతుంది?

చల్లని వాతావరణం వల్ల చెమట తక్కువగా పడుతుంది. అందుకే చలికాలంలో చాలా మంది నీళ్లను తక్కువగా తాగుతుంటారు. ఒకవేళ మీరు తగినంత నీటిని తాగనప్పుడు మీ శరీరంలో నీటి కొరత ఏర్పడుతుంది. ఇది ఎన్నో అనారోగ్య సమస్యలకు దారితీస్తుంది. 

సాధారణంగా చలికాలంలో చల్లటి వాతావరణం వల్ల మనకు చెమటలు తక్కువగా పడతాయి. కాబట్టి ఈ 3-4 నెలల్లో నీటిని ఎక్కువగా తాగము. ఫలితంగా శరీరంలో నీటి శాతం బాగా తగ్గిపోతుంది. కానీ నీరు జీర్ణక్రియ, ఎలక్ట్రోలైట్ సమతుల్యత, బరువు నియంత్రణ, నిర్విషీకరణ మొదలైన వాటిని నిర్వహించడంలో కీలక పాత్ర పోషిస్తుంది. అందుకే మొత్తం ఆరోగ్యాన్ని కాపాడుకోవడానికి నీటిని తాగడం చాలా ముఖ్యమని నిపుణులు చెబుతున్నారు. 

దాహం వేయదు

మీ శరీరానికి తగినంత నీటిని తాగకపోతే మీ దాహం ప్రేరణ బలహీనపడుతుంది. ఫలితంగా మీ ఆర్ద్రీకరణ స్థితిని గ్రహించలేరు. కాబట్టి ఈ సమస్యను నివారించడానికి మీరు ప్రతిరోజూ కనీసం 6 నుంచి 8 గ్లాసుల నీటిని ఖచ్చితంగా తాగాలి. 

ఎక్కువ మూత్రవిసర్జన

చలికాలంలో మిగతా కాలాల్లో కంటే ఎక్కువగా మూత్ర విసర్జన చేస్తుంటారు. ఎందుకంటే చలికాలంలో చెమటలు తక్కువగా పడతాయి. మీ శరీరం.. బాడీ ఉష్ణోగ్రతను నియంత్రించడానికి అధిక ద్రవాన్ని విసర్జిస్తుంది. ఈ పరిస్థితిని కోల్డ్ మూత్రవిసర్జన అంటారు.

పొడి చర్మం

చలికాలంలో మీ చర్మం పొడిబారిపోతుందా? నిజానికి చలికాలంలో చర్మం పొడిబారడానికి ప్రధాన కారణం డీహైడ్రేషన్.  పొడి చర్మం తేమను నిలుపుకోలేకపోతుంది. కాబట్టి మనకు ఎక్కువగా చెమట పట్టకపోయినా చర్మం నుంచి నీటి నష్టం ఉంటుంది.

డీహైడ్రేషన్ ను ఎలా తగ్గించుకోవాలి

నీటిని తాగడానికి రిమైండర్ లను సెట్ చేసుకోండి. శరీరానికి సరిపడా నీరు తాగుతున్నారని నిర్ధారించుకోండి.
పుచ్చకాయలు, సిట్రస్ పండ్లు వంటి నీటి కంటెంట్ ఎక్కువగా ఉన్న పండ్ల రసాలను, ఇతర పానీయాలను కూడా తాగండి. 
చాలా మంది దాహం వేసినా ఆకలి అవుతుందని అనుకుంటారు. దీనివల్ల తినకూడని ఆహారాన్ని అతిగా తింటుంటారు. అందుకే మీకు ఆకలిగా అనిపించినప్పుడు ఏదైనా తినడానికి ముందు నీటిని తాగండి. మీ చర్మంపై నిర్జలీకరణ సంకేతాలు కనిపిస్తే.. దానిని బాగా మాయిశ్చరైజ్ చేయండి. నీటిని ఎక్కువగా తాగండి. 
చలికాలమైన మరే కాలమైనా సరే.. మీ ఆరోగ్యాన్ని ప్రమాదంలో పడేసే డీహైడ్రేషన్ వంటి సమస్యలను నివారించడానికి క్రమం తప్పకుండా తగినంత నీటిని తాగండి.