Excessive Water తెలుసుకోండి.. నీళ్లు ఎక్కువ తాగినా ముప్పే!
నీళ్లు ఎంత ఎక్కువ తాగితే అంత మంచిదని చాలామంది అంటారు. ముఖ్యంగా వేసవిలో అధికంగా తాగమంటారు. తక్కువ తాగితే చాలా ఆరోగ్య సమస్యలు వస్తాయి అంటారు. కానీ, ఎక్కువ తాగినా సమస్యలే అని పలు అధ్యయనాలు చెబుతున్నాయి. ఈ విషయం మీకు తెలుసా? తెలీకపోతే, మీకోసమే ఈ ముఖ్యమైన సమాచారం!
ఇవీ నష్టాలు
నీళ్లు జీవితానికి చాలా అవసరం. తక్కువ తాగితే ఎలాంటి సమస్యలు వస్తాయో తెలుసు. కానీ, ఎక్కువ తాగినా ప్రమాదమే అని తెలుసా? ఎక్కువ నీళ్లు తాగడం వల్ల వచ్చే 7 ముఖ్యమైన నష్టాలు ఇక్కడ ఉన్నాయి. వాటి గురించి తెలుసుకుందాం.
కిడ్నీలపై ఎక్కువ భారం పడుతుంది
మన కిడ్నీలు (kidney) ఎక్కువ నీటిని ఫిల్టర్ చేసి, వ్యర్థాల్ని బయటకు పంపిస్తాయి. కానీ, మనం ఎక్కువ నీళ్లు తాగితే, వాటిని ప్రాసెస్ చేయడానికి కిడ్నీలు ఎక్కువ కష్టపడాలి. ఇది కిడ్నీలపై ఒత్తిడి పెంచుతుంది, వాటి సామర్థ్యంపై ప్రభావం చూపుతుంది.
అవసరమైన ఎలక్ట్రోలైట్స్ తగ్గిపోతాయి
సోడియం, పొటాషియం, మెగ్నీషియం లాంటి ఎలక్ట్రోలైట్స్ (electrolite) మన శరీరానికి చాలా ముఖ్యం. ఎక్కువ నీళ్లు తాగితే ఎలక్ట్రోలైట్స్ తగ్గిపోతాయి. దీనివల్ల కండరాలు పట్టేయడం, నీరసం లాంటి సమస్యలు వస్తాయి.
ఎక్కువ నీటితో ఇంటాక్సికేషన్
ఎక్కువ నీళ్లు తాగితే హైపోనాట్రేమియా వస్తుంది. దీనివల్ల రక్తంలో సోడియం లెవెల్స్ బాగా తగ్గిపోతాయి. దీనివల్ల వికారం, వాంతులు, ఫిట్స్ లాంటి సమస్యలు వస్తాయి. కొన్నిసార్లు ప్రాణాలు కూడా పోవచ్చు.
మూత్ర విసర్జన, నిద్రకు ఆటంకం
ఎక్కువ నీళ్లు తాగితే, శరీరంలో రక్తం పరిమాణం పెరుగుతుంది. దీనివల్ల గుండెపై ఎక్కువ ఒత్తిడి పడుతుంది. గుండె ఎక్కువ పంప్ చేయాల్సి వస్తుంది, దీనివల్ల గుండె జబ్బులు వచ్చే ప్రమాదం ఉంది.
చేతులు, కాళ్లు, ముఖంలో వాపు
ఎక్కువ నీళ్లు తాగడం వల్ల శరీరంలోని వివిధ భాగాల్లో నీరు చేరుతుంది. దీనివల్ల మీ చేతులు, కాళ్లు, ముఖంలో వాపు వస్తుంది.
జీర్ణక్రియపై ప్రభావం
ఎక్కువ నీరు కడుపులోని ఆమ్లాలను తగ్గిస్తుంది, జీర్ణక్రియను తగ్గిస్తుంది. దీనివల్ల కడుపు ఉబ్బరం, అజీర్ణం లాంటి సమస్యలు వస్తాయి.
రోజుకు ఎంత నీళ్లు తాగాలి?
సాధారణంగా, పెద్దవాళ్లు రోజుకు 2-3 లీటర్లు (8-12 గ్లాసులు) నీళ్లు తాగాలి. మీరు తగినంత నీళ్లు తాగుతున్నారో లేదో తెలుసుకోవడానికి మీ మూత్రం రంగును గమనించడం మంచి మార్గం. లేత పసుపు రంగులో ఉంటే బాగానే ఉంది, ముదురు పసుపు రంగులో ఉంటే తక్కువగా ఉన్నట్లు లెక్క. జాగ్రత్తగా ఉండండి.