ఒకే ఒక గ్లాసు పాలతో అందంగా మారిపోవడమే కాదు.. ఈ ప్రయోజనాలను కూడా పొందుతారు తెలుసా..?
మన శరీరంలో పీహెచ్ స్థాయిని సమతుల్యం చేయడానికి ఒక గ్లాస్ పాలు చాలా అవసరమంటున్నారు నిపుణులు. పాలను తాగడం వల్ల మన శరీరానికి కావాల్సిన పోషకాలు, విటమిన్లు, ఖనిజాలు అందుతాయి. పాల వల్ల ఒక్కటేమిటీ ఎన్నో ఆరోగ్య ప్రయోజనాలు పొందుతారు తెలుసా?
పాలలో ఎన్నో ఆరోగ్య ప్రయోజనాలు దాగున్నాయి. అందుకే వీటిని రోజూ తాగాలని డాక్టర్లు, ఆరోగ్య నిపుణులు చెబుతుంటారు. పాలు కాల్షియానికి, భాస్వరానికి అద్భుతమైన మూలం. ఇవి మనం ఆరోగ్యంగా ఎదిగేందుకు ఎంతగానో అవసరం. అయితే పాలను తాగేముందు వీటిని రోజు ఎంతమొత్తంలో తాగాలో డాక్టర్ ను అడగాలి. అయితే రోజూ ఒక గ్లాసు పాలు తాగడం ఆరోగ్యానికి మంచిదని చాలా మంది భావిస్తుంటారు. ఆరోగ్య నిపుణులు కూడా రోజూ ఒక గ్లాస్ పాలను తాగడం ఆరోగ్యకరమని చెప్తుంటారు. పాలు ఎముక, దంతాల ఆరోగ్యాన్ని మెరుగుపరచడం నుంచి అభిజ్ఞా ఆరోగ్యాన్ని మెరుగుపరచడం వరకు ఎన్నో అద్భుతాలను చేస్తుంది. జాతీయ ఆహార మార్గదర్శకాల ప్రకారం.. యునైటెడ్ స్టేట్స్ ఆఫ్ అమెరికా పెద్దలు ప్రతిరోజూ మూడు కప్పులు లేదా 732 మి.లీ పాలను తీసుకోవాలి. అసలు రోజూ ఒక గ్లాస్ పాలను తాగడం వల్ల ఎలాంటి ప్రయోజనాలను పొందుతామో ఇప్పుడు తెలుసుకుందాం..
కాల్షియానికి గొప్ప మూలం
ఎముకలు బలంగా ఉండేందుకు కాల్షియం చాలా చాలా అవసరం. అయితే ఒక కప్పు పాలలో 300 మిల్లీగ్రాముల కాల్షియం ఉంటుంది. ఒక వ్యక్తి రోజుకు 2 -3 సేర్విన్గ్స్ పాలు తీసుకోవాలని అనేక ఆరోగ్య సంస్థలు సిఫార్సు చేశాయి. మీ ఎముకలకు పోషక విలువలను అందించడానికి ఇంత మొత్తం సరిపోతుంది. అంటే ఇది ప్రతిరోజూ రెండు గ్లాసుల పాలతో సమానం. పాలతో బోలు ఎముకల వ్యాధి వచ్చే ప్రమాదం చాలా వరకు తగ్గుతుంది. అందుకే కనీసం రోజూ ఒక గ్లాస్ పాలనైనా తాగండి.
ఊబకాయం ప్రమాదాన్ని తగ్గిస్తుంది
కొవ్వు తక్కువగా ఉండే పాలను తాగే వారు తమ శరీరంలో తక్కువ కొవ్వును కలిగి ఉంటారు. ఇది ఊబకాయాన్ని నివారించడానికి మరింత సహాయపడుతుంది. పలు అధ్యయనాల ప్రకారం.. తక్కువ ఫ్యాట్ ఉన్న పాలను తాగిన పిల్లలు బరువు పెరగడం లేదా ఊబకాయం వచ్చే ప్రమాదం 40 శాతం తక్కువగా ఉంటుంది.
ఆరోగ్యకరమైన దంతాలు
పాలు తాగడం వల్ల దంతాలు బలంగా అవుతాయి. పాలు దంతాల ఎనామెల్ ను రక్షిస్తాయి. ఇది మీ దంతాలను బలోపేతం చేస్తుంది. ఇది దంతాలను బలంగా, ఆరోగ్యంగా ఉంచడానికి సహాయపడుతుంది. పాలలోని తటస్థ పిహెచ్ బ్యాక్టీరియాను నియంత్రించడానికి కూడా సహాయపడుతుంది. వాస్తవానికి పాలలోని భాస్వరం దంతాల ఎనామెల్ ను నిర్వహించడానికి సహాయపడుతుంది.
గుండెల్లో మంటను నివారించడానికి సహాయపడుతుంది
పాలు కూడా గుండెల్లో మంటను నివారించడానికి సహాయపడుతుందని నిపుణులు చెబుతున్నారు. కానీ గుండెలో మంట తగ్గడం మీరు తాగే పాల రకంపై ఆధారపడి ఉంటుంది. పాలు వివిధ రకాలుగా వస్తాయి. Whole milk 2% కొవ్వును , స్కిమ్, కొవ్వు లేని పాలు అంటూ రకరకాలుగా ఉంటాయి. కొవ్వు యాసిడ్ రిఫ్లెక్స్ కు దారితీస్తుంది. చల్లని పాలే ఆరోగ్యానికి మేలు చేస్తాయని నిపుణులు చెబుతున్నారు. ఎందుకంటే ఈ పాలు ఎసిడిటీని తగ్గిస్తాయి. పాలు ఆమ్లం ఏర్పడటాన్ని గ్రహిస్తాయి. అలాగే గ్యాస్ట్రిక్ వ్యవస్థలో మంట రిఫ్లక్స్ ను ఆపగలదు.
మన చర్మాన్ని కాంతివంతంగా చేయడానికి పచ్చి పాలు ఎంతో మేలు చేస్తాయని సౌందర్య నిపుణులు చెబుతుంటారు. పచ్చి పాలలో విటమిన్ బి 12, విటమిన్ ఎ, విటమిన్ డి, విటమిన్ బి 6, బయోటిన్, కాల్షియం, ప్రోటీన్, ఇతర పోషకాలు పుష్కలంగా ఉంటాయి. చర్మానికి పోషణను ఇవ్వడానికి పాలు మంచి ఎంపిక. పచ్చిపాలలో కాటన్ బాల్స్ ను ముంచి ముఖానికి అప్లై చేసుకోవచ్చు. పదిహేను నిమిషాలు అలాగే ఉంచిన తర్వాత శుభ్రంగా కడుక్కోవాలి. తరచుగా ఇలా చేస్తే మీ చర్మం ముఖం అందంగా మారుతుంది.
పాలను తాగడం వల్ల ఎన్నో ప్రయోజనాలు ఉన్నాయి. అందుకే పాలను రోజూ తాగాలి. అయితే కొంతమంది పాలను తాగితే విరేచనాలు లేదా మలబద్దకం సమస్యలను ఫేస్ చేయొచ్చు. అందుకే పాలను తాగే ముందు డాక్టర్ ను సంప్రదించండి. రోజూ ఎన్ని పాలను తాగాలో తెలుసుకోండి.