చీకటి గదిలో దుస్తులు లేకుండా.. నగ్నంగా పడుకుంటే...
చీకటి గదిలో ఇలా దుస్తులు లేకుండా నిద్ర పోవడం వల్ల మెలటోనిన్ అనే హార్మోన్ కూడా విడుదలవుతుందట. ఇది సుఖమైన నిద్రకు బాగా తోడ్పడుతుంది.
సుఖం అనే పదం నిద్ర నుంచే వచ్చింది. మనం ఏం తిన్నాం.. ఎంత తిన్నా.. ఎన్ని డబ్బులు సంపాదించినా.. ప్రశాంతంగా నిద్రలేనప్పుడు.. అవన్నీ వృథానే. ప్రశాంతంగా నిద్రపోగలిగినప్పుడే.. మనం హాయిగా, ప్రశాంతంగా ఉండగలం.
మనిషికి నిద్ర చాలా అవసరం. సౌకర్యంగా నిద్రపోవాలని చాలామంది కోరుకుంటారు. అయితే చాలాసార్లు ఎంతమంచి పరుపు, ఏసీ, పరిమళాలు.. ఇలా ఎన్ని ఉన్నా నిద్ర మనల్ని చేరదు. ఇలా ఎందుకు జరుగుతుందా? అని ఆలోచిస్తున్నారా? అయితే ఒకసారి నగ్నంగా నిద్రపోయి ప్రయత్నించండి. ఈ మాట మేం చెప్పట్లేదు. రీసర్చ్ ప్రకారం తేలిన నిజం ఇది. దీని ప్రకారం ప్రపంచంలో కేవలం 30 శాతం మంది మాత్రమే దుస్తులు లేకుండా నిద్రపోతున్నారట.
అయితే ఇలా నిద్రపోవడం వల్ల గాఢమైన నిద్రను పొందవచ్చని నిపుణులు చేసిన పరిశోధనలో తేలింది. చీకటి గదిలో ఇలా దుస్తులు లేకుండా నిద్ర పోవడం వల్ల మెలటోనిన్ అనే హార్మోన్ కూడా విడుదలవుతుందట. ఇది సుఖమైన నిద్రకు బాగా తోడ్పడుతుంది. కేవలం ఇదే కాదు.. రాత్రి దుస్తులు లేకుండా నిద్రపోవడం వల్ల మన ఆరోగ్యానికి కూడా ఎన్నో ప్రయోజనాలున్నాయి.
ఒత్తిడి వల్ల బరువు పెరిగే అవకాశాలు ఎక్కువగా ఉంటాయన్న విషయం మనందరికీ తెలిసిందే. ఇటు ఉద్యోగం, అటు రిలేషన్ షిప్.. ఇలా మీరు ఏ విషయంలో అయినా ఒత్తిడికి గురవ్వచ్చు. బరువు పెరగడానికి ముఖ్యంగా పొట్ట పెరగడానికి ఒత్తిడి ముఖ్య కారణం. మీరు హాయిగా నిద్రపోతే మీ ఒత్తిడి స్థాయులు చాలా వరకూ తగ్గుతాయి.
అంతేకాదు.. ఒత్తిడిని కలిగించే కార్టిసాల్ అనే హార్మోన్‌ని తగ్గిస్తుంది. ఈ హార్మోన్ మనలో ఆహారం తినాలనే కోరికను పుట్టిస్తుంది. దీనివల్ల మనం ఎక్కువగా తినడం, లావవడం జరుగుతుంది. అందుకే నగ్నంగా నిద్రపోవడం వల్ల శరీరం, మెదడు రిలాక్స్ అయ్యి ఒత్తిడి తగ్గుతుంది. బరువు కూడా తగ్గుతుంది.
రోజూ రాత్రి దుస్తులు లేకుండా నగ్నంగా నిద్రపోవడం వల్ల మన చర్మానికి గాలి తగులుతుంది. ముఖ్యంగా మన కాళ్లు, అండర్ ఆర్మ్ వంటి ప్రదేశాల్లో చెమట వల్ల ఇన్ఫెక్షన్లు వచ్చే అవకాశం ఉంటుంది. నగ్నంగా నిద్రపోవడం వల్ల ఈ ఇన్ఫెక్షన్లకు దూరంగా ఉండవచ్చు.
రోజంతా టైట్‌గా ఉండే దుస్తులు ధరించడం వల్ల వచ్చే చెమట, దుమ్ము, ధూళితో నిండిన చర్మానికి.. నగ్నంగా నిద్రపోవడం వల్ల రక్త ప్రసరణ సులువుగా జరుగుతుంది. మన చర్మ రంధ్రాల నుంచి స్వేదం విడుదలవడం వల్ల చర్మంపై ఉన్న మృత కణాలు కూడా తొలగిపోతాయి. అందుకే నగ్నంగా నిద్రించే వారి చర్మం ఆరోగ్యంగా మెరిసిపోతుంది.
రోజూ బ్రా, ప్యాంటీల్లో బంధించి ఉంచే మన శరీరభాగాలకు.. రాత్రి పూట కాస్త గాలి తగిలేలా నగ్నంగా నిద్రపోవడం మంచిది. ఇలా చేయడం వల్ల మన శరీరానికి ఎంతో హాయిదనం లభిస్తుంది. ఇవి హాయిగా, ఆరోగ్యంగా ఉండడం వల్ల సెక్స్ లైఫ్‌లో ఆనందం ఎక్కువగా అందుతుంది.
అంతేకాదు.. ఫీల్ గుడ్ హార్మోన్ అయిన ఆక్సిటోసిన్ విడుదల పెరుగుతుంది. ఓ సర్వే ప్రకారం నగ్నంగా నిద్రించిన జంటలు మిగిలిన జంటలతో పోల్చితే ఎక్కువగా తమ సెక్స్ జీవితాన్ని ఎంజాయ్ చేస్తారట
అంటే నగ్నంగా పడుకోవడం వల్ల సెక్స్‌లో ఆనందాన్ని కూడా ఎక్కువగా పొందొచ్చన్నమాట.
మన శరీరం పై మనకు నమ్మకం పెరుగుతుంది. మనం ఎలా ఉన్నామో దాన్ని మనం ఒప్పుకోవడానికి ఆస్కారం పెరుగుతుంది. దీనివల్ల పగలు ఎలాంటి దుస్తులు ధరించినా.. మనలో ఆత్మవిశ్వాసం కొట్టొచ్చినట్లు కనిపిస్తుందట. కొత్త తరహా దుస్తులు ధరించినప్పుడు ఇబ్బంది పడే వీలుండదు.
మరీ నగ్నంగా పడుకోవడం మాకు ఇబ్బంది అనుకునేవాళ్లు మాత్రం.. లో దుస్తులు లేకుండా... వదులుగా ఉండే దుస్తులు వేసుకోవడం ఉత్తమం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
