రాజమౌళి, మహేష్ షూటింగ్ కీ అప్డేట్: ఫ్యాన్స్ కు కిక్కు ఇచ్చే న్యూస్
మహేష్ బాబు, రాజమౌళి కాంబినేషన్‌లో తెరకెక్కనున్న ఆఫ్రికన్ అడ్వెంచర్ సినిమా షూటింగ్ త్వరలో ప్రారంభం కానుంది. రాజమౌళి ఇప్పటికే లొకేషన్స్ ఫైనలైజ్ చేసి, ప్రీ-ప్రొడక్షన్ పనులు పూర్తి చేసుకున్నారు. కెన్యాలో కీలక సన్నివేశాల చిత్రీకరణ జరగనుంది.
- FB
- TW
- Linkdin
Follow Us
 "Asianet Image")
మహేశ్‌బాబు హీరోగా రాజమౌళి దర్శకత్వంలో ఓ భారీ బడ్జెట్‌ ఆఫ్రికన్ అడ్వెంచరస్‌ యాక్షన్‌ ఫిల్మ్‌ తెరకెక్కనున్న సంగతి తెలిసిందే. ఈ సినిమా షూటింగ్ అతి త్వరలోనే ప్రారంభం కానుందని తెలిసింది. ఇప్పటికే ప్రీ ప్రొడక్షన్ వర్క్స్‌ పూర్తి చేసిన రాజమౌళి లొకేషన్స్‌ను ఫైనలైజ్ చేసి అక్కడకి వెళ్లిపోయారు. ఈ మేరకు రాజమౌళి తన సోషల్ మీడియా పేజీలో ఒక ఫన్నీ పోస్ట్‌తో త్వరలో మహేష్ బాబు సినిమా షూటింగ్‌ను ప్రారంభిస్తానని సూచించాడు.
Mahesh,rajamouli
రాజమౌళి గత ఏడాది అక్టోబర్‌లో కెన్యాలోని అంబోసెలి నేషనల్‌ పార్క్‌ లోని లొకేషన్‌ల కోసం టాప్ డైరెక్టర్ స్కౌట్ చేశారు. వచ్చే నెల అంటే పిభ్రవరిలో ప్రారంభంలో కెన్యాలోని ఈ ప్రాంతంలో ఈ చిత్రానికి సంబంధించిన మేజర్ షెడ్యూల్ జరగనుందని సమాచారం. సినిమాలోని కొన్ని కీలక సన్నివేశాలను చిత్రీకరించేందుకు మహేష్ బాబుతో పాటు టీమ్ మొత్తం కెన్యా వెళ్లనున్నారు.
మహేష్ బాబు లేకుండా అల్యూమినియం ఫ్యాక్టరీలో వేసిన సెట్‌లో రాజమౌళి కొన్ని పోర్షన్‌లను షూట్ చేసాడు. మహేష్ కెన్యాలో తన పోర్షన్‌ల షూటింగ్‌ను ప్రారంభించనున్నారు. అలాగే ప్రియాంక చోప్రా మరో కీలక పాత్రలో కనిపించనుంది. టైటిల్ పెట్టని ఈ చిత్రంలో నటీనటుల పూర్తి జాబితాను మేకర్స్ ఇంకా ప్రకటించలేదు. ఈ సినిమా షూటింగ్‌లో ఎక్కువ భాగం విదేశాల్లోనే జరుగుతుందని, యాక్షన్‌తో కూడిన స్టైలిష్ ఫారెస్ట్ అడ్వెంచర్‌గా ఈ సినిమా ఉంటుందని అంటున్నారు.
ప్రస్తుతం హాలీవుడ్ హీరోలా తయారయ్యాడు మహేష్ బాబు. రాజమౌళి సినిమా కోసం రెడీ అవుతున్నాడు. లాంగ్ హెయిర్.. మీడియం గెడ్డంతో.. మహేష్ బాబు చాలా హ్యాండ్సమ్ గా తయారయ్యాడు ఈసినిమాతో మహేష్ పాన్ వరల్డ్ హీరోగా మారబోతున్నాడు.
Mahesh, rajamouli
మరో ప్రక్క రాజమౌళి ఎంతో ఇష్ట‌ప‌డే విశాఖ‌ప‌ట్ట‌ణంకు స‌మీపంలోని అర‌కు బొర్రా గుహ‌లు మ‌రోసారి జ‌క్క‌న్న షూటింగ్ స్పాట్ గా మార‌బోతున్నాయని తెలుస్తోంది. మహేష్ సినిమాకి సంబంధించి కొన్ని కీలక స‌న్నివేశాలు ఈ గుహ‌ల్లో షూట్ చేయాల‌ని ప్లాన్ చేస్తున్నారుట. దీనిలో భాగంగా ఆయ‌న ఇప్పటికే బోర్రా గుహ‌ల‌ను మ‌రోసారి సంద‌ర్శించిన‌ట్లు తెలుస్తోంది. రాజమౌళి తన టీంతో క‌లిసి విజిట్ చేసిన‌ట్లు క‌నిపిస్తుంది. ఇక్క‌డ షూటింగ్ రాజమౌళి కు కొత్తేం కాదు.
MAHESH, RAJAMOULI
ఈ సినిమాకు ‘మహారాజా’, ‘మహారాజ్‌’ అనే టైటిల్స్‌ను అనుకుంటున్నారని, 18వ శతాబ్దం నేపథ్యంలో ఈ సినిమా కథనం సాగుతుందని, ఓ నిధి అన్వేషణతో ఈ సినిమా ఉంటుందనీ వార్తలు వినిపిస్తున్న సంగతి తెలిసిందే. ఎంఎం కీరవాణి సంగీతం సమకూర్చగా, కెఎల్ నారాయణ నిర్మాత. ఈ చిత్రం షూటింగ్ పూర్తి కావడానికి రెండేళ్లు పడుతుంది మరియు 2027లో విడుదలయ్యే అవకాశం ఉంది.
