జ్వరం వచ్చినప్పుడు చికెన్ తినొచ్చా..?

మన ఇంట్లో పెద్వారు మాత్రం చికెన్ పెట్టడానికి ఒప్పుకోరు. ఆ సమయంలో చికెన్ తింటే కామెర్లకు దారితీస్తుందేమోనని వారి భయం. మరి ఇందులో నిజమెంత..? చికెన్ తినొచ్చా..? తినకూడదా..? నిపుణులు ఏమంటున్నారో ఇప్పుడు చూద్దాం..

telugu news team

Hyderabad, First Published May 7, 2021, 10:05 AM IST | Last Updated May 7, 2021, 10:10 AM IST

బలహీనంగా ఉన్న సమయంలోనూ.. ఏదైనా వ్యాధి బారినపడినప్పుడు న్యూట్రియంట్స్ అన్నీ ఉండే మంచి బ్యాలెన్స్డ్ ఆహారం తీసుకోవడం చాలా అవసరం. అలా తీసుకున్నప్పుడే మన శరీరంలో రోగనిరోధక శక్తి పెరుగుతుంది. నీరసం తగ్గి.. మళ్లీ తిరిగి శక్తివంతులౌతారు. జ్వరం వచ్చినప్పుడు కూడా వైద్యులు కొద్దిగా లైట్ ఫుడ్ తీసుకోమని చెబుతారు. లైట్ ఫుడ్ తీసుకుంటే అరుగుదల మంచిగా ఉంటుందని.. దాని వల్ల ఎలాంటి సమస్యఉండదు అని వారు అలా చెబుతారు.

అయితే.. జ్వరం వచ్చినప్పుడు చికెన్ తినొచ్చా లేదా అనే సందేహం చాలా మందిలో ఉంటుంది. మన ఇంట్లో పెద్వారు మాత్రం చికెన్ పెట్టడానికి ఒప్పుకోరు. ఆ సమయంలో చికెన్ తింటే కామెర్లకు దారితీస్తుందేమోనని వారి భయం. మరి ఇందులో నిజమెంత..? చికెన్ తినొచ్చా..? తినకూడదా..? నిపుణులు ఏమంటున్నారో ఇప్పుడు చూద్దాం..

జ్వరం వచ్చినప్పుడు చికెన్ తినొచ్చని పోషకాహార నిపుణులు చెబుతున్నారు. అయితే.. చికెన్ ఎలా తీసుకుంటున్నారనేది మాత్రం చాలా ముఖ్యమట.

నార్మల్ రోజల్లోలాగా.. ఆయిల్ లో ఫ్రై చేసిన చికెన్.. లేదా స్పైసెస్ ఎక్కువగా ఉండే చికెన్ తినకూడదట. తక్కువ ఆయిల్ తో.. స్పైసెస్ తక్కువగా ఉండేలా చేసిన చికెన్ ని అయితే.. ఎలాంటి డౌట్స్ లేకుండా తినేయవచ్చట.

కర్రీలాగా కాకుండా... చికెన్ సూప్స్ బెస్ట్ ఆప్షన్. జ్వరం వచ్చిన సమయంలో చికెన్ సూప్స్ తాగడం వల్ల శరీరానికి కావాల్సిన ప్రోటీన్స్, న్యూట్రియన్స్ పుష్కలంగా అందుతాయి.

జ్వరంలో ఉన్నామనే భయం కూడా పెట్టుకోవాల్సిన అవసరం ఉండదు. జ్వరం సమయంలో శరీరం డీ హైడ్రేడ్ అవుతూ ఉంటుంది. అలాంటప్పుడు సూప్స్ తాగడం వల్ల డీ హైడ్రేడ్ కాకుండా కూడా ఉంటుంది.