బాలకృష్ణ ఫస్ట్ లవ్? అనూహ్యంగా పెళ్లి చూపుల్లో ట్విస్ట్... వసుంధర ఎలా భార్య అయ్యిందంటే?

నందమూరి తారక రామారావు నట వారసుడిగా ఎంట్రీ ఇచ్చిన బాలకృష్ణ తండ్రికి తగ్గ తనయుడు అనిపించుకున్నాడు. వందకు పైగా చిత్రాల్లో నటించిన ఆయన అనేక బ్లాక్ బస్టర్స్, సూపర్ హిట్స్ ఇచ్చారు. పలువురు హీరోయిన్స్ తో జతకట్టాడు. 
 

బాలకృష్ణ 1982లో బాలకృష్ణ వసుంధర దేవిని వివాహం చేసుకున్నాడు. వీరికి ముగ్గురు సంతానం. అమ్మాయిలు బ్రాహ్మణి, తేజస్విని కాగా అబ్బాయి మోక్షజ్ఞ. బాలయ్య నట వారసుడిగా మోక్షజ్ఞ హీరోగా ఎంట్రీ ఇవ్వాల్సి ఉంది. మోక్షజ్ఞ రాక కోసం బాలయ్య ఫ్యాన్స్ ఆతృతగా ఎదురుచూస్తున్నారు.

ఇదిలా ఉంటే వసుంధర తన జీవితంలోకి ఎలా వచ్చిందో ఓ సందర్భంలో బాలయ్య వివరించారు. బాలయ్యను ఫస్ట్ లవ్ గురించి అడగ్గా... నాకు ఫస్ట్ లవ్ లేదు అన్నాడు. ఇక వసుంధరతో తన పెళ్లి ఒక నాటకీయ పరిణామం అన్నారు. 
 

బంధువుల వివాహానికి వెళ్లిన బాలకృష్ణ అక్కడ వసుంధరను చూశాడట. ఈ అమ్మాయి ఎవరో బాగుందని బాలయ్య అనుకున్నారట. వసుంధరను ఇష్టపడ్డాడట. తర్వాత బాలయ్యకు పెళ్లి సంబంధాలు చూస్తున్నారట. ఒకరోజు పెళ్లి చూపులకు వెళ్లిన బాలయ్య షాక్ అయ్యాడట. 
 

బంధువుల పెళ్లి వేడుకలో చూసిన అమ్మాయే తన ముందు కూర్చుని ఉందట. నచ్చిన అమ్మాయితో పెళ్లి అనగానే ఎస్ చెప్పేశాడట. తర్వాత ఇద్దరూ తరచుగా మాట్లాడుకునేవారట. ఒకరినొకరు అర్థం చేసుకున్నాక పెళ్లి చేసుకున్నారట. 

వసుంధర మంచి భార్య. తాను షూటింగ్స్ లో బిజీగా ఉన్నా పిల్లల బాధ్యత తీసుకుని పెంచి పెద్ద చేసింది. నన్ను అర్థం చేసుకుంటుందని బాలకృష్ణ చెప్పుకొచ్చారు. వసుంధర తండ్రి దేవరపల్లి సూర్యారావు వందల కోట్లకు అధిపతి. ఆయనకు శ్రీ రామ్ దాస్ మోటార్ ట్రాన్స్పోర్ట్ లిమిటెడ్ అనే కంపెనీని నిర్వహిస్తున్నారు.