విశాల్ సూపర్ హిట్ ‘మదగజరాజ’ తెలుగు రిలీజ్ డేట్ ఫిక్స్
విశాల్ నటించిన మదగజరాజ సినిమా 12 ఏళ్ల తర్వాత విడుదలై, తమిళ ప్రేక్షకులను ఆకట్టుకుంటోంది. సోషల్ మీడియాలో సినిమాకు మంచి రెస్పాన్స్ వస్తోంది. జనవరి 31న తెలుగులో కూడా ఈ సినిమా విడుదల కానుంది.
తెలుగు, తమిళ ప్రేక్షకుల్లో మంచి ఫ్యాన్ బేస్ ఉన్న హీరో విశాల్ (Vishal). అయితే విశాల్ నటించిన సినిమాలు పెద్దగా ఆడటం లేదు. కానీ చిత్రంగా విశాల్ పాత సినిమా సంక్రాంతికి రిలీజై సూపర్ హిట్ అయ్యింది. అదే మదగజరాజ (Madha Gaja Raja). సుందర్ సీ డైరెక్ట్ చేసిన ఈ మూవీ యాక్షన్ కామెడీ బ్యాక్ డ్రాప్లో తెరకెక్కింది.
Madha Gaja Raja Box Office
2013 పొంగళ్ కానుకగా జనవరిలోనే ప్రేక్షకుల ముందుకు రావాల్సిన ఈ చిత్రం పలు కారణాలతో వాయిదా పడుతూ.. 12 ఏండ్ల లాంగ్ గ్యాప్ తర్వాత నేడు థియేటర్లలోకి వచ్చేసింది. సోషల్ మీడియాలో వస్తున్న ట్రెండ్స్ ప్రకారం ఈ చిత్రం మంచి హిట్ టాక్ తెచ్చుకుంది. ప్రేక్షకులు థియేటర్లలో సినిమాను ఎంజాయ్ చేయడమే కాదు.. ఎక్స్లో పాజిటివ్ ట్వీట్స్తో సినిమాపై మరింత హైప్ వస్తోంది.
దశాబ్ధం కాలం తర్వాత సిల్వర్ స్క్రీన్పైకి వచ్చినప్పటికీ కామెడీ ప్రేక్షకులను ఇంప్రెస్ చేస్తున్నట్టు తమిళ సర్కిల్ సమాచారం. ఈ సినిమాకు తమిళనాట వచ్చిన రెస్పాన్స్తో ఇప్పుడు ఈ చిత్రాన్ని తెలుగులోనూ రిలీజ్ చేసేందుకు మేకర్స్ రెడీ అవుతున్నారు. ‘మదగజరాజ’ చిత్రాన్ని జనవరి 31న తెలుగులో రిలీజ్ చేయనున్నట్లు చిత్ర యూనిట్ ప్రకటించారు. దీంతో ఈ సినిమా ఇక్కడి ఆడియెన్స్ను ఎంతమేర ఆకట్టుకుంటుందో చూడాలి.
ఈ చిత్రంలో అంజలి, వరలక్ష్మి శరత్కుమార్ ఫీ మేల్ లీడ్ రోల్స్లో నటించగా.. సంతానం, సోనూసూద్ కీలక పాత్రల్లో నటించారు. జెమినీ ఫిల్మ్ సర్క్యూట్ తెరకెక్కించిన ఈ మూవీకి మల్టీ టాలెంటెడ్ యాక్టర్ విజయ్ ఆంటోనీ సంగీతం అందించాడు. మరి దశాబ్ధం తర్వాత థియేటర్లలో సూపర్ రెస్పాన్స్ తెచ్చుకుంటూ విశాల్కు క్రేజీ ఎలా ఉందో చెప్పకనే చెబుతుంది.