విజయ దేవరకొండ సినిమాలో బాలకృష్ణ, ఇక రచ్చ రచ్చే..

టాలీవుడ్ లో సీనియర్ మాస్ హీరోగా బాలయ్య.. జూనియర్ అరాయకం హీరోగా విజయ్ దేవరకొండకు పేరుంది. మరి ఈ ఇద్దరు కలిసి సినిమా చేస్తే..? 

ఇద్దరు మాస్ హీరోలు.. వయస్సు లో తేడా ఉన్నా.. ఇద్దరికి మాస్ ఫాలోయింగ్ మామూలుగా లేదు. యంగ్ స్టార్ విజయ్ దేవరకొండ.. నట సింహం నందమూరి బాలయ్య.. ఈ ఇద్దరు కాంబినేషన్ కలిస్తే రచ్చ రచ్చే. అయితే వీరి కాంబోలో సినిమా రాబోతోందంటూ టాక్ గట్టిగా నడుస్తోంది. అయితే ఇందులో నిజం ఎంత..? విజయ్ దేవరకొండ సినిమాకు బాలయ్య సాయం చేస్తున్నాడా..? అసలు విషయంలోకి వెళ్తే..? 

చాలా కాలంగా సక్సెస్ లేక ఇబ్బందిపడుతున్నాడు విజయ్ దేవరకొండ. గీత గోవిందం తరువాత రౌడీ హీరోకి సాలిడ్ హిట్ పడింది లేదు. ఎన్ని రకాలుగా ప్రయత్నాలు చేసినా.. ఎన్నిప్రయోగాలు చేసినా.. విజయ్ సూపర్ హిట్ కొట్టలేకపోతున్నాడు. మాస్ ఇమేజ్ నుంచి దిగి వచ్చి..క్లాస్ హీరోగామారిపోయి ప్రయత్నించాడు. గీత గోవిందం టైప్ లోనే ఖుషి, ఫ్యామిలీ స్టార్ లాంటిసినిమాలు చేశాడు.

 ఆ రెండు సినిమాలు యావరేజ్ అనిపించాయి కాని విజయ్ దేవరకొండ వెయిట్ కు దగ్గ హిట్ ను సాధించలేకపోయాయి. అంతకు ముందు పూరి జగన్నాథ్ డైరెక్షన్ లో చేసిన పాన్ఇండియా మూవీ లైగర్ హిట్ అయ్యి ఉంటే.. విజయ్ కెరీర్ ఎక్కడో ఉండేది. అసలు ఎవరికి అందనంత ఎత్తులో ఉండేవాడు విజయ్ దేవరకొండ. లైగర్ దెబ్బకు ఇప్పటికీ కోలుకోలేక పోతున్నాడు రౌడీ స్టార్. 

ఈక్రమంలో తన ప్రయత్నం మాత్రం మానుకోవడం లేదు. ఏదొ రకంగా మళ్లీ లైన్ లో పడాలని ప్రయత్నం మాత్రం చేస్తున్నాడు. అందులో భాగంగానే హిట్ సినిమాల దర్శకుడు గౌతమ్ తిన్ననూరితో తన 12వ సినిమా చేస్తున్నాడు విజయ్. VD12 వర్కింగ్ టైటిల్తో రూపొందుతున్న ఈ సినిమా షూటింగ్ ఎటువంటి హంగు ఆర్బాటాలు లేకుండా చాలా సింపుల్ గా జరిగిపోతోంది. రీసెంట్ గా కేరళ షెడ్యూల్ ను కంప్లీట్ చేసుకున్నారు టీమ్. 

టీజర్ కు కావల్సినన్న ఎలిమెంట్స్ ఈ షెడ్యూల్ లోనే తీసుకున్నారట. దాంతో ఈసినిమాకు ఇప్పటి నుంచే కాస్త హైప్ ఇవ్వాలని ప్లాన్ చేస్తున్నారట అందులో భాగంగానే ఈమూవీ టీజర్ ను కట్ చేసేపనిలో ఉన్నారట టీమ్. వచ్చే ఏడాది మార్చ్ 28న ఈసినిమాను రిలీజ్ చేయాలని ప్లాన్ చేస్తున్నారు. ఫస్ట్ టీజర్ ను త్వరలో రిలీజ్ చేయబోతున్నారట. 

అందులో భాగంగా ఈ టీజర్ కోసం నట సింహం నందమూరి బాలయ్యను వాడేయాలని చూస్తున్నాట టీమ్. టీజర్ లో బాలకృష్ణ పవర్ ఫుల్ డైలాగ్ ను ఆడ్ చేయాలని ఆలోచన. అయితే ఈ విషయం మూవీ టీమ్ అఫీషియల్ గా చెప్పలేదు కాని సోషల్ మీడియాల మాత్రం వార్త వైరల్ అవుతోంది. టీజర్ కే బాలయ్య ను ట్రై చేస్తున్నారంటే.. సినిమా రిలీజ్ వరకూ ఎంత మంది స్టార్లు ఈ సినిమా కోసం పనిచేస్తారో చూడాలి. 

అంతే కాదు ఈ సారి ఎలాగైనా సాలిడ్ హిట్ కొట్టాలనిప్రయత్నం చేస్తున్నాడు విజయ్ దేవరకొండ. ఈసారి టార్గెట్ కొట్టకపోతే హీరోగా మరుగున పడిపోయే అవకాశం కూడా లేకపోలేదు. ఇప్పటికే ఎన్ని ప్లాప్ లు వచ్చినా.. తన యాటిట్యూడ్ తో ఇమేజ్ డౌన్ అవ్వకుండా ఫ్యాన్స్ ను హోల్డ్ చేసుకోగలుగుతున్నాడు విజయ్. మరి ఈసారి ఏం జరుగుతుందో చూడాలి మరి.