`వీరసింహారెడ్డి` ఫస్ట్ డే కలెక్షన్లు.. బాలయ్య కెరీర్‌లోనే బిగ్గెస్ట్ ఓపెనింగ్స్.. నిజమా? ఫేకా?

బాలకృష్ణ నటించిన `వీరసింహారెడ్డి` సినిమా సంక్రాంతి కానుకగా గురువారం(జనవరి 12న) విడుదలైన విషయం తెలిసిందే. తాజాగా ఈ సినిమా రికార్డ్ ఓపెనింగ్స్ రాబట్టినట్టుగా చిత్ర బృందం ప్రకటించింది. 

Veerasimhareddy Review

నందమూరి నటసింహాం బాలకృష్ణ నుంచి వచ్చిన సంక్రాంతి కానుక `వీరసింహారెడ్డి`. ఫుల్‌ యాక్షన్‌ ఎంటర్టైనర్‌ గా రూపొందిన ఈ సినిమా ఫ్యాన్స్ ని ఆకట్టుకుంటుంది. సినిమాలో కంటెంట్‌ లేకపోయినా యాక్షన్‌ సీన్లని అభిమానులు ఎంజాయ్‌ చేస్తున్నారు. బాలయ్యపై దర్శకుడు గోపీచంద్‌ మలినేని చేసిన ఎలివేషన్లు, వరలక్ష్మి శరత్‌ కుమార్‌ నటన, శృతి హాసన్‌ సినిమాలో హైలైట్ గా నిలిచాయి. 

సినిమాకి క్రిటిక్స్ నుంచి మిశ్రమ స్పందన వినిపిస్తుంది. కంటెంట్‌ లేకుండా కేవలం హీరో ఎలివేషన్లు, యాక్షన్‌ సీన్లు తప్ప సినిమాలో అసలు మ్యాటర్‌ లేదనే టాక్‌ క్రిటిక్స్ నుంచి వినిపిస్తుంది. అయితే `అఖండ`తో బాలయ్య సక్సెస్‌ జోరులో ఉండటంతో `వీరసింహారెడ్డి` ఓపెనింగ్స్ కి కలిసొచ్చాయి. ఈ నేపథ్యంలో ఈ చిత్రం తొలి రోజు భారీ ఓపెనింగ్స్ రాబట్టినట్టు తెలుస్తుంది. 

తాజాగా చిత్ర బృందం మైత్రీ మూవీ మేకర్స్ ఈ సినిమా మొదటి రోజు కలెక్షన్లని ప్రకటించారు. బాలయ్య ఆల్‌ టైమ్‌ రికార్డ్ సృష్టించినట్టు చెబుతుంది యూనిట్‌. ఏకంగా ఈ సినిమా ఫస్ట్ డే రూ.54కోట్ల గ్రాస్‌ కలెక్ట్ చేసినట్టు వెల్లడించింది. ప్రస్తుతం ఈ కలెక్షన్ల పోస్టర్‌ సోషల్‌ మీడియాలో వైరల్‌ అవుతుంది. 

54కోట్ల గ్రాస్‌లో 32కోట్ల షేర్‌ రాబట్టిందట. రెండు తెలుగు రాష్ట్రాల్లో ఈ సినిమా 39కోట్ల గ్రాస్‌ సాధించిందని, సుమారు 25కోట్ల షేర్‌ వచ్చినట్టుగా తెలుస్తుంది. ప్రస్తుతం ఈ కలెక్షన్లు సోషల్‌ మీడియాలో వైరల్‌ అవుతున్నాయి. ఇది బాలకృష్ణ కెరీర్‌లోనే అత్యధిక కలెక్షన్లు కావడం విశేషం. `వీరసింహారెడ్డి` బాక్సాఫీసు వద్ద ఊచకోతగా అభివర్ణిస్తుంది యూనిట్‌. 

ఇదిలా ఉంటే అసలు కలెక్షన్లు అంత ఉండవని, ఇవన్నీ ఫేక్‌ కలెక్షన్లు అని ట్రేడ్‌ వర్గాల నుంచి వినిపిస్తున్న మాట. మొత్తంగా ప్రపంచవ్యాప్తంగా రూ.35కోట్లకు మించి ఉండదని అంటున్నారు. ఎందుకంటే ఏపీలో టికెట్‌ రేట్లు తక్కువగా ఉన్నాయి. తెలంగాణలోనూ పెద్దగా రేట్లు పెంచలేదు. ఈ నేపథ్యంలో ఈ స్థాయి కలెక్షన్లు ప్రాక్టికల్‌గా అసాధ్యం అంటున్నారు. మరి ఇందులో నిజమేంటనేది తెలిసిందే.

అయితే చిత్ర బృందాలు ఇటీవల ఫేక్‌ కలెక్షన్లు అనౌన్స్ చేయడం పరిపాటిగా జరుగుతున్న విసయం తెలిసిందే. ఓటీటీ రైట్స్ విషయంలో కావచ్చు, సినిమాపై హైప్‌ పెంచి ఆడియెన్స్ ని ఆకర్షించే ప్రయత్నం కావచ్చు, ఫైనాన్షియర్లు, బయ్యర్ల నుంచి ఒత్తిడి కంట్రోల్‌ చేసే ప్రయత్నం కావచ్చు. ఇలా నిర్మాతలు ఎక్కువగా చూపిస్తుంటారు. `వీరసింహారెడ్డి` విషయంలోనూ అదే జరిగి ఉంటుందని సోషల్‌ మీడియాలో వినిపించే టాక్‌. ఈ లెక్కలు పక్కన పెడితే బాలయ్య ఫ్యాన్స్ మాత్రం `వీరసింహారెడ్డి`ని ఎంజాయ్‌ చేస్తున్నారని చెప్పొచ్చు.