Guppedantha Manasu: దేవయానికి సీరియస్ గా వార్నింగ్ ఇచ్చిన జగతి.. వసుని చూసి ఎమోషనల్ అయిన సుమిత్ర?

Guppedantha Manasu: బుల్లితెర పై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈరోజు డిసెంబర్ 24వ తేదీ ఎపిసోడ్ లో ఏం జరిగిందో తెలుసుకుందాం. 

ఈరోజు ఎపిసోడ్ లో రిషి, జగతి ఇచ్చిన గిఫ్ట్ ని వసుధారకి ఇస్తాడు. ఏంటి సార్ ఇది అనడంతో నేను కూడా చూడలేదు నీకు ఇవ్వమని అడిగినప్పుడు నేను ఎలా చూడాలి అని అంటాడు రిషి. అప్పుడు ఏం పంపించారు మేడం అని వసుధార బాక్స్ తెరుస్తూ ఉండగా ఇంతలో రిషికి మహేంద్ర ఫోన్ చేస్తాడు. ఎక్కడ వరకు వెళ్లారు నాన్న వెళ్లారా లేదా అక్కడంతా బాగానే ఉందా అడగడంతో బాగానే ఉంది డాడ్ అని అంటాడు రిషి. అప్పుడు రిషి పెద్దమ్మని కంగారు పడొద్దని చెప్పండి. నేను కాల్ చేయగానే మీరు ఇక్కడికి రావడానికి రెడీగా ఉండండి అనడంతో సరే అని మహేంద్ర ఫోన్ కట్ చేస్తాడు. ఆ తర్వాత వసుధార రిషి ఇద్దరు అక్కడి నుంచి వెళ్లిపోతారు.

అప్పుడు వసుధార ఇంటికి కొంచెం దూరంలోనే రిషిని కారు ఆపమని చెప్పి అక్కడి నుంచి వెళ్తాను అని అంటుంది. ఎందుకు వసుధార అనడంతో నేను ఇన్ని రోజులుగా ఇంటికి రాలేదు ఇప్పుడు నాపై వాళ్లకు ప్రేమ ఉన్నా కూడా కచ్చితంగా కోపం వస్తుంది అని అంటుంది వసుధార. వాళ్లు నా మీద అరుస్తారేమో అక్కడ నా ముందు మిమ్మల్ని ఏదైనా అంటే నేను తట్టుకోలేను సార్ అని అంటుంది. చివరికి నా కన్న వాళ్ళు అయినా సరే నేను మిమ్మల్ని ఒక్క మాట కూడా అననివ్వను అని అంటుంది వసుధర. సరే అని వసుధార అక్కడ నుంచి బయలుదేరి వెళుతుంది. అప్పుడు రిషి నేను నీకోసం ఎదురు చూస్తూ ఉంటాను లేట్ చేయకు వసుధారా అని అంటాడు.

మన మధ్య దూరం నేను భరించలేని వసుధార అని బాధగా మాట్లాడుతాడు రిషి. అప్పుడు వసుధార అక్కడ నుంచి వెళ్తుండగా రిషి బాధగా అలాగే చూస్తూ ఉంటాడు. మరొకవైపు జగతి బుక్కు చదువుతూ ఉండగా ఇంతలోనే అక్కడికి దేవయాని వస్తుంది. అప్పుడు దేవయాని లోపలికి వచ్చి ఏంటి జగతి బుక్కు చదువుతుండగా డిస్ట్రబ్ చేశానా ఆడంతో పర్లేదు అక్కయ్య అని అంటుంది. నువ్వు ఇలా నిల్చొవలసిన అవసరం లేదు జగతి ఇలా కూర్చో మాట్లాడుకుందాం అని జగతిని కూర్చోబెడుతుంది దేవదాని. నా మనసులో చాలా బాధగా ఉంది అది నీతో పంచుకుందామని వచ్చాను అని అంటుంది దేవయాని. ఎందుకంటే రిషి ఆ వసుధారతో వెళ్తున్న విషయాన్ని మీరు చెప్పలేదు రిషి కూడా చెప్పలేదు అని అంటుంది.

అప్పుడు వెనక్కి రమ్మని చెప్పి రిషికి ఫోన్ చేశాను అనడంతో జగతి షాక్ అవుతుంది. అక్కయ్య ఎందుకు మీరు రిషి ఇష్టానికి వ్యతిరేకంగా ఆలోచిస్తున్నారు. వాళ్ళిద్దరూ ఒకరినొకరు కోరుకుంటున్నారు, వెళ్లాలనిపించింది వెళ్లాడు. మీరు వెనక్కి రమ్మని చెప్పడం ఏంటి అది తన ఇష్టం కదా అనడంతో బాగానే మాట్లాడుతున్నావు జగతి అంటుంది దేవయాని. అంతేనా నువ్వు లెక్చరర్ వి కదా నీలాగా నేను మాట్లాడలేకపోవచ్చు. కానీ నేను చేసే పనిలో ప్రయత్నం లోపం మాత్రం ఉండకూడదు కదా. అప్పుడు దేవయాని నువ్వు నీ శిష్యురాలు కలిసి వలవేసి ప్లాన్ వేసి రిషి ని వైపు తిప్పుకోవాలనుకుంటున్నారు అనగా వెంటనే జగతి  అని అక్కయ్య అని అంటుంది.

ఏంటి జగతి కోపం వస్తుందా, నేను అన్న దాంట్లో తప్పేముంది. రిషి మీదకు వసుధార ని ఉసుగొలిపింది నువ్వే కదా అంటూ దేవయాని నోటికి వచ్చిన విధంగా మాట్లాడుతూ ఉంటుంది. అసలు నీ మనసులో ఏముంది వసుధారని అడ్డుపెట్టుకొని రిషితో అమ్మ అని పిలిపించుకోవాలి అన్న ఆశ ఇంకా చావలేద జగతి అని అంటుంది. రిషి భవిష్యత్తును నాశనం చేస్తున్నావు నీకు రిషి అంటే ప్రేమే లేదు అనడంతో జగతి సీరియస్ అవుతుంది. ఇంకొకసారి నాకు రిషి మీద ప్రేమ లేదు అన్న మాటను మాట్లాడకండి అసలు మీకు రిషి మీద ప్రేమ ఉందా ఎంతసేపు రిషి ని అడ్డుపెట్టుకొని పెత్తనం చేయాలి అని చూస్తున్నారు అనడంతో దేవయాని ఆశ్చర్యపోతుంది.

 ఎంతసేపు అందరి మీద పెత్తనం చేయాలా ఉంచాలని చూస్తారు ఇన్ని రోజుల్లో మీ ఆలోచనలు మీ విషపు ప్లాన్లు ఏంటో నాకు తెలియదని అనుకుంటున్నారా అని అంటుంది. మీ గురించి ఒక్కసారి రిషికి చెబితే మీ పరిస్థితి ఏ విధంగా ఉంటుందో ఒక్కసారి ఆలోచించారా ఎందుకు ఇన్ని నాటకాలు ఆడుతున్నారు. ఇన్ని రోజులు నా జీవితంతో ఆడుకొని నన్ను మహేంద్రకు దూరం చేశారు ఇప్పుడు మళ్లీ రిషి జీవితంతో ఆడుకోవాలని చూస్తున్నారు అని అంటుంది. నేను మీ ఇంటికి రావడం ఇష్టం లేదు. కానీ రిషి మాటమీద ఈ ఇంటికి వచ్చాను. నన్ను ఏమి చేయలేక వసుధారని అడ్డుపెట్టుకొని రిషి ని శిక్షించాలని చూస్తున్నారా అవ్వాలని విడగొట్టాలని చూస్తున్నారా అనడంతో దేవయాని షాక్ అవుతుంది.

మనుషులను బంధాలను చూసి మీరు ఏం బాగుపడతారు అక్కయ్య. ఇన్ని రోజులు పాటు మీరు ఏం సాధించారు. ఇప్పుడు ఏం సాధించబోతున్నారు అని నిలదీస్తుంది జగతి. అప్పుడు దేవయాని మీద సీరియస్ అవుతూ ఇలాంటి పిచ్చి పిచ్చి ఆలోచనలు చేయకండి అని సీరియస్ గా వార్నింగ్ ఇస్తుంది జగతి. నా జోలికి రండి పర్లేదు నన్ను ఏమైనా చేయండి కానీ రిషి జోలికి వస్తే మాత్రం మర్యాదగా ఉండదు అని వార్నింగ్ ఇస్తుంది. ఏ వసుధార ని అయితే మీరు చీదరించుకొని అవమానిస్తున్నారు అదే వసుధార తొందర్లోనే మీ నిజ స్వరూపం ఏంటో రిషికి తెలిసేలా చేస్తుంది అని వార్నింగ్ ఇస్తుంది. అప్పుడు జగతి మాటలకు దేవయాని టెన్షన్ పడుతూ ఉంటుంది.

అప్పుడు దేవయాని ఏం మాట్లాడాలో తెలియక నీ సంగతి ఆ వసుధార సంగతి తొందర్లోనే తేలుస్తాను అని చెప్పి అక్కడ నుంచి వెళ్లిపోతుంది. మరొకవైపు వసుధార వాళ్ళ అమ్మ పూజ చేస్తూ ఉండగా ఎంతలో వసుధర ఎదురుగా వచ్చి నిలబడడంతో వాళ్ళ అమ్మ చాలా సంతోషపడుతూ ఉంటుంది. ఇన్ని రోజులు ఏమైపోయావు వసుధార కనీసం మీ అమ్మకు ఒక్క మాట కూడా కాల్ చేయలేదు అని వసుధారని పట్టుకొని ఏడుస్తుంది. పక్కనే ఉన్న వాళ్ళ నాన్న వసుధార కోపంతో రగిలిపోతూ ఉంటాడు. వసుధార రావడం చూసి ఒక్కసారిగా షాక్ అవుతాడు. అప్పుడు వసుధర వాళ్ల నాన్న ఆశీర్వాదం తీసుకోవడానికి వెళ్లగా పక్కకు తప్పుకుంటాడు. వసుధర వైపు కోపంగా చూస్తూ ఉంటాడు.