B*** అంటూ రెచ్చిపోయిన నెటిజెన్.. గట్టి కౌంటర్ ఇచ్చిన హీరోయిన్
సోషల్ మీడియా ఎదుగుతున్న దగ్గర నుంచి దాని వల్ల లాభాలు ఏ రేంజ్లో ఉన్నాయో.. సమస్యలు కూడా అదే రేంజ్లో వస్తున్నాయి. ముఖ్యంగా లాక్ డౌన్ కారణంగా ఇంటికే పరిమితమైన సినీ తారలు సోషల్ మీడియా వేదికగా అభిమానులతో ముచ్చటిస్తున్నారు. అయితే ఈ సందర్భంగా కొంత మంది ఆకతాయిలు స్టార్స్ మీద అభ్యంతరకర కామెంట్స్ చేస్తున్నారు. తాజాగా అలాంటి పరిస్థితే ఓ బాలీవుడ్ ముద్దుగుమ్మకు ఎదురైంది.
బాలీవుడ్ బ్యూటీ వాణీ కపూర్ తాజాగా తన ఇన్స్టాగ్రామ్ లైవ్లో అభిమానులతో ఇంటరాక్ట్ అయ్యింది. ఇన్స్టాలోని ఆస్క్ మీ ఏ క్వశ్చన్ అనే ఫీచర్ ద్వారా సోమవారం సాయంత్రం అభిమానులతో ముచ్చింటించింది వాణీ. అయితే ఈ సందర్భంగా వాణీకి ఓ అభ్యంతరకర సందేశం వచ్చింది.
ఓ ఆకతాయి 'you ugly B****` అంటూ దారుణమైన పదజాలంతో వాణీ కపూర్ను దూషిస్తూ కామెంట్ చేశాడు. అయితే వాణీ మాత్రం ఈ కామెంట్ పట్ల ఘాటుగా స్పందించింది.
ఆ స్క్రీన్ షాట్ను అభిమానులతో షేర్ చేసుకన్న వాణీ కపూర్ ఆ వ్యక్తిగా గట్టి కౌంటర్ ఇచ్చింది. తాను కూడా అభ్యంతరకర భాషను ప్రయోగించకుండా హుందాగా స్పందించింది. నీ మనసు కూడా చాలా అందంగా ఉంటుంది.
`నీలో కూడా మంచితనం ఉంటుంది.. ఎవరినీ ద్వేషించకు` అంటూ కామెంట్ చేసి దానితో పాటు హార్ట్ ఎమోజీలను జోడించింది. వాణీ స్పందనపై ప్రశంసలు వినిపిస్తున్నాయి. నెటిజెన్ల కామెంట్ల విషయంలో చాలా మంది సెలబ్రిటీ ఇబ్బందులు ఎదుర్కొంటున్నారు.
గతంలోనూ వాణీ కపూర్కు ఇలాంటి అనుభవమే ఎదురైంది. ఓ నెటిజెన్ లైవ్లో ఆమె శరీరాకృతి గురించి అభ్యంతరకర కామెంట్ చేశాడు. అయితే ఆ సమయంలో వాణీ ఇదే తరహాలో హుందాగా స్పందించింది.
నవ్వు జీవితంలో పనికొచ్చే పనులు ఎందుకు చేయవు. నీ మీద నువ్వు ద్వేశం చూపించటం మానుకో. జీవితం చాలా మంచింది. ద్వేషాన్ని ప్రదర్శించటం ఆపు` అంటూ కామెంట్ చేసింది.
శుద్ధ్ దేశీ రొమాన్స్ సినిమాతో 2013లో బాలీవుడ్ ఎంట్రీ ఇచ్చిన బ్యూటీ వాణీ కపూర్. ఆ తరువాత బేఫికర్ సినిమాతోనూ ఆకట్టుకుంది ఈ బ్యూటీ. నాని సరసన ఆహా కళ్యాణం సినిమాతో తెలుగు ప్రేక్షకులను కూడా పలకరించింది.