చేతులెత్తి మొక్కుతున్నా ప్లీజ్ ఆదుకోండి... సంచలనంగా రేణు దేశాయ్ సోషల్ మీడియా పోస్ట్!

దయచేసి వెంటనే ఆదుకోండి అంటూ రేణు దేశాయ్ పెట్టి సోషల్ మీడియా పోస్ట్ వైరల్ అవుతుంది. ఆమెకు అంత ఇబ్బంది ఏమొచ్చిందని అభిమానులు వాపోతున్నారు.  

Renu Desai

పవన్ కళ్యాణ్ మాజీ భార్య రేణు దేశాయ్ సోషల్ మీడియాలో చాలా యాక్టివ్. ఆమె సామాజిక రాజకీయ విషయాలపై స్పందిస్తూ ఉంటారు. ఇటీవల తెలంగాణ మంత్రి కొండా సురేఖను ఓ విషయమై ఆమె కలిశారు. అలాగే ఏపీ డిప్యూటీ సీఎం పవన్ కళ్యాణ్ ని కూడా కలుస్తారంటూ ప్రచారం జరిగింది. రేణు దేశాయ్-పవన్ కళ్యాణ్ మాత్రం భేటీ కాలేదు. 

రేణు దేశాయ్ పెట్ లవర్ కూడాను. ఆమె జీవహింసను వ్యతిరేకిస్తారు. కేవలం శాఖాహారం తీసుకుంటుంది. మూగ జీవాల రక్షణ, సంక్షేమం కోసం ఆమె పని చేస్తున్నారు. దీనికి అవసరమైన నిధులు సోషల్ మీడియా ద్వారా సేకరిస్తారు. దాతలు ఎవరైనా ఉంటే ఆదుకోవాలని సమాచారం పంచుకుంటుంది. తాజాగా రేణు దేశాయ్ అర్జెంట్ గా సహాయం కావాలంటూ ఓ పోస్ట్ పెట్టారు. 

ఎవరైనా డాగ్ లవర్స్ ఉంటే హెల్ప్ చేయండి. నేను 50 కేజీల రైస్ ఇచ్చాను. మిగతాది మీరు సమకూర్చండి. మా వద్ద ఉన్న డాగ్స్ కొరకు రేషన్ బియ్యం కావాలి. నెలకు 300 కేజీలు బియ్యం కావాలి. నలుగురు సభ్యులు ఉన్న కుటుంబానికి 24 కేజీల రైస్ ఇస్తారు. అలాంటి 10 కుటుంబాలు మాకు సహాయం చేసినా చాలు... అని ఇంస్టాగ్రామ్ స్టేటస్ లో రేణు దేశాయ్ రాసుకొచ్చింది. 

మూగ జీవాల కోసం రేణు దేశాయ్ పడుతున్న శ్రమను పలువురు పెట్ లవర్స్ అభినందిస్తున్నారు. నటిగా రేణు దేశాయ్ సెకండ్ ఇన్నింగ్స్ స్టార్ట్ చేసింది. ఆమె పూణే నుండి హైదరాబాద్ కి వచ్చేశారు. టైగర్ నాగేశ్వరరావు మూవీలో సోషల్ వర్కర్ రోల్ చేసింది. రవితేజ ఈ చిత్రంలో టైటిల్ రోల్ చేశాడు. డైరెక్షన్ పట్ల కూడా ఆసక్తి ఉందని గతంలో రేణు దేశాయ్ చెప్పడం విశేషం. 

మరోవైపు అకీరా నందన్ హీరోగా ఎంట్రీ ఇస్తారనే ప్రచారం జరుగుతుంది. అకీరా చదువు పూర్తి అయినట్లు సమాచారం. మ్యూజిక్ లో అకీరాకు ప్రావీణ్యం ఉంది. ఫిల్మ్ మేకింగ్ కోర్స్ కూడా చేశాడట. ఇటీవల పవన్ కళ్యాణ్ తో పాటు కొన్ని రాజకీయ కార్యక్రమాల్లో అకీరా పాల్గొన్నాడు. ఈ క్రమంలో అతడి లుక్ వైరల్ అయ్యింది. హ్యాండ్సమ్ అకీరాను చూసి పవన్ కళ్యాణ్ ఫ్యాన్స్ ఆనందం వ్యక్తం చేస్తున్నారు. పబ్లిక్ లో కనిపిస్తే ఫోటోల కోసం వెంబడిస్తున్నారు.