రష్మిక నా రూమ్మేట్, అర్ధరాత్రి రోడ్లపై అలా చేసేవాళ్ళం, ప్రేరణకు ఇంత బ్యాక్ గ్రౌండ్ ఉందా?

బిగ్ బాస్ సీజన్ 8 కంటెస్టెంట్ ప్రేరణ కంబం బ్యాక్ గ్రౌండ్ తెలిస్తే షాక్ అవుతారు. ఆమె రష్మిక క్లోజ్ ఫ్రెండ్ అట. అర్ధరాత్రి వేళ వారిద్దరూ కలిసి కొన్ని క్రేజీ పనులు చేసేవారట.  

Prerana Kambam

బిగ్ బాస్ తెలుగు సీజన్ 8 కంటెస్టెంట్స్ లో ప్రేరణ కంబం ఒకరు. ఈ కన్నడ సీరియల్ నటి తెలుగులో కూడా పాపులర్. హైదరాబాద్ లో పుట్టిన ప్రేరణ, పెరిగింది మాత్రం బెంగుళూరులో. అక్కడే మోడలింగ్ స్టార్ట్ చేసింది. 2017లో ఆమె బుల్లి తెరకు పరిచయమయ్యారు. హర హర మహదేవ ఆమె డెబ్యూ సీరియల్. మరొక కన్నడ సీరియల్ రంగనాయకి తో పాపులారిటీ రాబట్టింది. 

2018లో సురకత్తె టైటిల్ తో విడుదలైన కన్నడ చిత్రంలో నటించింది. ఫిజిక్స్ టీచర్ అనే మరో చిత్రంలో ప్రేరణ ప్రధాన పాత్ర చేసింది. తెలుగులో కృష్ణా ముకుందా మురారి సీరియల్ లో హీరోయిన్ గా ఆమెకు అవకాశం వచ్చింది. కృష్ణ పాత్రలో ఆమె మెప్పించారు. స్టార్ మా లో ప్రసారమైన కృష్ణ ముకుంద మురారి ఆశించిన స్థాయిలో ఆదరణ పొందలేదు. 

అందుకే కృష్ణ ముకుంద మురారి సీరియల్ కి ఎండ్ కార్డు వేశారు. ఈ సీరియల్ లో ప్రధాన పాత్రలు చేసిన యాష్మి గౌడ, ప్రేరణ బిగ్ బాస్ సీజన్ 8లో కంటెస్ట్ చేశారు. ప్రేరణకు గతంలో బిగ్ బాస్ షోలో పాల్గొన్న అనుభవం ఉంది. 2021లో ప్రసారమైన బిగ్ బాస్ కన్నడలో ఆమె కొద్ది రోజులు హౌస్లో ఉన్నారు. 

కాగా ప్రేరణకు రష్మిక మందాన బెస్ట్ ఫ్రెండ్ అట. వీరిద్దరూ ఒకప్పుడు రూమ్ మేట్స్ అట. ఇద్దరూ కలిసి కొన్ని క్రేజీ పనులు చేశారట. అర్ధరాత్రి 2 గంటలకు స్కూటీ వేసుకుని రోడ్లపై చక్కర్లు కొట్టేవారట. రష్మిక మందాన స్టార్ హీరోయిన్ కావడంతో ప్రేరణతో పెద్దగా కలవడం లేదట. రష్మిక మందానకు ప్రేరణ ఫ్రెండ్ కావడం ఊహించని పరిణామం. 

ప్రేరణకు లవ్ స్టోరీ కూడా ఉంది. ఆమె భర్త పేరు శ్రీపాద్ దేశ్ పాండే. వీరిద్దరూ చాలా కాలం రహస్యంగా ప్రేమించుకున్నారట. ప్రేరణ సీరియల్ నటి కావడంతో ఎక్కడికెళ్లినా జనాలు గుర్తు పట్టేవారట. అందుకే శ్రీపాద్-ప్రేరణ చాటుగా కలుసుకోవాల్సి వచ్చేదట. పెళ్లికి పెద్దలు ఒప్పుకోలేదట. ఇరు కుటుంబాల పెద్దలను ఒప్పించేందుకు చాలా సమయం పట్టిందట. 

చివరకు పెద్దలను ఒప్పించి వివాహం చేసుకున్నారట. కన్నడ సాంప్రదాయంలో బెంగుళూరు వేదికగా ప్రేరణ వివాహం ఘనంగా జరిగింది. తరచుగా భర్తతో కలిసి వెకేషన్స్ కి చెక్కేస్తోంది ప్రేరణ. అటు పర్సనల్ లైఫ్ ఇటు ప్రొఫెషనల్ లైఫ్ ని ప్రేరణ బ్యాలన్స్ చేస్తుంది. 

కాగా బిగ్ బాస్ హౌస్లో ప్రేరణ తనదైన గేమ్ తో ఆకట్టుకుంటుంది. స్ట్రాంగ్ కంటెస్టెంట్ అని చెప్పొచ్చు. 14 మంది కంటెస్టెంట్స్ పాల్గొన్న బిగ్ బాస్ తెలుగు 8 నుండి బెజవాడ బేబక్క ఎలిమినేట్ అయ్యింది. రెండో వారం ఎలిమినేషన్ లిస్ట్ లో విష్ణుప్రియ, నాగ మణికంఠ, శేఖర్ బాషా, నిఖిల్, సీత, నైనిక, పృథ్విరాజ్, ఆదిత్య ఓం ఉన్నారు. 

Vishnu priya bigg Boss8

టాప్ సెలెబ్స్ నామినేషన్స్ లో ఉండగా ఎవరు ఇంటిని వీడినా సంచలనమే. విష్ణుప్రియ వరుసగా రెండో వారం కూడా నామినేట్ అయ్యింది. ఆమె ఎలిమినేట్ అయ్యే అవకాశం లేదు. విష్ణుప్రియకు ప్రేక్షకుల్లో పాజిటివిటీ పెరిగింది. సోనియా ఆకుల చేసిన నెగిటివ్ కామెంట్స్ విష్ణుప్రియకు ప్లస్ అయ్యాయి.