అమాయకుడైన పల్లవి ప్రశాంత్ నెలకు 10 లక్షలు పోగొట్టుకున్నాడా?  

బిగ్ బాస్ తెలుగు 7 టైటిల్ విన్నర్ గా అవతరించాడు కామనర్ పల్లవి ప్రశాంత్. ఎలాంటి అంచనాలు లేకుండా హౌస్లో అడుగుపెట్టి ఏకంగా టైటిల్ తన్నుకుపోయాడు. పల్లవి ప్రశాంత్ విజయంలో శివాజీ పాత్ర కూడా ఉంది. మొదటి నుండి శివాజీ ప్రశాంత్ ని గైడ్ చేస్తూ వస్తున్నాడు. 

నిజానికి శివాజీ టైటిల్ విన్నర్ అని అందరూ భావించారు. వారాలు గడిచే కొద్దీ పల్లవి ప్రశాంత్ గ్రాఫ్ పెరుగుతూ వచ్చింది. శివాజీ గ్రాఫ్ పడిపోయింది. తాను టైటిల్ కోల్పోయిన పర్లేదు, పల్లవి ప్రశాంత్ గెలవడం ఎంతో ఆనందంగా ఉందంటూ శివాజీ ఇప్పటికే పలుమార్లు చెప్పాడు. 
 

పల్లవి ప్రశాంత్ గురించి మాట్లాడుతూ శివాజీ కొన్ని ఆసక్తికర కామెంట్స్ చేశాడు. పల్లవి ప్రశాంత్ చాలా అమాయకుడు. మంచివాడు అందుకే సపోర్ట్ చేశాను. పల్లవి ప్రశాంత్ కి సోషల్ మీడియా అకౌంట్స్, యూట్యూబ్ ఛానల్ ఉన్నాయి. వాటిని లక్షల మంది ఫాలో అవుతున్నారు. ఆ అకౌంట్స్ ని మానిటైజ్ చేసుకుంటే డబ్బులు వస్తాయని కూడా ప్రశాంత్ కి తెలియదు. 
 

ఆ కారణంగా పల్లవి ప్రశాంత్ నెలకు రూ. 10 లక్షల వరకూ కోల్పోయాడు.  నన్ను కలిశాక పల్లవి ప్రశాంత్ సోషల్ మీడియా అకౌంట్స్ మానిటైజ్ చేయించాను. అంతటి అమాయకుడు పల్లవి ప్రశాంత్ అని చెప్పుకొచ్చాడు. 

బిగ్ బాస్ హౌస్లో స్పై బ్యాచ్ గా శివాజీ, ప్రశాంత్, యావర్ పేరుగాంచారు. అమర్ దీప్, శోభ, ప్రియాంక మరొక బ్యాచ్. సీజన్ మొత్తం స్పై బ్యాచ్ వెర్సస్ స్పా బ్యాచ్ అన్నట్లుగా సాగింది. ఫైనల్ గా స్పై బ్యాచ్ దే పై చేయి అయ్యింది. పల్లవి ప్రశాంత్ విన్నర్ కాగా, శివాజీ మూడో స్థానం, యావర్ నాలుగో స్థానంలో పొందారు. 

అయితే బిగ్ బాస్ ఫినాలే రోజు జరిగిన రచ్చ పల్లవి ప్రశాంత్ పరువు తీశాయి. పోలీసుల మాట వినకుండా అన్నపూర్ణ స్టూడియో వద్ద హల్చల్ చేసిన పల్లవి ప్రశాంత్ ని పోలీసులు అరెస్ట్ చేశారు. రెండు రోజుల అనంతరం బెయిల్ పై విడుదలయ్యాడు. పల్లవి ప్రశాంత్ అరెస్ట్ ని శివాజీ ఖండించారు.