Amardeep : ‘బిగ్ బాస్’లో మళ్లీ ఛాన్స్ ఇవ్వక్కర్లేదు.. అందుకే అలా చేశా... అమర్ దీప్ హాట్ కామెంట్స్!

బిగ్ బాస్ తెలుగు 7 Bigg Boss Telugu 7 గ్రాండ్ ఫినాలే తర్వాత టాప్ 3 కంటెస్టెంట్ల కామెంట్స్ హాట్ టాపిక్ గ్గా మారాయి. పల్లవి ప్రశాంత్ అరెస్ట్.. మొన్నటి వరకు శివన్న ఇంటర్వ్యూ ఆసక్తికరంగా మారిన విషయం తెలిసిందే. 

ఇక ప్రస్తుతం అమర్ దీప్ వరుసగా ఇంటర్వ్యూలు ఇస్తున్నారు. సీనియల్ యాక్టర్ గా మంచి గుర్తింపు తెచ్చుకున్న అతను ‘బిగ్ బాస్ తెలుగు సీజన్ 7’తో టీవీ ఆడియెన్స్ తో పాటు తెలుగు ప్రేక్షకులకు బాగా తెలిసిపోయారు. 

కొద్దిపాటి ఓటింగ్స్ తేడాతో అమర్ దీప్ టైటిల్ ను దక్కించుకోలేకపోయారు. దీనిపై రీసెంట్ ఇంటర్వ్యూలో ఆయన స్పందించారు. తనకెలాంటి బాధలేదని చెప్పారు. అలాగే మళ్లీ బిగ్ బాస్ షోలో అవకాశంపైనా షాకింగ్ గా స్పందించారు. 

గ్రాండ్ ఫినాలే రోజున టైటిల్ కావాలా? రవితేజ సినిమాలో అవకాశం కావాలా? అని నాగ్ అడిగిన వెంటనే అమర్ దీప్ క్షణం ఆలోచించకుండా రవితేజ మూవీలో ఆఫరే కావాలన్నారు. ఇక తాజాగా మరోసారి ఆ విషయాన్ని పునరుద్ఘాటించారు. 

‘ఆరోజు నేను తీసుకున్న నిర్ణయంలో ఎప్పటికీ మార్పు ఉండదు. షోలో మొదట్లో 35 లక్షలు ఆఫర్ చేసిన సమయంలోనూ రవితేజ సినిమా ఛాన్స్ అంటే మాస్ రాజాతోనే వెళ్లిపోయేవాడిని. నాకు సినిమా అంటే ఇష్టం.. RaviTeja గారు అంటే ఇంకా ఇష్టం. అలాంటి ఆయన సినిమా ఛాన్స్ ను ఎవ్వరైనా వదులుకుంటారా?’ అని బదులిచ్చారు. 

బిగ్ బాస్ లో ఒక సీజన్ తర్వాత మళ్లీ ఛాన్స్ రాదుకదా? ఎందుకు టైటిల్ ను వదులుకోవాలని నిర్ణయించుకున్నారనే ప్రశ్నకు.... ‘కావాలంటే ‘బిగ్ బాస్’లోకి నెక్ట్స్ సీజన్ లో వచ్చేవాడిని.. రవితేజతో సినిమానే ముఖ్యం. మళ్లీ ‘బిగ్ బాస్’లో అవకాశం ఇవ్వకపోయిన పర్లేదు. ఈ విషయంలో ఎప్పుడూ నా డిసీషన్ మారదు.’ అంటూ బదులిచ్చారు. ఇక రవితేజ సినిమాలో అమర్ కు ఎలాంటి రోల్ వస్తుందోనని అభిమానులు ఎదురుచూస్తున్నారు.