ఒక్క సీన్ తో యానిమల్ బ్యూటీ లెక్కలు మార్చేసింది..విజయ్ దేవరకొండ మూవీ నుంచి శ్రీలీల అవుట్ ?

రౌడీ హీరో విజయ్ దేవరకొండ చివరగా ఖుషి చిత్రంతో ఆడియన్స్ ని పలకరించాడు. రొమాంటిక్ చిత్రాలతో రౌడీ హీరో హిట్ కొడుతున్నాడు కానీ యాక్షన్ చిత్రాలు కలసి రావడం లేదు.లైగర్ మూవీ పరిస్థితి ఏమైందో తెలిసిందే. ప్రస్తుతం విజయ్ దేవరకొండ ఒకేసారి రెండు చిత్రాల్లో నటిస్తున్నాడు. 

పరశురామ్ దర్శకత్వంలో ఫ్యామిలీ స్టార్ అనే చిత్రంలో నటిస్తున్నాడు. ఈ మూవీ షూటింగ్ చివరి దశకు చేరుకుంది. అదే సమయంలో గౌతమ్ తిన్ననూరి దర్శకత్వంలో విజయ్ దేవరకొండ పీరియాడిక్ చిత్రంలో నటిస్తున్నాడు. శ్రీలీల హీరోయిన్ గా ఈ చిత్రం ఆల్రెడీ ప్రారంభం అయింది. 

అయితే ఈ చిత్ర షూటింగ్ ఆశించినంత వేగంగా జరగడం లేదు. దానికి కారణం నటీనటుల డేట్లు అడ్జెస్ట్ కాకపోవడమే అని వార్తలు వస్తున్నాయి. శ్రీలీల పలు చిత్రాలకు కమిటై ఉంది. ఇక విజయ్ దేవరకొండ ఫ్యామిలీ స్టార్ చిత్రంతో బిజీగా ఉన్నాడు. దీనితో ఈ చిత్రానికి ఊహించని షాక్ ఎదురైనట్లు వార్తలు వస్తున్నాయి. 

షూటింగ్ ఆలస్యం అవుతుండడంతో శ్రీలీల ఈ చిత్రం నుంచి తప్పుకున్నట్లు ప్రచారం జరుగుతోంది. అయితే ఇందులో ఎంతవరకు వాస్తవం ఉందో తెలియదు. శ్రీలీల ఈ చిత్రం నుంచి తప్పుకోవడానికి మరో కారణం కూడా ఉందట శ్రీలీల ఎంబిబిఎస్ చదువుతున్న సంగతి తెలిసిందే. చివరి దశలో ఉండడంతో సమయం కేటాయించడం కోసం ఈ చిత్రం నుంచి తప్పుకున్నట్లు వార్తలు వస్తున్నాయి. 

అయితే ఈ గోల్డెన్ ఛాన్స్ ని బాలీవుడ్ యంగ్ బ్యూటీ ఒడిసి పట్టుకున్నట్లు తెలుస్తోంది. యానిమల్ చిత్రంలో శృంగార సన్నివేశంలో నటించి మెరుపులు మెరిపించి తృప్తి డిమ్రి శ్రీలీల స్థానంలో విజయ్, గౌతమ్ చిత్రంలో అవకాశం దక్కించుకున్నట్లు టాక్. 

తృప్తి డిమ్రి యానిమల్ మూవీలో నటించిన తర్వాత నేషనల్ వైడ్ ఆమెకి సూపర్ క్రేజ్ దక్కింది. యువత మొత్తం తృప్తి డిమ్రి జపం చేస్తున్నారు. ఒక్క సీన్ తో లెక్కలు మొత్తం మార్చేసింది అని.. ప్రస్తుతం ఉన్న స్టార్ హీరోయిన్లకు తృప్తి డిమ్రి గట్టి పోటీ అవుతుందని అంచనాలు వినిపిస్తున్నాయి.