2025లో కోలీవుడ్ అత్యధిక లాభాలు తెచ్చిన మూవీ ఏంటో తెలుసా? సూర్య, అజిత్లకు షాక్
2025లో తక్కువ బడ్జెట్తో విడుదలైన ఓ సినిమా, పెట్టిన డబ్బు కంటే 200 రెట్లు ఎక్కువ వసూలు చేసి బ్లాక్ బస్టర్ హిట్ అయ్యింది.
2025 తమిళంలో అత్యధిక లాభాలు తెచ్చిన సినిమా
2025లో తమిళ సినిమా హిట్లు, ఫ్లాపులతో కొనసాగుతోంది. ప్రతి నెల ఒక హిట్ సినిమా వస్తోంది. జనవరిలో `మదగజరాజా`, `కుటుంబస్థన్` హిట్ అయ్యాయి. ఫిబ్రవరిలో `డ్రాగన్`, మార్చిలో `వీర తీర సూరన్`, ఏప్రిల్లో అజిత్ `గుడ్ బ్యాడ్ అగ్లీ` సినిమాలు విజయం సాధించాయి. ఈ ఏడాది అత్యధిక లాభాలు ఆర్జించిన సినిమా గురించి ఇప్పుడు తెలుసుకుందాం.
అత్యధిక లాభాలు ఆర్జించిన సినిమా ఏది?
మే 1న విడుదలైన `టూరిస్ట్ ఫ్యామిలీ` ఈ ఏడాది అత్యధిక లాభాలు ఆర్జించిన సినిమా. అభిషన్ జీవింద్ దర్శకత్వంలో శశికుమార్, సిమ్రాన్ జంటగా నటించారు. యోగిబాబు, కమలేష్, రమేష్ తిలక్, ఎం.ఎస్.భాస్కర్ వంటి స్టార్స్ నటించారు. షాన్ రోల్ సంగీతం అందించారు. మిలియన్ డాలర్ సంస్థ నిర్మించింది.
టూరిస్ట్ ఫ్యామిలీ కథేంటి?
శ్రీలంక నుంచి పడవలో వచ్చిన శశికుమార్ కుటుంబం శ్రీలంక తమిళులమని చెప్పుకోకుండా బతుకుతుంటారు. ఓ బాంబు పేలుడు కేసులో పోలీసులు వారి కోసం వెతుకుతుంటారు. వాళ్ళు దొరికిపోతారా? తప్పించుకుంటారా? అనేది కథ.
200% లాభాలు ఆర్జించిన టూరిస్ట్ ఫ్యామిలీ
16 కోట్ల బడ్జెట్తో నిర్మించిన టూరిస్ట్ ఫ్యామిలీ 50 కోట్లకు పైగా వసూలు చేసింది. సూర్య `రెట్రో` సినిమాతో పోటీపడి మంచి విజయం సాధించింది. ఈ ఏడాది అత్యధిక లాభాలు ఆర్జించిన సినిమా ఇదే. బడ్జెట్ కంటే 200% ఎక్కువ లాభం వచ్చింది. `రెట్రో` సినిమా కంటే థియేటర్లకు ఎక్కువ షేర్ ఇచ్చింది.
`రెట్రో`, `గుడ్ బ్యాడ్ అగ్లీ`లకు షాక్
`టూరిస్ట్ ఫ్యామిలీ` మూవీ కలెక్షన్ల పరంగా, లాభాల పరంగా సూర్య `రెట్రో`, అజిత్ `గుడ్ బ్యాడ్ అగ్లీ` చిత్రాలకు పెద్ద షాకిచ్చింది. ఈ ఏడాది కోలీవుడ్లోనే నిర్మాతలకు, బయ్యర్లకి అత్యధిక లాభాలు తెచ్చిపెట్టిన మూవీగా నిలవడం విశేషం.
