రాజీవ్ అన్న మాట కారణంగా ఏడాదిన్నర విడిపోయాం!

First Published Mar 23, 2021, 10:29 AM IST

టాలీవుడ్ సెలబ్రిటీ కపుల్ రాజీవ్ కనకాల, సుమ కనకాల లది ప్రేమ వివాహమన్న విషయం తెలిసిందే. 1999లో సుమ, రాజీవ్ మూడుముళ్ల బంధంతో ఒక్కటయ్యారు. ఈ మలయాళీ అమ్మాయికి, తెలుగు అబ్బాయికి పెళ్ళై రెండు దశాబ్దాలు దాటిపోయింది.

అయితే రాజీవ్, సుమల లవ్ స్టోరీ ఎలా మొదలైంది. అది పెళ్లివరకు ఎలా దారితీసింది అనే ఆసక్తి ఆమె అభిమానులతో ఎప్పటి నుండో ఉంది. కాగా కొన్ని సందర్భాలలో సుమ స్వయంగా ఈ విషయంపై పై స్పందించారు.

రాజీవ్ కనకాల మొదటిసారి ఓ స్టూడియోలో సుమను చూశారట. అప్పటి నుండే ఆమె పట్ల ఆకర్షితుడు అయ్యాడ. మెల్లగా సుమతో పరిచయం పెంచుకొని తన ప్రేమ విషయాన్ని తెలియజేశాడట.

అలా 1994లో సుమ, రాజీవ్ ప్రేమ కథ మొదలైందట. ఆ సమయంలో రాజీవ్ బుల్లితెర నటుడిగా కొనసాగుతుంటే సుమ వెండితెరపై హీరోయిన్ గా ఎదగాలనే ప్రయత్నానాలలో ఉన్నారు.

కొన్నాళ్ల తరువాత, మనం పెళ్లి చేసుకుందాం కాకపోతే ఓ కండీషన్ అని రాజీవ్, సుమతో అన్నారట. పెళ్లి తరువాత సినిమాలు మానేయాలనే షరతు విధించాడట రాజీవ్.

పెళ్లికి రాజీవ్ పెట్టిన కండీషన్ నచ్చని సుమ.. కోప్పడ్డారట. రాజీవ్ తో బ్రేకప్ చెప్పేసి దాదాపు ఏడాదిన్నర మాట్లాడలేదట. రాజీవ్ ఎంత ప్రయత్నం చేసినా, సుమ స్పందించేవారు కాదట.

అయితే కొన్నాళ్లకు సుమకు కూడా సినిమాపై మక్కువ తగ్గిపోయిందట. దానితో మరలా రాజీవ్, సుమ దగ్గరయ్యారట. తమ ప్రేమ విషయం రాజీవ్ తండ్రి దేవదాస్ కనకాలకు చెప్పి, పెళ్ళికి ఒప్పించారట.

అలా రాజీవ్, సుమ ప్రేమ బంధం పెళ్లి బంధంగా మారింది. సుమ, రాజీవ్ లకు ఇద్దరు పిల్లలు కాగా అమ్మాయి మనస్విని, అబ్బాయి రోషన్. కొడుకు రోషన్ ని హీరోగా పరిచయం చేయనున్నారు సుమ.