Sridevi: స్టార్ హీరో ముఖంపై కాండ్రించి ఉమ్మిన శ్రీదేవి, కన్నీరుపెట్టిన స్టార్ డైరెక్టర్ ఎవరో తెలుసా?

Sridevi: అందాల నటి శ్రీదేవి కెరీర్ లో ఎంతో మంది స్టార్ హీరోలతో ఎన్నో సినిమాలు చేసింది. కొన్ని సినిమాల్లో నచ్చని పనులు కూడా చేయాల్సిన సందర్భాలు కూడా ఉన్నాయి.ఓ సినిమాలో సీన్ కోసం.. స్టార్ హీరో ముఖాన కాండ్రించి ఉమ్మడానికి శ్రీదేవి ఎంత భయపడిందో తెలుసా?

Image Credit : Twitter

సినిమా రంగంలో ఎన్నో అద్భుతాలు..

సినిమా రంగంలో ఒక అద్భుతమైన సన్నివేశం తెరపైకి రావడానికి నటీనటులు, దర్శకులు పడే శ్రమ, వారి మధ్య ఉండే అవగాహన ఎంత ముఖ్యమో తెలియజేసే ఎన్నో ఆసక్తికర సంఘటనలు ఉన్నాయి. అలాంటి వాటిలో కోలీవుడ్ సూపర్ స్టార్ రజినీకాంత్, దివంగత నటి శ్రీదేవి, లెజెండరీ దర్శకుడు భారతీరాజా కాంబినేషన్‌లో జరిగిన ఒక ఎమోషనల్ సంఘటన ఇప్పటికీ సినీ వర్గాల్లో ఒక మైలురాయిగా నిలిచిపోయింది.

Image Credit : X

16 ఏళ్ల వయసు (16 వయదినిలే) సినిమా నేపథ్యం..

భారతీరాజా దర్శకత్వంలో రజినీకాంత్, కమల్ హాసన్, శ్రీదేవి ప్రధాన పాత్రల్లో వచ్చిన తమిళ చిత్రం '16 వయదినిలే'. తెలుగులో ఈ సినిమాను '16 ఏళ్ల వయసు' గా రీమేక్ చేశారు. ఈ చిత్రంలో ఒక కీలక సన్నివేశంలో కమల్ హాసన్‌ను రజినీకాంత్ తీవ్రంగా కొడతాడు. ఆ సమయంలో అక్కడికి వచ్చిన శ్రీదేవి, రజినీకాంత్‌తో గొడవ పడుతూ తీవ్ర కోపంతో అతని ముఖంపై కాండ్రించి ఉమ్మివేయాల్సి ఉంటుంది.

Image Credit : Facebook/Sridevi Kapoor

ససేమీరా అన్న శ్రీదేవి:

ఈ సన్నివేశాన్ని సహజంగా చూపించడం కోసం మొదట మూవీ టీమ్ సబ్బు నురగను ఉపయోగించి షూట్ చేయడానికి ప్రయత్నించింది. కానీ, అది కెమెరాలో ఏమాత్రం సహజంగా అనిపించలేదు. దాంతో చిత్రయూనిట్ కాసేపు తర్జనభర్జన పడింది. ఈ గందరగోళాన్ని గమనించిన రజినీకాంత్ ఏమాత్రం భేషజం లేకుండా, "సన్నివేశం పండాలంటే నాపై నిజంగానే ఉమ్మి వేయమనండి" అని చెప్పారు. కానీ, అంతటి పెద్ద నటుడిపై నిజంగా ఉమ్మివేయడానికి శ్రీదేవి అస్సలు ఒప్పుకోలేదు. "ససేమీరా.. నేను అలా చేయలేను" అని చెబుతూ ఆవిడ అక్కడి నుంచి వెళ్ళిపోయారు.

Image Credit : X

రజినీకాంత్ నిబద్ధత:

శ్రీదేవి రజినీకాంత్ పై ఉమ్మడానికి నిరాకరించడంతో రజినీకాంత్ స్వయంగా ఆవిడను దర్శకుడు భారతీరాజా దగ్గరకు తీసుకెళ్లారు. సీన్ పర్ఫెక్ట్‌గా రావాలంటే ఇది చేయక తప్పదని సూచించారు. మొదట్లో భారతీరాజా కూడా వద్దని వారించినప్పటికీ, రజినీకాంత్ పట్టుబట్టడంతో సుదీర్ఘ వాదనల తర్వాత ఎట్టకేలకు శ్రీదేవి ఆ సీన్ చేయడానికి ఒప్పుకున్నారు. ఎంతో ఇబ్బంది పడుతూనే శ్రీదేవి ఆ కాండ్రించి ఉమ్మేసే సన్నివేశాన్ని పూర్తి చేశారు.

Image Credit : X

కన్నీరు పెట్టిన భారతీరాజా

ఆ రోజు రజినీకాంత్ చూపించిన అంకితభావం, నటన పట్ల ఆయనకున్న నిబద్ధతను చూసి దర్శకుడు భారతీరాజా ఆశ్చర్యపోయారు. రజినీలోని గొప్ప నటుడిని చూసి ఎమోషనల్ అయ్యి.. భారతీరాజా కన్నీటి పర్యంతమవుతూ ఆయన్ని గట్టిగా హత్తుకున్నారు. "నటన అంటే కేవలం డైలాగులు చెప్పడం మాత్రమే కాదు, పాత్రకు తగ్గట్టుగా లీనమవ్వడం , నిబద్ధత కలిగి ఉండడం" అని రజినీకాంత్ నమ్మే సిద్ధాంతానికి ఈ ఘటనే సజీవ సాక్ష్యం. దర్శకుడి విజన్‌ను గౌరవిస్తూ నటుడు తనను తాను పూర్తిగా సమర్పించుకుంటే ఎలాంటి అద్భుతాలు సృష్టించవచ్చో ఈ సన్నివేశం నిరూపించింది.