- Home
- Entertainment
- Chiranjeevi: వేలకోట్ల ఆస్తి, అవినీతి ఆరోపణలు ? చివరికి మిగిలింది 100 కోట్లు..చిరంజీవితో ముడిపెడుతూ
Chiranjeevi: వేలకోట్ల ఆస్తి, అవినీతి ఆరోపణలు ? చివరికి మిగిలింది 100 కోట్లు..చిరంజీవితో ముడిపెడుతూ
దాసరి నారాయణ రావు ఆస్తుల గురించి తమ్మారెడ్డి భరద్వాజ చేసిన వ్యాఖ్యలు వైరల్ అవుతున్నాయి. చిరంజీవితో ముడిపెడుతూ తమ్మారెడ్డి చేసిన కామెంట్స్ ఇండస్ట్రీలో చర్చనీయాంశంగా మారాయి.
Dasari Narayana Rao
తెలుగు చిత్ర పరిశ్రమలో ఇండస్ట్రీ పెద్ద ఎవరు అనే చర్చ చాలా కాలంగా సాగుతోంది. దాసరి నారాయణరావు మరణం తర్వాత ఇండస్ట్రీకి పెద్ద ఎవరు అనే చర్చ మొదలైంది. ఆ తర్వాత చిరంజీవిని చాలా మంది ఇండస్ట్రీ పెద్దగా భావిస్తున్నారు. కానీ మరికొంత మంది అంగీకరించడం లేదు. ఈ వివాదం ఇలాగే కొనసాగుతూ ఉంది. కానీ చిరంజీవి మాత్రం తనకి తోచిన విధంగా ఇండస్ట్రీకి సాయం చేస్తూ ముందుకు వెళుతున్నారు.
ఇండస్ట్రీ పెద్ద అంటే దాసరి నారాయణ రావు
అయితే తమ్మారెడ్డి భరద్వాజ గతంలో దాసరి, చిరంజీవిని ఉద్దేశించి పరోక్షంగా చేసిన కామెంట్స్ కి వివరణ ఇచ్చారు. ఈ క్రమంలో దాసరి గురించి నమ్మలేని నిజాలు బయట పెట్టారు. ఓ కార్యక్రమంలో తమ్మారెడ్డి మాట్లాడుతూ ఇండస్ట్రీ పెద్ద అంటే దాసరి నారాయణ రావు అని, చిరంజీవి కాదు అని అర్థం వచ్చేలా వ్యాఖ్యలు చేశారు. దీనిపై మీడియాలో పెద్దఎత్తున చర్చ జరిగింది.
ఆయన పేరు కూడా ఎత్తలేదు
దీని గురించి ఓ ఇంటర్వ్యూలో ప్రశ్నించగా తమ్మారెడ్డి బదులిచ్చారు. నేను దాసరి గురించి చెప్పిన మాట వాస్తవం. కానీ చిరంజీవి గారిని ఏమీ అనలేదు. ఆయన పేరు కూడా ఎత్తలేదు. కానీ మీడియా వాళ్ళు రాసేశారు. నేను చాలా సీరియస్ గా చెబుతున్నా. నేను చిరంజీవిని ఏమీ అనలేదు. ఇండస్ట్రీ పెద్ద అనే పదం గురించి ఒక విషయం చెప్పాలి. అది అసలు పదవి కాదు. దాసరి గారు చేసిన మంచి పనుల వల్ల ఇండస్ట్రీని ఆయన్ని పెద్దగా భావించారు.
దాసరి కేంద్ర మంత్రిగా ఉన్నప్పుడు
ప్రతి రోజూ ఆయన ఇంటిముందు వందల మంది ఉండేవారు. వాళ్లందరికీ రోజూ కాఫీలు, టీలు, భోజనాలు ఏర్పాటు చేసేవారు. ఆయన ఆస్తి మొత్తం కరిగిపోయింది ఆ విధంగానే. దాసరి కేంద్ర మంత్రిగా ఉన్నప్పుడు వేలకోట్ల అవినీతి చేశారు అంటూ ఆరోపణలు వచ్చాయి. ఆయన నిజంగా అంత అవినీతి చేసి ఉంటే ఆస్తులన్నీ ఏమయ్యాయి ? ఆయన చనిపోయే సమయానికి ఆయన వద్ద ఉన్న ఆస్తులు కేవలం 100 కోట్లు లోపు మాత్రమే.
గుప్త దానాలు
దానిని కూడా 30 కోట్ల చొప్పున తన ముగ్గురు పిల్లలకు పంచేశారు. పంచాయతీలు చేసి చాలా సమస్యలు పరిష్కరించారు. ఆయన ఏ లాభం చూసుకోకుండా ఇవన్నీ చేశారు. అందుకే ఆయన్ని అందరూ ఇండస్ట్రీ పెద్దగా భావించారు. ఆయన గుప్త దానాలు కూడా చాలా చేశారు. ఇప్పుడున్న వాళ్ళు కూడా వారి వారి స్థాయిలలో మంచి పనులు చేస్తున్నారు. కానీ దాసరిలా ఎవరూ చేయలేరు అని తమ్మారెడ్డి పేర్కొన్నారు.
