ముంబయ్ షిఫ్ట్ అవ్వడానికి జ్యోతికనే కారణం, అసలు విషయం చెప్పేసిన సూర్య.

తమిళనాడుతో పాటు తెలుగులో కూడా భారీగా ఫ్యాన్ ఫాలోయింగ్ ఉన్నహీరో సూర్య. ఆయన సినిమాలు రిలీజ్ అయ్యాయి అంటే చాలు ఎగబడి చేసే జనాలు రెండు తెలుగు రాష్ట్రాల్లో లక్షల్లో ఉన్నారు. ఇకసూర్యను తెలుగులో డైరెక్ట్ ఫిల్మ్ చేయాల్సిందిగా చాలామంది ఫ్యాన్స్ డిమాండ్ చేస్తుంటారు కూడా. ఇక చాలా గ్యాప్ తరువాత సూర్య నటించిన సినిమా కంగువ. 
 

తమిళంతో పాటు తెలుగులో కూడా రిలీజ్ కాబోతోంది సినిమా.  నవంబర్ 14న రిలీజ్ కు  రెడీగా ఉంది కంగువ సినిమా. ఈ సినిమా కి సంబందించిన ప్రమోషన్స్ ను భారీ ఎత్తున నిర్వహిస్తున్నారు సూర్య. అందులో భాగంగా తెలుగు వర్షన్ ప్రమోషన్స్ ను కూడా గతంలో కంటే ఎక్కువగా చేస్తున్నారు.  పాన్ ఇండియా లెవెల్ లో వస్తున్న ఈ మూవీకి ప్రమోషన్స్ తెలుగులో కూడా పెద్ద ఎత్తున చేస్తున్నారు. అందులో భాగంగానే ప్రస్తుతం వరుస ఇంటర్వూలు  ఇస్తూ బిజీగా ఉన్నారు సూర్య.

అయితే ఈ క్రమంలోనే సూర్యకు జ్యోతిక విషయంలో వరుసగా ప్రశ్నలు ఎదురవుతున్నాయి. అవేంటో అందరికి తెలిసినవే. సూర్య తనభార్య పిల్లలతో కలిసి ఎందరకు ముంబయ్కు షిఫ్ట్ అయ్యాడు. మరి ఎందుకు ఇలా షిఫ్ట్ అయ్యారు. సోషల్ మీడియాలో వస్తున్న రూమర్స్ లో నిజం ఎంత అని ప్రశ్న సూర్యకు ఎదురయ్యింది. 

 గతేడాది సూర్య తన భార్య పిల్లలతో చెన్నై నుంచి ముంబైకి ఎందుకు షిఫ్ట్ అయ్యారు. ఇక ఈ విషయంపై ఆయన  క్లారిటీ ఇచ్చారు. జ్యోతిక తన కోసం ఇప్పటివరకు చాలా త్యాగం చేసిందని, తన కోసం జ్యోతిక కుటుంబాన్ని, కెరీర్ ను వదిలేసి వచ్చిందని, తన కోసం ఇన్ని త్యాగాలు చేసిన జ్యోతిక ఇప్పటికైనా తన కుటుంబంతో కలిసి ఉండాలనే చెన్నై నుండి ముంబైకి షిఫ్ట్ అయ్యామని సూర్య  తెలిపారు. 

తనకోసం కెరీర్, స్నేహితులు, తన బంద్రా లైఫ్‍స్టైల్‍ను వదులుకొని 27 ఏళ్ల క్రితం ముంబై నుంచి చెన్నైకు వచ్చేసిందని ఆయన అన్నారు. అందుకే  ముంబయ్ లో తనకిష్టమైన లైఫ్ స్టైల్ ను తనకు భహుమతిగా ఇవ్వడం కోసం తాము ముంబయ్ షిప్ట్ అయినట్టు తెలిపారు సూర్య. ఇక జ్యోతిక కూడా బాలీవుడ్ సినిమాల్లో బిజీ అవుతున్న క్రమంలో .. పిల్లల చదువులు కూడా అక్కడే కంటీన్యూ చేస్తున్నారట. 

చెన్నై నుండి ముంబైకి వెళ్ళిపోయినప్పటి నుండి జ్యోతిక తన పేరెంట్స్ తో హ్యాపీగా ఉందని, జ్యోతికకి గౌరవం, జిమ్ టైమ్ బాగా అవసరమని, తల్లిదండ్రుల నుంచి ఆమె సమయాన్ని, ఒకప్పుడు ఇష్టపడిన లైఫ్‍స్టైల్‍ను ఎందుకు దూరం చెయ్యాలని తాను ఈ నిర్ణయం తీసుకున్నానని సూర్య తెలిపారు. అయితే చెన్నై నుండి ముంబైకి షిఫ్ట్ అయిన సమయంలో విడాకులు తీసుకుంటున్నారని కొందరు.. లేదు సూర్యను తన కుటుంబం నుంచి జ్యోతికనే దూరం చేసిందని మరికొందరు.. ఇలా సోషల్ మీడియాలో రకరకాలుగా రూమర్స్ వస్తున్న క్రమంలో సూర్య ఇచ్చిన క్లారిటీ అందరిని ఆశ్చర్యపరిచింది. సూర్య క్లారిటీతో ఆ రూమర్స్ కి చెక్ పడినట్లే.