పేపర్ లో చూసి పవన్ గురించి రజనీకాంత్ కామెంట్స్.. నోరెళ్లబెట్టిన టాలీవుడ్ కమెడియన్, నా పరిస్థితేంటి అంటూ

జనసేన అధినేత, పవర్ స్టార్ పవన్ కళ్యాణ్ ప్రస్తుతం ఎలక్షన్ క్యాంపైనింగ్ లో బిజీగా ఉన్నారు. సినిమాలు పక్కన పెట్టేసిన పవన్ ప్రతి నియోజకవర్గం తిరుగుతున్నాయి. ప్రస్తుతం పవన్ కళ్యాణ్ నటించాల్సిన ఓజి, హరిహర వీరమల్లు, ఉస్తాద్ చిత్రాలు పెండింగ్ లో ఉన్నాయి. 

జనసేన అధినేత, పవర్ స్టార్ పవన్ కళ్యాణ్ ప్రస్తుతం ఎలక్షన్ క్యాంపైనింగ్ లో బిజీగా ఉన్నారు. సినిమాలు పక్కన పెట్టేసిన పవన్ ప్రతి నియోజకవర్గం తిరుగుతున్నాయి. ప్రస్తుతం పవన్ కళ్యాణ్ నటించాల్సిన ఓజి, హరిహర వీరమల్లు, ఉస్తాద్ చిత్రాలు పెండింగ్ లో ఉన్నాయి. బహుశా ఎన్నికల తర్వాత ఆ చిత్రాల షూటింగ్స్ తిరిగి ప్రారంభం అయ్యే ఛాన్స్ ఉంది. 

ఇదిలా ఉండగా టాలీవుడ్ లోకి కమెడియన్ గా ఎంట్రీ ఇచ్చిన సునీల్ ఆ తర్వాత హీరోగా మారాడు. హీరోగా కొన్ని సూపర్ హిట్స్ కొట్టిన సునీల్ ని దురదృష్టం వెంటాడింది. ఆ తర్వాత సునీల్ కి వరుస పరాజయాలు ఎదురయ్యాయి. దీనితో సునీల్ తిరిగి క్యారెక్టర్, కామెడీ రోల్స్ కి రాక తప్పలేదు. 

అయితే సునీల్ కి టాలీవుడ్ లో చాలా మంది స్టార్ హీరోలతో మంచి అనుబంధం ఉంది. పవర్ స్టార్ పవన్ కళ్యాణ్ తో కూడా సునీల్ కి మంచి సాన్నిహిత్యం ఉంది. పవన్ కళ్యాణ్ గురించి ఆ మధ్యన సునీల్ ఓ ఇంటర్వ్యూలో చేసిన కామెంట్స్ వైరల్ అవుతున్నాయి. సునీల్.. సూపర్ స్టార్ రజనీకాంత్ తో కలసి కథానాయకుడు చిత్రంలో నటిస్తుండగా ఓ సంఘటన జరిగిందట. 

సెట్స్ లో ఉండగా న్యూస్ పేపర్ లో జల్సా చిత్రం గురించి ఆర్టికల్ వచ్చిందట. వెంటనే సునీల్ ఆ పేపర్ తీసుకువెళ్లి రజనీకాంత్ కి చూపించారట. ఈ మూవీ డైరెక్టర్ నా బెస్ట్ ఫ్రెండ్ సర్ అని సునీల్ చెప్పాడట. రజనీకాంత్.. వెంటనే ఆ తెలుసండి.. త్రివిక్రమ్ శ్రీనివాస్ గారు.. తెలుసు అని చెప్పారట. ఆ తర్వాత పవన్ కళ్యాణ్ ఫోటో చూసి రజనీకాంత్ చెప్పిన మాటకి సునీల్ ఆశ్చర్యపోయాడట. 'తెలుగులో నెక్స్ట్ సూపర్ స్టార్ ఇతనే అండీ అన్నారట. 

ఒక మనిషి గురించి అంతగా తెలియకుండా ఎలా చెప్పగలరు అని అనుకున్నట్లు సునీల్ తెలిపాడు. కొన్నేళ్ల తర్వాత లింగా షూటింగ్ లో సునీల్ రజనీకాంత్ ని కలిశారట. అప్పటికి పవన్ కళ్యాణ్ కి టాలీవుడ్ లో సూపర్ క్రేజ్ ఉంది. రజనీకాంత్ చెప్పిన మాట నిజం కావడంతో సునీల్ ఆ విషయాన్ని గుర్తు చేశారు. సర్ అసలు అలా ఎలా చెప్పగలిగారు. మీదగ్గర ఏమైనా శక్తులు ఉన్నాయా.. నా ఫ్యూచర్  ఎలా ఉండబోతోందో కాస్త చెప్పండి సర్ అని సునీల్ సరదాగా అడిగాడట. 

పవన్ కళ్యాణ్ గురించి రజని అలా ఎలా చెప్పగలిగారు అనేది తనకి ఇప్పటికి అర్థం కానీ విషయం అని సునీల్ తెలిపాడు. సునీల్ ప్రస్తుతం అనేక చిత్రాల్లో క్యారెక్టర్ రోల్స్ చేస్తున్నాడు. సునీల్ హీరోగా మర్యాద రామన్న, అందాల రాముడు, పూలరంగడు లాంటి హిట్స్ కొట్టాడు.