Vikrant Rona Review: విక్రాంత్ రోణ ప్రీమియర్ షో టాక్... సుదీప్ వన్ మ్యాన్ షో... కాకపోతే అదే మైనస్! 

కన్నడ స్టార్ కిచ్చా సుదీప్ లేటెస్ట్ మూవీ విక్రాంత్ రోణ. పీరియాడిక్ యాక్షన్ అండ్ సస్పెన్సు థ్రిల్లర్ గా తెరకెక్కింది. నేడు విడుదలైన ఈ మూవీ ప్రీమియర్స్ ప్రదర్శన అర్ధరాత్రి నుండే మొదలు కాగా... టాక్ ఏమిటో చూద్దాం..

Vikrant Rona Review

బాహుబలి సిరీస్ సక్సెస్ సౌత్ ఇండియాను భారీ చిత్రాల నిర్మాణం వైపు నడిపించింది. పాన్ ఇండియా హ్యాంగ్ ఓవర్ అన్ని పరిశ్రమలను వెంటాడుతుంది. ఇక కన్నడ పరిశ్రమకు చెందిన కెజిఎఫ్ విడుదలైన అన్ని భాషల్లో భారీ విజయం సొంతం చేసుకుంది. ఈ ఏడాది విడుదలైన ఆర్ ఆర్ ఆర్, కెజిఎఫ్ 2 ఇండియన్ బాక్సాఫీస్ దుమ్ముదులిపాయి. ఈ రెండు చిత్రాలు కలిపి రూ. 2300 కోట్లకు పైగా వసూళ్లు రాబట్టాయి. 

కన్నడ పరిశ్రమకు చెందిన కెజిఎఫ్ ఆ పరిశ్రమకు చెందిన స్టార్స్ కి ప్రేరణగా నిలిచింది. ఈ క్రమంలో కిచ్చా సుదీప్ తన ఫస్ట్ పాన్ ఇండియా చిత్రంగా విక్రాంత్ రోణ విడుదల చేశారు. అన్ని పరిశ్రమల్లో నటించిన సుదీప్ కి మంచి గుర్తింపు ఉంది. హిందీతో పాటు తెలుగు, తమిళ, మలయాళ భాషల్లో ఆయన భిన్నమైన పాత్రలు చేశారు. ఇక విక్రాంత్ రోణ(Vikrant Rona Review) ప్రోమోలు సినిమాపై అంచనాలు పెంచేయగా మూవీ ప్రేక్షకుల అంచనాలు అందుకుందో లేదో చూద్దాం... 

విక్రాంత్ రోణ ప్రీమియర్స్ చూసిన ప్రేక్షకులు తమ అభిప్రాయం తెలియజేస్తున్నారు. విక్రాంత్ రోణ(Vikrant Rona) చిత్ర కథ విషయానికి వస్తే... ఇది ఓ సస్పెన్సు యాక్షన్ ఎంటర్టైనర్. ఓ ఊరిలో జరిగే నేరాల వెనుక గుట్టు తెలుసుకోవడానికి పోలీస్ అధికారి విక్రాంత్ రోణ రంగంలోకి దిగుతాడు. అనేక అనుమానాలు, భయాలతో అల్లాడిపోతున్న జనాల మధ్య అసలు విషయం ఛేదించే ప్రయత్నం చేస్తాడు. అసలు ఆ ఊరిలో జరుగుతున్న అనుకోని సంఘటనలకు కారణం ఎవరు? వాళ్ళ ఆట విక్రాంత్ రోణ ఎలా కట్టించాడు? అనేది కథ... 

విక్రాంత్ రోణ చిత్రానికి మిక్స్డ్ టాక్ వినిపిస్తుంది. కిచ్చా సుదీప్(Kicha Sudeep) నటనకు వంద మార్కులు వేస్తున్న ప్రేక్షకులు విజువల్స్, యాక్షన్ సన్నివేశాలు అద్భుతం అంటున్నారు. మ్యూజిక్ డైరెక్టర్ అజినీష్ లోకనాథ్ అందించిన బీజీఎమ్ ఆకట్టుకుందన్న మాట వినిపిస్తుంది. కెమెరా వర్క్, విఎఫెక్స్ ఆకట్టుకునే అంశాలుగా ప్రేక్షకులు తెలియజేస్తున్నారు. 

సినిమా నిర్మాణ విలువలు బాగున్నాయి. కథలో సస్పెన్స్ ఎలిమెంట్స్ కొంత మేర ఉత్కంఠ రేపుతున్నాయని తెలియజేస్తున్నారు. క్లైమాక్స్ తో పాటు సెకండ్ హాఫ్ సినిమాకు కలిసొచ్చే అంశాలుగా ప్రీమియర్ షో టాక్ ద్వారా తెలుస్తుంది. హీరో సుదీప్ వన్ మ్యాన్ షోగా కాగా, కథలో నిరూప్ బండారి రోల్ బాగుంది అంటున్నారు. జాక్విలిన్ గ్లామర్ అదుర్స్, ఉన్నంతలో పర్వాలేదనేది ఆమె పాత్ర పట్ల ప్రేక్షకుల అభిప్రాయం.

ఇక ప్రేక్షకులు వెల్లిబుచున్న మైనస్ పాయింట్స్ ఏమిటంటే... ఇంటర్వెల్ బ్యాంగ్ అనుకున్న స్థాయిలో లేదు. ప్రేక్షకుడి ఊహకు అందేలా డిజైన్ చేసి దర్శకుడు అనూప్ బండారి నిరాశపరిచాడని అంటున్నారు. కెజిఎఫ్ మాదిరి భారీ అంచనాలతో థియేటర్స్ కి వెళితే ఈ మూవీ నచ్చకపోవచ్చనేది కొందరి అభిప్రాయం. కథలో కొంత లాజిక్ మిస్ కావడంతో పాటు, కథనం ఏమంత పట్టు కలిగి లేదంటున్నారు. ఈ విషయాలపై దర్శకుడు దృష్టి సారించి ఉంటే సినిమా మరింత ఉన్నతంగా ఉండేది అంటున్నారు. 

మెజారిటీ ప్రేక్షకులు విక్రాంత్ రోణ పట్ల పాజిటివ్ రివ్యూస్ ఇస్తున్నారు. సినిమా బాగుందన్న అభిప్రాయం వెల్లడిస్తున్నారు. కాబట్టి స్వయంగా థియేటర్ కి వెళ్లి సుదీప్ భారీ యాక్షన్ అండ్ సస్పెన్సు ఎంటర్టైనర్ విక్రాంత్ రోణను ఎంజాయ్ చేయడం బెటర్.