సమంతతో రిలేషన్‌షిప్‌పై ఓపెన్‌ అయిన ప్రీతమ్‌ జుకాల్కర్‌.. నేనేంటో చైతూకి కూడా తెలుసంటూ కామెంట్‌

సమంత నాగచైతన్య నుంచి విడిపోయాక.. స్టయిలిస్ట్ ప్రీతమ్‌ జుకాల్కర్‌తో క్లోజ్‌గా ఉంటుందని, ఈ ఇద్దరు రిలేషన్‌షిప్‌లో ఉన్నారనే రూమర్స్ వచ్చాయి. తాజాగా దీనిపై ప్రీతమ్‌ రియాక్ట్ అయ్యారు. వివరణ ఇచ్చారు.  

సమంతకి స్టయిలీస్ట్ గా, కస్ట్యూమ్‌ డిజైనర్‌గా ఉన్నారు ప్రీతమ్‌ జుకాల్కర్‌. చాలా ఏళ్లుగా ఆమెకి పనిచేస్తున్నారు. ఆమెతోపాటు రాశీఖన్నా వంటి చాలా మంది హీరోయిన్లకి, హీరోలకు ఆయన కాస్ట్యూమ్స్ చేస్తున్నారు. కాకపోతే సమంతతో ఎక్కువగా క్లోజ్‌గా ఉండేవారు. వీరిద్దరి మధ్య ఏదో ఉందనే పుకార్లుఊపందుకున్నాయి. నాగచైతన్యతో సమంత విడిపోయిన తర్వాత ఈ ఇద్దరు క్లోజ్‌గా ఉన్నఫోటోలను సోషల్‌ మీడియాలో పంచుకున్నారు. దీంతో రూమర్స్ స్ప్రెడ్‌ అయ్యాయి. 

ఈ విషయం పెద్ద దుమారం రేపింది. ఈ నేపథ్యంలో అప్పట్లో సమంత, ప్రీతమ్‌ ఖండించారు. కానీ ఆ రూమర్స్ ఆగలేదు. తరచూ వస్తూనే ఉన్నాయి. తాజాగా దీనిపై ప్రీతమ్‌ స్పందించారు. `ప్రేమ`కి ఇచ్చిన యూట్యూబ్‌లో ఇంటర్వ్యూలో ఆయన స్పందిస్తూ ఆసక్తికర విషయాలు పంచుకున్నారు. తాను ఏంటో నాగచైతన్యకి కూడా తెలుసు అని, వారి ఇంటికి వెళ్లినప్పుడు చాలా బాగా రిసీవ్‌ చేసుకునేవారని, తమ మధ్య మంచి రిలేషన్‌ ఉందని తెలిపారు. 

మరోవైపు తనపై వచ్చిన రూమర్లకి రియాక్ట్ అవుతూ, తెలిసిన, క్లోజ్‌గా ఉన్న ఎవరైనా బాధలో ఉన్నప్పుడు, కష్టాల్లో ఉన్నప్పుడు వారికి సపోర్ట్ గా నిలవడమనేది కామన్‌. నేనూ అదే చేశాను. సమంత క్లోజ్‌ కావడంతో ఆమెకి సపోర్ట్ గా ఉన్నాను, అంతేకాని తమ మధ్య ఏం లేదని, బ్రదర్‌ అండ్‌ సిస్టర్‌ రిలేషన్‌ అని చెప్పాడు. దాన్ని కొందరు తప్పు పట్టడం బాధగా అనిపించిందన్నారు. తాను చాలా అగ్రెసివ్‌ పర్సన్‌ అని, తనపై ఏదైనా కామెంట్ వస్తే తట్టుకోలేనని, ఒక చెప్ప దెబ్బకొడితే పది దెబ్బలు కొట్టే రకమని తెలిపారు. తనపై కామెంట్ చేయడానికి వాళ్లు ఎవరంటూ ప్రశ్నించారు. వారికి మాకు సంబంధం ఏంటని ఆయన ఘాటుగా రియాక్ట్ అయ్యారు. అప్పుడు తాను ఇలానే రియాక్ట్ అయ్యాయని, అయితే అది తన కెరీర్‌కి ఎఫెక్ట్ అవుతుందని కొందరు హెచ్చరించారని తెలిపారు. 

అంతేకాదు తన సెక్సువాలిటీ మీద కూడా కామెంట్లు చేశారు. తాను గే అంటూ ఆర్టికల్స్ రాశారు. తన గురించి తన అనుమతి లేకుండా, నిజాలు తెలుసుకోకుండా ఎలా రాస్తారని ఆయన మండిపడ్డారు. ఆ తర్వాత తెలిసింది అది పెయిడ్‌ ఆర్టికల్‌ అని, కొందరు కావాలని రాయించినట్టు తెలిసిందన్నారు. అయితే  పరిణామాలు తనని చాలా బాధ పెట్టాయని, బయటకు చెప్పుకోలేదు కానీ, లోపల చాలా బాధపడినట్టు పేర్కొన్నాడు. ఈ నేపథ్యంలో కొంత దూరంగా ఉంటున్నట్టు చెప్పారు. బట్‌ తాను మాత్రం వీటిని లెక్క చేయనని, మనం ఏదైనా మంచి చేస్తే నెగటివిటీ కూడా వస్తూనే ఉంటుందని, ఈ ఆరేడుఏళ్లలో తాను చాలా నేర్చుకున్నానని తెలిపారు. 

కాస్ట్యూమ్‌ డిజైనింగ్‌ విషయం గురించి చెబుతూ, తాను హీరోలు, హీరోయిన్లకే కాదు పూర్తి సినిమాలకు కూడా కాస్ట్యూమ్‌ డిజైనర్‌గా చేస్తున్నానని, `ధమాఖా`, `యశోద`, `ఓ బేబీ` వంటి చిత్రాలకు పనిచేశానని, పెద్ద బ్రేకిచ్చే సినిమా కోసం వెయిట్‌ చేస్తున్నానని, తన డిజైన్స్ ని విస్తరించాలని, అదొక బ్రాండ్‌గా తయారు చేయాలనుకుంటున్నట్టు తెలిపారు ప్రీతమ్‌.