30 మంది పేద పిల్లలకు జీవితానిచ్చిన సుమ, ఏం చేసిందో తెలిస్తే షాక్ అవుతారు..?
ఎప్పుడూ సరదా సరదాగా .. అల్లరి చేస్తూ.. యాంకరింతో ప్రేక్షకుల మనసుదోచే స్టార్ యాంకర్ సుమ.. ఓ అద్భుతమైన పని చేసి అందరి చేత శభాష్ అనిపించుకుంటుంది.
అవ్వడానికి మలయాళ అమ్మాయి అయినా.. తెలుగువారికంటే స్పస్టమైన తెలుగు మాట్లాడుతూ.. యాంకర్ గా స్టార్ డమ్ తో దూసుకుపోతోంది సుమ కనకాల. సుమ గురించి మన తెలుగు వారికి ప్రత్యేక పరిచయం అవసరం లేదు. యాంకర్ గా ఇంత లాంగ్ టైమ్ ఎంటర్టైన్ చేసిన వారు ఇంకెవరూ లేరనే అనాలి.
సుమతో కెరీర్ స్టార్ట్ చేసిన వారు.. సుమ తరువాత యాంకర్ గా కెరీర్ స్టార్ట్ చేసిన వారు చాలా మంది ఉన్నారు. వాళ్లంతా ఎప్పుడో పక్కకు వెళ్లిపోయారు కాని సుమ మాత్రం ఏకధాటిగా స్టార్ యాంకర్ గా ఏలుతోంది. బుల్లితెరపై షోలతో ప్రతి ఒక్కరి ఫ్యామిలీలో ఓ మెంబర్ అయిపోయింది సుమ.
సుమ యాంకర్ గా స్టార్ డమ్ తో పాటు కోట్ల కోట్లు ఆస్తులు కూడా సంపాదించింది. అంతే కాదు తనను ఇంత స్టార్ ను చేసిన వారికి ఏదొ ఒకటి చేయాలనుకున్న సుమ మంచి మనసు చాటుకుంది. నలుగురికి సాయపడాలని సంకల్పించింది. ఓ పెద్ద కార్యాన్ని మొదలుపెట్టింది. రీసెంట్ గా ఆ విషయాన్ని వెల్లడించింది.
సుమ ఓ వైపు `క్యాష్`, మరోవైపు `స్టార్ట్ మ్యూజిక్` వంటి షోలకు హోస్ట్ చేస్తున్న విషయం తెలిసిందే.
ఇక అసలు విషయానికి వస్తే.. రీసెంట్ గా సుమ మద్రాస్ ఐఐటీ కాలేజీకి వెళ్ళింది. అక్కడ స్టూడెంట్స్ అడిగిన ఫన్నీ క్వశ్చన్స్ కు సుమ ఫన్నీ గా సమాధానాలు ఇచ్చింది.నన్ను ఇష్టపడి ఇంత దాన్ని చేసిన ప్రేక్షకుల కోసం నేను కూడా ఎంతో కొంత చేయాలి అనుకున్నా.లేదంటే లావయిపోతానేమో అని భయం వేసింది అంటూ అసలు విషయాన్ని కూడా ఫన్నీగా చెప్పింది సుమ.
Suma Kanakala
ఫెస్టివల్స్ ఆఫ్ జాయ్ అనే సంస్థ నా డ్రీం.. ఎందుకంటే నాకు వచ్చే దాంట్లో నేను తినడమే కాదు అందరికీ ఏదో ఒకటి చేయాలనే ఉద్దేశంతో ఒక కార్యక్రమాన్ని స్టార్ట్ చేయడం జరిగింది. నా వంతుగా 30 మంది స్టూడెంట్స్ ని అడాప్ట్ చేసుకుని చదివిస్తున్నాను. వాళ్ళు బాగా సెటిల్ అయ్యే వరకు వాళ్ల బాధ్యత నాదే ..నేను వాళ్ళతోనే ఉంటాను. అన్నారు. అంతే కాదు ఇప్పటికే అమెరికాలో ఉన్న ఎఫ్ ఐ ఏ సంస్థ వాళ్ళు మాతో కలిసి పనిచేస్తున్నారు.. వారితో పాటు జైపూర్ లింబ్స్ డొనేట్ చేశారు అంటూ సుమ చెప్పుకొచ్చింది.
సుమ చేసిన మంచి పనికి ఆమెపై ప్రశంసల జల్లు కురుస్తోంది. అంత సరదాగా ఉండే సుమ ఇంత మంచి పనులు చేస్తూ.. ఎవరికీ చెప్పుకోకుండా.. తన మంచి తనం చాటుకుందంటూ అభినందిస్తున్నారు. ఈ సందర్భంగా తన జీవితం గురించి కూడా కొన్ని విషయాలు స్టూడెంట్స్ తో పంచుకుంది సుమ. యాంకర్ గా తన జీవితం ఎలా స్టార్ట్ అయ్యిందో వివరించింది.
ఈ సందర్భంగా సుమ వారితో మాట్లాడుతూ.. నేను పుట్టింది పాలక్కాడ్ లో 15 ఏళ్ల వయసున్నప్పుడు యాంకరింగ్ మొదలుపెట్టాను. అప్పుడు మా అమ్మ తెలుగు నేర్చుకుని మాకు తెలుగు నేర్పి ఇక్కడికి పంపించింది. జీవితం అంటేనే పెద్ద ఛాలెంజ్, పోయేవరకు ఏదో ఒక ట్రబుల్ వస్తూనే ఉంటుంది. నాకు పేరు రావాలి రావాలి అంటే రాదు.
ఏం చేయాలి అనుకుంటున్నామో అది కరెక్ట్ గా చేసినప్పుడే మనకు పేరు వస్తుంది. నా ఏజ్ కి నాకు క్లారిటీ లేనే లేదు..ఎందుకంటే నేను ఇంటర్లో బైపీసీ చేశా డిగ్రీలో బీకామ్ చేసి తర్వాత ఎంకామ్ చేశా. ముందు అకౌంట్స్ సెక్షన్ లోకి వెళ్దామనుకున్నా తర్వాత టీచర్ అవుదామనుకున్న తర్వాత ఏదో అలా అలా చేస్తూ చేస్తూ వెళ్తే దానికి యాంకర్ అని పేరు వచ్చింది.