స్టార్ కమెడియన్ దగ్గర అసిస్టెంట్ గా పని చేసిన రాజమౌళి, ఎవరా నటుడు?

టాలీవుడ్ లో ప్రపంచ సినిమా సరసన నిలిపిన దర్శకుడు రాజమౌళి. ఆయన సినిమాలో నటించడానికి స్టార్లు కూడా పోటీపడుతుండగా.. రాజమౌళి మాత్రం ఓ కమెడియన్ కు అసిస్టెంట్ గా పనిచేశాడని మీకుతెలుసా? ఇదేం కామెడీ కాదు నిజంగానే రాజమౌళి ఓ కమెడియన్ కు అసిస్టెంట్ గా పనిచేశాడు. ఇంతకీ ఎవరా కమెడియన్  ఏంటా కథ? 

ప్రపంచవ్యాప్తంగా గుర్తింపు పొందిన పాన్ ఇండియా దర్శకుడు ఎస్‌.ఎస్‌. రాజమౌళి గురించి ప్రత్యేకంగా పరిచయం అవసరం లేదు. బాహుబలి, ఆర్ఆర్ఆర్ వంటి చిత్రాలతో భారతీయ సినిమాను అంతర్జాతీయ స్థాయిలోకి తీసుకెళ్లిన జక్కన్న ప్రస్తుతం సూపర్ స్టార్ మహేష్ బాబుతో కలిసి ఓ భారీ యాక్షన్ అడ్వెంచర్ ఫిల్మ్‌ను రూపొందిస్తున్నాడు. ఈ ప్రాజెక్ట్‌పై భారీ అంచనాలు నెలకొన్నాయి. ఇందులో ప్రియాంక చోప్రా కథానాయికగా నటిస్తుండగా, హాలీవుడ్ నటులు కూడా ఈ సినిమాలో భాగమవుతారని సమాచారం.

అయితే ఇప్పుడు రాజమౌళిని సంబంధించి ఓ ఆసక్తికర విషయం బయటకు వచ్చింది. రాజమౌళి కమెడియన్ వేణుమాధవ్‌కు అసిస్టెంట్‌గా పనిచేశారని మీకు తెలుసా? ఇది నిజజీవితంలో కాదు, సినిమా కోసం మాత్రమే. ఈ సంఘటన 2004లో నితిన్ హీరోగా వచ్చిన సై సినిమాలో జరిగింది. ఈ చిత్రానికి దర్శకుడు కూడా రాజమౌళే.

ఈ సినిమాలో వేణుమాధవ్ 'నల్లబాలు' అనే పాత్రలో కనిపిస్తారు. ఒక ప్రత్యేకమైన సన్నివేశంలో రాజమౌళి వేణుమాధవ్‌కు సహాయకుడిగా, చిన్న పాత్రలో నటించారు. ప్రేక్షకులకు అసలు గుర్తు రాని విధంగా ఆ సన్నివేశం చిత్రీకరించబడింది. అప్పట్లో దర్శకుడిగా పేరు తెచ్చుకుంటున్న రాజమౌళి, ఇలా ఒక్క సన్నివేశం కోసం నటించారన్నది చాలామందికి తెలియదు.

ఇది మాత్రమే కాదు, రాజమౌళి గతంలో మరెన్నో చిత్రాలలో కూడా చిన్న చిన్న పాత్రల్లో కనిపించారు. ఇటీవలి కాలంలో కూడా కల్కి 2898 AD వంటి సినిమాలలో అతని క్యామియో పాత్రలు చూశాం. దర్శకుడిగా కాకుండా నటుడిగానూ ఆయన ఆసక్తికర పాత్రలు చేసిన సందర్భాలు ఉన్నాయి.

Rajamouli, Mahesh babu,varanasi

ఇక మహేష్ బాబు – రాజమౌళి కాంబినేషన్ సినిమా షూటింగ్ శరవేగంగా సాగుతోంది. ఈ చిత్రం భారతీయ సినిమా చరిత్రలో మరో ఘన విజయంగా నిలిచే అవకాశాలు ఉన్నాయని సినీ వర్గాలు భావిస్తున్నాయి.