సిగ్నల్ లేదంటే ఏకంగా టవరే ఏర్పాటు చేయించాడు.. సోనూ సూద్ సేవకి అంతేలేదుగా!
కరోనా క్లిష్ట సమయాల్లో విశేష సేవ చేసి ఏకంగా ఐక్యరాజ్యసమితి పురస్కారాన్ని పొందారు. తాజాగా ఆయన చేసిన పనికి ఏకంగా ఓ గ్రామమే చేతులెత్తి దెండం పెడుతోంది.
టాలీవుడ్ విలన్ సోనూ సూద్ హీరో అనిపించుకున్న సందర్భాలు కోకొల్లలు. చేతికి ఎముకే లేదనేలా తన సేవా కార్యక్రమాలు చేపడుతూ ప్రజల హృదయాలను గెలుచుకుంటున్నారు. తాజాగా ఆయన చేసిన పనికి ఏకంగా ఓ గ్రామమే చేతులెత్తి దెండం పెడుతోంది. మరి ఇంతకి సోనూ సూద్ ఏం చేశాడనేది చూస్తే.
లాక్డౌన్లో పేదలు, వలస కార్మికులకు సహాయం చేసి గొప్ప మనసుని చాటుకున్న ఆయన ఇప్పుడు మరోసారి ఉదారతను ప్రదర్శించారు. హర్యానాలోని మోర్ని గ్రామంలో ఒక విద్యార్థి ఆన్లైన్ క్లాస్ల కోసం మొబైల్ ఫోన్ వాడాల్సి వచ్చింది. ఆ గ్రామంలో నెట్వర్క్ లేనందున ఆ అబ్బాయి చెట్టు పైకి ఎక్కి క్లాస్లు వింటున్నాడు. చెట్టు ఎక్కితే గానీ ఆ ఊర్లో సిగ్నల్ రాదు.
విసిగిపోయిన ఆ కుర్రాడు తమ సమస్యని ట్విట్టర్ ద్వారా సోనూ సూద్కి తెలిపాడు. విషయం తెలుసుకున్న సోనూ సూద్ వెంటనే ఆ గ్రామ పెద్దలతో మాట్లాడి ఎయిర్టెల్ టవర్ని ఏర్పాటు చేయించాడు. దీంతో ఆ గ్రామ ప్రజలు సంతోషంగా సోనూకి కృతజ్ఞతలు తెలియజేశారు. తమ దీర్ఘకాలిక సమస్యని తీర్చినందుకు ఆ ఊరి విద్యార్థులు రెండు చేతులెత్తి దెండం పెడుతున్నారు.