కండక్టర్ ఝాన్సీ కన్నీటి గాథ.... పరువు తీశావని అవమానించారంటూ ఏడ్చేసిన పల్సర్ బైక్ ఫేమ్..!

సోషల్ మీడియా లక్షల మంది సామాన్యులను సెలెబ్రిటీలుగా మార్చింది. వాళ్లలో పల్సర్ బైక్ ఝాన్సీ కూడా ఒకరు. ఈవెంట్స్ లో డాన్స్ ప్రోగ్రామ్స్ చేసే ఝాన్సీ యూట్యూబ్ లో చాలా ఫేమస్ అయ్యారు. దాంతో ఆమెను శ్రీదేవి డ్రామా కంపెనీ డైరెక్టర్స్ పిలిపించారు.

Jabardasth

శ్రీదేవి డ్రామా కంపెనీ షోలో ఝాన్సీ తన టీమ్ తో 'పల్సర్ బైక్' సాంగ్ కి పెర్ఫార్మ్ చేశారు. ప్రైవేట్ సాంగ్ కి ఝాన్సీ వేసిన మాస్ స్టెప్స్ పిచ్చి రేపాయి. షోలో ఉన్న కమెడియన్స్ తో పాటు ఆడియన్స్ ఓ రేంజ్ లో ఎంజాయ్ చేశారు. డాన్స్ లో ఝాన్సీ యూనిక్ స్టైల్ జనాలకు కనెక్ట్ అయ్యింది. ఆ దెబ్బతో ఝాన్సీ మరింత పాపులర్ అయ్యారు.

Pulsar bike Jhansi

అదే వేదికపై ఝాన్సీ తనను తాను గాజువాక డిపో కండక్టర్ గా పరిచయం చేసుకున్నారు. ఇది ప్రేక్షకులను మరింత ఆశ్చర్యానికి గురి చేసింది. తనకు డాన్స్ అంటే ఇష్టమని అయితే బంధువులతో పాటు కొందరు ఈ వృత్తిని ఎంచుకున్నందుకు అవమానించారని, మా పరువు తీస్తున్నావని తిట్టిపోశారని ఝాన్సీ తెలియజేసింది. 

తాజాగా ఝాన్సీ ఎక్స్ట్రా జబర్దస్త్ షోకి వచ్చారు. ఆ వేదికపై తన పెర్ఫార్మన్స్ ఇచ్చారు. టీవీల్లో నీ డాన్స్ షో ప్రసారమైన తర్వాత జీవితం ఎలా ఉందని రష్మీ.. ఝాన్సీని అడిగింది. ఆ ప్రశ్నకు ఝాన్సీ ఎమోషనల్ అయ్యారు. గతంలో డాన్స్ చేసి మా పరువు తీస్తున్నావని అన్నవారు ఇప్పుడు ఫోన్ చేసి మన కుటుంబం పరువు నిలబెట్టావు అంటున్నారని చెప్పి ఝాన్సీ కన్నీరు పెట్టుకుంది. 

Jabardasth

రమేష్ మాస్టర్ అనే వ్యక్తి ఝాన్సీని ప్రోత్సహించారు. ఝాన్సీతో పాటు ఓ టీమ్ ని ఏర్పాటు చేసి ప్రోగ్రామ్స్ ఇవ్వడం స్టార్ట్ చేశారు. ఝాన్సీ డాన్స్ వీడియోలు యూట్యూబ్ లో లక్షలు మంది చూశేవారు. ఆ విధంగా ఆమె సోషల్ మీడియా సెలబ్రిటీ అయ్యారు. ప్రస్తుతం ఝాన్సీ టెలివిజన్ షోస్ లో కూడా కనిపిస్తున్నారు.

అయితే కొందరు ఝాన్సీని, ఆమె భర్తను తిడుతూ కామెంట్స్ పెడుతున్నారట. అలాంటి నెగిటివ్ కామెంట్స్ చేయవద్దని ఝాన్సీ మీడియా ముందు విన్నవించుకున్నారు. వీలైతే ఎంకరేజ్ చేయండి. కానీ బూతులు తిడుతూ మమ్మల్ని ఇబ్బంది పెట్టొద్దని ఝాన్సీ తెలియజేశారు. మా టాలెంట్ నిరూపించుకునే అవకాశం ఇప్పుడిప్పుడే వస్తుందన్నారు.