నాగ చైతన్యకు కాబోయే భార్య శోభితను పెళ్లి కూతురిగా చూశారా?

శోభిత ధూళిపాల, నాగ చైతన్య వివాహ బంధంలోకి అడుగుపెట్టనున్నారు. పెళ్లికి ముందు జరిగే వేడుకలు మొదలయ్యాయి.

సోమవారం శోభిత ఇంట్లో పెళ్లి కూతురు వేడుక జరిగింది. ఈ సందర్భంగా శోభిత కుటుంబ సభ్యులు, బంధువులు హాజరయ్యారు.

పెళ్లి కూతురు వేడుకలో శోభిత చాలా సంతోషంగా కనిపించారు. బంధువులతో కలిసి ఫోటోలకు పోజులిచ్చారు. బ్రాహ్మణ సాంప్రదాయ పద్ధతిలో నాగ చైతన్య వివాహం జరగనుంది. పెళ్లి తంతు ఏకంగా 8 గంటలు సాగనుందట.

ఎర్ర చీర, మాంగ్ టీకా, సింపుల్ నెక్లెస్‌తో శోభిత అందంగా ముస్తాబయ్యారు.అక్కినేని వారి కొత్త కోడలు శోభిత పెళ్లి కూతురు ఫోటోలు వైరల్ అవుతున్నాయి. 

డిసెంబర్ 4న హైదరాబాద్‌లో శోభిత, నాగ చైతన్య వివాహం ఘనంగా జరగనుంది. సినీ ప్రముఖులు పెళ్లికి హాజరవుతారు.

శోభితకు ఇది మొదటి పెళ్లి, నాగ చైతన్యకు రెండోది. నాగ చైతన్యకు సమంతతో వివాహం జరిగిన, నాలుగు సంవత్సరాల తర్వాత విడాకులు తీసుకున్నారు.