Sobhita Dhulipala: ప్రశాంతంగా తన పని తాను చేసుకుంటున్న శోభిత.. నేటి హీరోయిన్లకు రోల్ మోడల్

Sobhita Dhulipala: నాగచైతన్యను పెళ్లి చేసుకున్న తర్వాత శోభిత ధూళిపాల విలువ పెరిగిపోయింది. ఆమె సినిమాల ద్వారా కాకుండా బ్రాండ్ ప్రమోషన్ల ద్వారా భారీగా సంపాదిస్తోంది. శోభితా ఏడాదికి కేవలం బ్రాండ్ ప్రమోషన్ల ద్వారానే కోట్లలో సంపాదిస్తున్నట్టు సమాచారం. 

Image Credit : Sobhitad/Instagram

శోభిత ధూళిపాల బ్రాండ్ ప్రమోషన్లు

నాగచైతన్యకు భార్యగా మారిన తర్వాత శోభిత ధూళిపాలకు సినీ రంగంలోనే కాదు.. మోడల్ రంగంలో కూడా మరింత విలువ పెరిగింది. ప్రస్తుతం సినీ రంగంలో ఉన్న హీరోయిన్లు సినిమాలకే పరిమితం కావడం లేదు.. బ్రాండ్ ప్రమోషన్ల ద్వారా కూడా భారీగా సంపాదిస్తున్నారు. ఆ జాబితాలో శోభితా ధూళిపాల ముందు స్థానంలో ఉంటుంది. ఆమె ఒక క్లాసీ స్టైల్ తో, గ్లోబల్ లుక్ తో కనిపిస్తుంది. అందుకే పెద్ద పెద్ద బ్రాండ్లకు ప్రమోషన్ చేసే అవకాశాన్ని దక్కించుకుంటుంది. కేవలం బాలీవుడ్, టాలీవుడ్ మాత్రమే కాదు.. అంతర్జాతీయ స్థాయిలో గుర్తింపు పొందిన శోభితకు సోషల్ మీడియాలో కూడా మంచి ఫాలోయింగ్ ఉంది. దీంతో ఎన్నో కంపెనీలు తమ ఉత్పత్తులను ప్రమోట్ చేయమంటూ ఆమెను కోరుతున్నారు.

Image Credit : Sobhitad/instagam

ఒక్కో బ్రాండ్‌తో ఎంత సంపాదన?

తెలిసిన సమాచారం ప్రకారం శోభిత ఒక్కో బ్రాండ్ ప్రమోషన్ చేసేందుకు 50 లక్షల రూపాయల నుంచి కోటి రూపాయల వరకు తీసుకుంటుందని సమాచారం. ఒక యాడ్ షూట్ లేదా ఫోటోషూట్ కోసం కొన్ని రోజులు కేటాయిస్తారు. ఇక సోషల్ మీడియాలో ప్రమోషన్లు కూడా చేస్తారు. ఒక ఏడాదికి ఆ బ్రాండ్ డీల్ కోసం ఒప్పందం జరుగుతుంది. ఆమె క్రేజీ బ్రాండ్ విలువ సోషల్ మీడియా ప్రభావం అధికంగా ఉంటుంది. కాబట్టి రెమ్యూనరేషన్ ఇంకా పెరిగే అవకాశం ఉంటుంది. శోభిత ఫ్యాషన్, బ్యూటీ, లైఫ్ స్టైల్ బ్రాండ్లను ఎక్కువగా ప్రమోట్ చేస్తుంది.

Image Credit : Sobhitad/instargam

ఏడాదికి ఎంత సంపాదన?

ఒక్కో బ్రాండ్ ను ప్రమోట్ చేసేందుకు యాభై లక్షల నుంచి కోటి రూపాయల వరకు తీసుకుంటుందని టాక్. అలా ఇప్పుడు శోభిత చేతిలో 5 నుంచి 8 వరకు ప్రముఖ బ్రాండ్లు ఉన్నాయి. వీటి ద్వారా ఆమె ఏడాదికి ఎంత లేదన్నా.. 10 కోట్ల రూపాయల వరకు సంపాదిస్తుందని సమాచారం. ఇది సినిమా ఆదాయంతో పోలిస్తే తక్కువేమీ కాదు. ఒక్కోసారి బ్రాండ్ డీల్స్ ద్వారా వచ్చే ఆదాయం సినిమాల కంటే ఎక్కువగా ఉంటుంది. ఏదేమైనా తన జీవితాన్ని, కెరీర ను అందంగా, తనకు నచ్చిన విధంగా ప్లాన్ చేసుకుంటోంది శోభిత.  సొంత కాళ్లపై నిలబడే విషయంలో ఇప్పటి తరం అమ్మాయిలకు శోభిత ఆదర్శంగా నిలుస్తున్నారని చెప్పొచ్చు

Image Credit : Sobhitad/Instagram

ఒక్కో సినిమాకు ఎంత ఛార్జ్?

ఇక శోభిత చేస్తున్న సినిమాల విషయానికొస్తే ఒక సినిమా చేయడానికి కోటిన్నర నుంచి రెండున్నర కోట్ల రూపాయల వరకు తీసుకుంటుందని సమాచారం. సినిమా పూర్తి అవడానికి రెండు మూడు నెలల సమయం పడుతుంది. అందుకే శోభిత సినిమాలకన్నా బ్రాండ్ ప్రమోషన్లకే ఎక్కువ విలువను ఇస్తోంది. తన కెరీర్ ను తెలివిగా ముందుకు తీసుకెళ్తూ ఈ తరం హీరోయిన్లకు రోల్ మోడల్ గా నిలుస్తోంది.