Brahmamudi: కావ్యను వెనకేసుకొస్తున్న సీతారామయ్య.. భార్య ప్రవర్తనకు పిచ్చివాడైతున్న రాజ్!

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కంటెంట్తో టాప్ సీరియల్స్ సరసన స్థానం సంపాదించుకుంటుంది. పుట్టింటి కోసం తపన పడుతున్న కూతుర్ని చూసి గర్వపడుతున్న తల్లిదండ్రుల కథ ఈ సీరియల్. ఇక ఈరోజు ఆగస్టు 14 ఎపిసోడ్ ఏం జరిగిందో చూద్దాం. 

 ఎపిసోడ్ ప్రారంభంలో కావ్యని హాల్లో నిలబెట్టి అందరూ నిలదీస్తూ ఉంటారు. నేను చేసింది తప్పు అనిపిస్తే అసలు నేను ఆ పని చేయను అంటుంది కావ్య. ఇంతమంది పెద్దవాళ్ళు చెప్పినప్పుడు వినొచ్చు కదమ్మ అంటుంది చిట్టి. అమ్మమ్మ గారు మీరు కూడా నన్నే తప్పు పడుతున్నారా.. కష్టంలో ఉన్న తల్లిదండ్రులకు కూతురుగా  సాయం చేయాలనుకోవడం తప్పా అని నిలదీస్తుంది కావ్య.

 అందుకే మేము మీ పుట్టిన వాళ్లకి సాయం చేస్తాను అని చెప్పాను కదా అంటాడు రాజ్. ఎలా.. శ్రీను గారితో మాట్లాడినట్టు మాట్లాడి సాయం చేస్తారా అంటుంది కావ్య. ఆ మాటలకి షాక్ అవుతాడు రాజ్. అదంతా అనవసరం నువ్వు నీ పుట్టింటికి వెళ్ళడానికి వెళ్ళలేదు అలా వెళ్లేటట్టయితే నువ్వు ఈ ఇంట్లో ఉండటానికి వీల్లేదు అంటూ ఆర్డర్ వేస్తుంది అపర్ణ. అప్పుడే అక్కడికి వచ్చిన సీతారామయ్య ఇంక ఆపండి అంటూ కోప్పడతాడు.

 తను ఏం తప్పు చేసిందని అందరూ ఆమెని అలా నిలదీస్తున్నారు అంటాడు. తను మీడియాకెక్కి మన ఇంటి పరువు తీసేసింది నాన్న అంటుంది రుద్రాణి. నువ్వు ఇంకేమీ మాట్లాడొద్దు నేను అన్ని తెలుసుకునే వచ్చాను ఆయన ఆ అమ్మాయి మన ఇంటి పరువు కాపాడింది. తను మన ఇంటి గురించి ఎంత గొప్పగా చెప్పింది మనం తనకే స్వేచ్ఛ ఇస్తున్నాము.. తన ఎదుగుదలకి మనం సహకారం అందిస్తున్నాము అని చెప్పింది నిజానికి అవి ఏవి మన ఇంట్లో జరగడం లేదు.

కావ్యకి ఆత్మ అభిమానం ఎక్కువ ఎప్పుడైతే అపర్ణ ఇంటి నుంచి డబ్బులు తీసుకువెళ్తుంది అన్నదో ఆ రోజే నాకు తెలుసు ఈ ఇంటి నుంచి ఒక రూపాయి తీసుకు వెళ్ళదని. అయినా తన కష్టంతో తన పుట్టింటి వారిని కష్టం తీరుస్తానంటే మీకు ఏంటి కష్టం ఇకపై తను తనకు నచ్చిన పని చేస్తుంది తనకి మన అందరి సపోర్ట్ ఉండాలి అంతే అంటూ తీర్పు ఇస్తాడు సీతారామయ్య. కావ్య పీడ విరగడైపోతుంది అనుకునే సమయానికి ముసలోడు వచ్చి ప్లాన్ మొత్తం చెడగొట్టాడు అని తిట్టుకుంటారు రుద్రాణి,రాహుల్.

కోపంగా ఇంట్లో వాళ్ళందరూ అక్కడి నుంచి వెళ్ళిపోతారు. తర్వాత సీతారామయ్య దగ్గరికి వచ్చి తన కృతజ్ఞతలు చెప్పుకుంటుంది కావ్య. మరోవైపు ముభావంగా ఉన్న భర్త దగ్గరికి వచ్చి అతనికి ధైర్యం చెబుతూ ఉంటుంది కనకం. కావ్య కాపురం ఏమైపోతుందో అని భయంగా ఉంది. మనం కష్టంలో ఉన్నాము అంటే మనం రావద్దు అన్న కావ్య రాకుండా ఉండదు అందుకే మనం ఈ ఇల్లు అమ్మేద్దాము. అప్పు తీసి మిగిలిన డబ్బుతో చిన్నపిల్ల పెళ్లి చేసేద్దాము అంటాడు కృష్ణమూర్తి.

నువ్వు చెప్పింది నిజమేనయ్య ఇల్లు అమ్మేస్తానంటే బాధగా అనిపించేది కానీ ఇప్పుడు కావ్య కాపురం కంటే ఈ ఇల్లు ముఖ్యం కాదు అంటుంది కనకం. మరోవైపు పరుపు వేసుకోవడానికి ఇబ్బంది పడుతున్న కావ్యకి సాయం చేస్తాడు రాజ్. వెనకనుంచి మోసం చేయటం, ముందు నుంచి సాయం చేయటం అంటూ వెటకారంగా మాట్లాడుతుంది కావ్య. తాతయ్య సపోర్ట్ చూసుకొని నువ్వు రెచ్చిపోతున్నట్లు ఉన్నావు. మీ పుట్టింటికి వెళ్ళడానికి తాతయ్య పర్మిషన్ ఇచ్చినప్పటికీ నువ్వు నీ పుట్టింటికి వెళ్ళటం నాకు ఇష్టం లేదు అంటాడు రాజ్.

సరే వెళ్ళనులెండి అని చెప్పి పడుకుంటుంది కావ్య. ఒక్కసారిగా షాక్ అవుతాడు రాజ్. అదేంటి ఇంత సింపుల్గా కాంప్రమైజ్ అయిపోయింది దీని వెనక ఏదైనా కారణం ఉందా అంటూ నిద్ర పట్టక అదే ఆలోచనతో కొట్టుకుంటూ ఉంటాడు. ఆఖరికి ఆత్రుత ఆపుకోలేక పడుకున్న కాదని నిద్రలేపి మరి అంత సింపుల్ గా ఎలా ఒప్పుకున్నావు అని అడుగుతాడు. కావ్య సమాధానం చెప్పకుండా పడుకుండిపోవడంతో మరింత టెన్షన్ పడతాడు.

మరోవైపు పని చేసుకుంటున్న కావ్య తాతయ్య తనని చూడాలని, ఇంకా మీ పుట్టింటికి ఎందుకు వెళ్ళలేదు అని అడుగుతాడని ఎక్స్పెక్ట్ చేస్తూ ఉంటుంది. కానీ సీతారామయ్య కావ్య ని గమనించడు. ఇంతలో రాజ్ వచ్చి పేపర్ చదువుతుంటే అతని దగ్గర పేపర్ లాక్కొని సీతారామయ్యకి ఇస్తుంది కావ్య. తరువాయి భాగంలో మేము నిన్ను అపార్థం చేసుకున్నాము నువ్వు నిరభ్యంతరంగా నీ పుట్టింటికి వెళ్ళు అని చిట్టి చెప్తుంది. కావ్య క్యాబ్ బుక్ చేస్తుంటే ఎందుకు అని చెప్పి కావ్యని పుట్టింట్లో డ్రాప్ చేయమని రాజ్ ని పురమాయిస్తాడు సీతారామయ్య.