అమ్మ రెండో పెళ్లి చేసుకుంటాను అంటే నేను అడిగింది ఇదే, చాలా భయపడింది..సింగర్ సునీత కొడుకు

యాంకర్ సుమ కొడుకు రోషన్ కనకాల బబుల్ గమ్ చిత్రంతో హీరోగా ఎంట్రీ ఇచ్చాడు. వెంటనే జనవరి 1న సింగర్ సునీత తనయుడు ఆకాష్ కూడా సర్కారు నౌకరి అనే చిత్రంతో థియేటర్స్ లో సందడి చేస్తున్నాడు.

యాంకర్ సుమ కొడుకు రోషన్ కనకాల బబుల్ గమ్ చిత్రంతో హీరోగా ఎంట్రీ ఇచ్చాడు. వెంటనే జనవరి 1న సింగర్ సునీత తనయుడు ఆకాష్ కూడా సర్కారు నౌకరి అనే చిత్రంతో థియేటర్స్ లో సందడి చేస్తున్నాడు. ఈ ఎయిడ్స్ నేపథ్యంలో వచ్చిన ఈ చిత్రానికి మంచి ప్రయత్నం అంటూ రెస్పాన్స్ వస్తోంది. 

దీనితో ఆకాష్ వరుసగా ఇంటర్వ్యూలు ఇస్తూ సినిమాకి ప్రచారం చేస్తున్నారు. తాజాగా ఇంటర్వ్యూలో ఆకాష్ మాట్లాడుతూ తన ఫ్యామిలీ పర్సనల్ విషయాలపై కూడా ఓపెన్ అయ్యాడు. నేను ఎదో తరగతిలో ఉన్నప్పుడే అమ్మ మమ్మల్ని సింగిల్ మదర్ గా పోషిచడం మొదలు పెట్టింది. 

Singer Sunitha

నాన్న ఎప్పుడో ఒకసారి వచ్చేవారు. పదవతరగతి నుంచి చిరంజీవి సినిమా పాటలకు డ్యాన్స్ చేయడం మొదలుపెట్టా. ఆ విధంగా సినిమా అంటే ఇష్టం ఏర్పడింది. చదువు పూర్తి కాకముందే యాక్టర్ కావాలని ఉన్నట్లు అమ్మతో చెప్పా. కాళ్ళు విరగ్గొడతా అని అమ్మ తిట్టింది. 

ఆ తర్వాత డిగ్రీ పూర్తి చేసాక ఇండస్ట్రీ వైపు వచ్చినట్లు ఆకాష్ పేర్కొన్నాడు. అమ్మ ఒంటరిగా ఉంటూ నన్ను చెల్లిని, తాతయ్యని బాగా చూసుకుంది. అయితే రెండో పెళ్లి విషయంలో అమ్మ చాలా భయపడింది. మేము ఏమనుకుంటామో అని టెన్షన్ పడింది. 

మాకు రెండో పెళ్లి గురించి చెప్పినప్పుడు నేను ఒక్కటే అడిగా.. రామకృష్ణ గారిపై నమ్మకం ఉందా అని ప్రశ్నించా. చాలా నమ్మకం అని చెప్పింది. నేను కూడా ఆయన్ని కలిశా. చాలా ఫ్రెండ్లిగా ఉంటారు. చాలా ఏళ్లపాటు అమ్మ ఎమోషనల్ సపోర్ట్ లేకుండా ఒంటరిగా ఉండింది. ఎట్టకేలకు అమ్మకి ఒక తోడు దొరికింది. అదే మాకు సంతోషం అని ఆకాష్ తెలిపారు. 

సింగర్ సునీతకి 19 ఏళ్ల వయసులోనే కిరణ్ కుమార్ తో వివాహం జరిగింది. వీళ్లిద్దరికీ ఆకాష్, శ్రేయ సంతానం కలిగారు. వివిధ కారణాల వల్ల తన భర్త నుంచి సునీత విడిపోయింది. 2021లో సునీత.. రామకృష్ణ వీరపనేనిని రెండో వివాహం చేసుకుంది.