పెళ్లి విషయం దాచిన సింగర్ సునీత, విషయం తెలిసి కోప్పడ్డ పిల్లలు!
సింగర్ సునీత భర్త రామ్ వీరపనేనితో కలిసి మాల్దీవ్స్ వెళ్లారు. జనవరిలో పెళ్లి చేసుకున్న ఈ జంట ప్రేమికులరోజు వేడుక మాల్దీవ్స్ లో జరుపుకోవడం జరిగింది. వెకేషన్ కి వెళ్లబోయే ముందు రామ్, సునీత ఓ ఇంటర్వ్యూలో పాల్గొన్నారు.
యాంకర్ సుమ ఈ క్రేజీ కపుల్ ని ఇంటర్వ్యూ చేయగా.. సునీత, రామ్ ల పరిచయం, వివాహం వంటి అనేక విషయాలు బయటికి వచ్చాయి. అయితే తన నిశ్చితార్థం గురించి సునీత ఓ ఆసక్తికర విషయం బయటపెట్టారు.
సునీత నిశ్చితార్థం గురించి తెలుసుకున్న ఆమె కొడుకు కూతురు కోప్పడ్డారట. దానికి కారణం ఏమిటో వివరించారు సునీత.
రామ్ సునీతలకు చాలా కాలంగా పరిచయం ఉందట. వృత్తిపరంగా అప్పుడప్పుడూ ఫోన్ లో మాట్లాడుకునేవారట. కొన్నిసార్లు రామ్ ఫోన్ సునీత లిఫ్ట్ చేసేవారు కాదట.
లాక్ డౌన్ సమయంలో రామ్, సునీతకు ఫోన్ చేశారట. అప్పుడు మాటల్లో మాటగా ఏంటి పెళ్లి చేసుకోరా.. ఒంటరిగానే ఉండిపోతారా అని సునీత, రామ్ ని అడిగారట.
దానికి రామ్... ఇష్టమైతే నిన్ను పెళ్లి చేసుకోవాలని అనుకుంటున్నానని సునీతతో అన్నారట. ఆ విషయం సునీత తల్లిదండ్రులతో చెప్పగా.. సానుకూలంగా స్పందించారట.
ఇద్దరు కుటుంబ సభ్యులు మాట్లాడుకొని పెళ్లి ఫిక్స్ చేశారట. ఓరోజు సడన్ గా రామ్ కుటుంబ సభ్యులతో పాటు సునీత ఇంటికి వచ్చి... చీర ఇచ్చారట.
ఆ ఫోటోలు నెట్ లో రావడంతో సునీతకు నిశ్చితార్థం అని వార్తలు వచ్చాయి. ఆ ఫోటోలు చూసిన సునీత సన్నహితులు ఫోన్ చేసి విష్ చేశారట.
సునీత నిశ్చితార్థం గురించి అప్పుడు తెలుసుకున్న పిల్లలు, సునీతపై కోప్పడ్డారట. ఇంత ముఖ్యమైన విషయం మాకు చెప్పకుండా దాస్తావా.. ముందే చెవితే కొత్త బట్టలు కొనుక్కునే వాళ్ళం కదా అని అన్నారట.
రామ్-సునీతల వివాహాన్ని ఇద్దరు పిల్లలు మనస్ఫూర్తిగా అంగీకరించారు. అమ్మ పెళ్లిని అన్నీ తామై, సంబరంగా చేశారు కొడుకు కూతురు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
